జోన్‌ 2023వరకు పరిష్కరించినవి పెండింగ్‌ గుర్తించినవి ఖైరతాబాద్‌ 101 41 60 సికింద్రాబాద్‌ 107 56 51 చార్మినార్‌ 75 53 22 ఎల్‌బీనగర్‌ 73 70 03 శేరిలింగంపల్లి 30 21 09 కూకట్‌పల్లి 97 92 05 మొత్తం 483 333 150 ● గత సంవత్సరం వర్షాకాలం వరకు 483 శిథిల భవనాలుండగా, వాటిల్లో 87 భవనాలను కూల్చివేశారు. ● 92 శిథిల భవనాలకు మరమ్మతులు చేయించారు. ● 135 శిథిల భవనాల్లో నివసిస్తున్న వారిని తాత్కాలికంగా ఖాలీ చేయించారు. ● 19 భవనాలను సీజ్‌ చేశారు. ● వెరసి మొత్తం 333 శిథిల భవనాలకు సంబంధించి పరిష్కార చర్యలు చేపట్టారు. ఇంకా 150 శిథిల భవనాలు మిగిలే ఉన్నాయి. ఈ సంవత్సరం లెక్కల్లో తేలేవాటితో మొత్తం ఎన్ని శిథిల భవనాలు వెలుగులోకి వస్తాయో.. వాటిల్లో ఎన్నింటికి ఎప్పటిలోగా పరిష్కార చర్యలు చేపడతారో వేచి చూడాల్సిందే !

సాక్షి, సిటీబ్యూరో: నగరం వేదికగా నూతనంగా ప్రారంభించిన వన్‌ 8 కమ్యూన్‌ రెస్టారెంట్‌లో టాలీవుడ్‌ స్టార్స్‌ సందడి చేశారు. భారత లెజెండరీ క్రికెటర్‌ విరాట్‌ కోహ్లి స్థాపించిన వన్‌ 8 కమ్యూన్‌ రెస్టారెంట్‌ ఇకపై హైటెక్‌ సిటీ వేదికగా నగరవాసులకు పసందైన రుచులను అందించనుంది. ఈ రెస్టారెంట్‌ వేదికగానే ప్రముఖ సినీనటుడు మంచు మనోజ్‌ పుట్టినరోజు వేడుకలను నిర్వహించారు. ఈ వేడుకల్లో మంచు లక్ష్మి, నాని, అడివి శేష్‌, నిఖిల్‌, తేజ సజా, సుధీర్‌బాబు, సందీప్‌ కిషన్‌, ఆకా ష్‌ పూరి, అభిరామ్‌ తదితర టాలీవుడ్‌ నటులు, నిర్మాతలు, దర్శకులు పాల్గొన్నారు. ఈ సందర్భంగా వన్‌ 8 కమ్యూన్‌ కో–ఫౌండర్‌ వర్తిక్‌ తిహారా మాట్లాడుతూ., జుహు, బెంగళూరు, గుర్గావ్‌తో పాటు నగరంలో నూతన స్టోర్‌ ప్రారంభించామని, ఇలాంటి వినూత్న రెస్ట్రో బార్‌కు హైదరాబాద్‌ అనువైన కేంద్రమని తెలిపారు. విరాట్‌ కోహ్లి ఇష్టపడే మెనూ ఇక్కడ లభిస్తుందని, విభిన్నమైన డిష్‌లతో పాటు స్థానికి రుచు ల మేళవింపుతో వన్‌ 8 కమ్యూన్‌ ఆకట్టుకుంటుందని పేర్కొన్నారు.

బంజారాహిల్స్‌: భార్య కాపురానికి రావడం లేదనే బాధతో ఓ యువకుడు ఆమె కళ్ల ముందే మూడో అంతస్తు నుంచి కిందికి దూకి ఆత్మహత్య చేసుకున్న ఘటన బంజారాహిల్స్‌ పోలీస్‌ స్టేషన్‌ పరిధిలో చోటుచేసుకుంది. వివరాలివీ... కడప ఎర్రముఖపల్లి సర్కిల్‌లో నివసించే పసుపులేటి మణికంఠ (33) 2018 మే 10వ తేదీన బంజారాహిల్స్‌ రోడ్డు నెంబర్‌–10లోని ఇబ్రహీంనగర్‌కు చెందిన యువతిని ప్రేమ వివాహం చేసుకున్నాడు. ఇద్దరూ కలిసి ఏడాది పాటు బంజారాహిల్స్‌ రోడ్డు నెంబర్‌–14లో ఓ ఇల్లు అద్దెకు తీసుకుని కాపురం చేశారు. మణికంఠ పద్ధతులతో విసిగిపోయిన యువతి ఇబ్రహీంనగర్‌లోని తన పుట్టింటికి వెళ్లింది. అప్పటి నుంచి మణికంఠ తీవ్ర నిరాశా నిస్పృహలతో గడపసాగాడు. భార్యను తనతో పాటు రమ్మని పిలవడానికి ఆదివారం రోజు రాత్రి ఆమె ఇంటికి వెళ్లాడు. తనతో పాటు రావాలని కోరాడు. నీ పద్ధతులు నచ్చకనే వేరుగా ఉంటున్నానని, నీవు మారవని రాలేనని భార్య తెగేసి చెప్పడంతో ఇద్దరి మధ్య తీవ్ర వాగ్వాదం జరిగింది. తన భార్య ఎప్పటికీ ఇక రాదని, ఈ జీవితం వృథా.. బతికి వేస్ట్‌ అనుకుంటూ భార్య చూస్తుండగా మూడో అంతస్తు నుంచి కిందికి దూకి ఆత్మహత్య చేసుకున్నాడు. అక్కడికక్కడే మణికంఠ మృతి చెందగా ఈ విషయాన్ని బాధిత యువతి మణికంఠ బాబాయి వెంకటరమణకు తెలియజేసింది. వెంకటరమణ ఇచ్చిన ఫిర్యాదు మేరకు బంజారాహిల్స్‌ పోలీసులు అనుమానాస్పద మృతి కింద నమోదు చేసుకుని దర్యాప్తు చేస్తున్నారు.

నల్లకుంట: మద్యం మత్తులో కారు నడిపి రవాణా, రహదారుల మంత్రిత్వ శాఖకు చెందిన ఓ అధికారి వీరంగం సృష్టించిన ఘటన నల్లకుంట పోలీస్‌ స్టేషన్‌ పరిధిలో ఆలస్యంగా వెలుగులోకి వచ్చింది. అడ్మిన్‌ ఎస్సై శ్రీనివాస్‌ కథనం మేరకు వివరాలిలా ఉన్నాయి. బాగ్‌అంబర్‌పేట డీడీ కాలనీకి చెందిన యడవల్లి శ్రీనివాస్‌ సీతారమేష్‌(46)టీచర్‌గా పని చేస్తున్నాడు. ఈ నెల 18న రాత్రి అతను బైక్‌పై విద్యానగర్‌ లక్కీ కేఫ్‌ సమీపంలోని ఐరావత్‌ ఐ క్లినిక్‌ రోడ్డులో వెళుతున్నాడు. అదే సమయంలో వేగంగా దూసుకువచ్చిన కారు ముందు వెళుతున్న బైక్‌ను ఢీకొట్టడంతో రమేష్‌ కిందపడ్డాడు. ఈ ఘటనపై బాధితుడు రమేష్‌ ఈ నెల 19న నల్లకుంట పోలీసులకు ఫిర్యాదు చేశారు. కేసు నమోదు చేసిన ఎస్సై రమాదేవి దర్యాప్తు చేపట్టారు. ఈ ఘటనపై కేసు నమోదు చేయలేదని సామాజిక మాధ్యమాల్లో వస్తున్న వార్తల్లో వాస్తవం లేదని ఎస్సై పేర్కొన్నారు. ఫిర్యాదు అందిన వెంటనే కేసు నమోదు చేశామన్నారు. స్థానికులు కారును అడ్డుకుని కారు నడుపుతున్న వ్యక్తిని నిలదీస్తూ సెల్‌ ఫోన్‌లో వీడియో తీశారు. ప్రమాద సమయంలో అతను మద్యం మత్తులో ఉన్నట్లు సమాచారం.కారు కుడివైపు ముందు డోర్‌ పక్కన బీరు బాటిల్‌ ఉన్నట్లు సామాజిక మాధ్యమాల్లో వీడియో వైరల్‌గా మారింది. కాగా ఘటన జరిగిన సమయంలో కారు నడుపుతున్న వ్యక్తి పక్కన ఓ చిన్నారి కూడా ఉండటం గమనార్హం. ● సామాజిక మాధ్యమాల్లో వైరల్‌కావడంతో ఆలస్యంగా వెలుగులోకి ● కారులో మద్యం బాటిల్‌ ఉన్నట్లు గుర్తింపు

ఫిలింనగర్‌: నగరంలో రౌడీయిజం, దౌర్జన్యం అనే పదాలు ఇకపై వినిపించరాదని నగర పోలీస్‌ కమిషనర్‌ కొత్తకోట శ్రీనివాస్‌రెడ్డి అన్నారు. సోమవారం ఆయన ఫిలింనగర్‌ పోలీస్‌ స్టేషన్‌ను సందర్శించారు. ఈ సందర్భంగా సిబ్బందిని, అధికారులను ఉద్దేశించి మాట్లాడుతూ... ప్రజలు ఆనందంగా, ప్రశాంతంగా ఉండాలంటే పోలీసులు బాధ్యతాయుతంగా పని చేయాలన్నారు. రౌడీయిజం, దౌర్జన్యాలు అనే పదాలు వినిపించకుండా పోలీసుల పనితీరు ఉండాలన్నారు. ఫిలింనగర్‌ పోలీసుల పనితీరుపై ఆయన సంతృప్తి వ్యక్తం చేశారు. కార్యక్రమంలో వెస్ట్‌జోన్‌ డీసీపీ విజయ్‌కుమార్‌, జూబ్లీహిల్స్‌ ఏసీపీ వెంకటగిరి, ఫిలింనగర్‌ ఇన్‌స్పెక్టర్‌ శ్రీనివాసులు తదితరులు పాల్గొన్నారు.