srushty

బిగ్‌బాస్ సీజన్‌ 10లో నామినేషన్స్ ప్రక్రియ మొదలవడంతో హౌస్‌లో మరోసారి వేడి వాతావరణం నెలకొంది. ఇప్పటికే కంటెస్టెంట్ల మధ్య విభేదాలు ఉండగా.. నామినేషన్స్‌ ప్రక్రియతో అవన్నీ ఒక్కసారిగా బయటకొచ్చాయి. ఒకరి మీద ఒకరు ఆరోపణలు చేసుకోవడంతో పాటు మాటలతో యుద్ధానికి దిగారు. ముఖ్యంగా సృష్టి-సుధీర్ గొడవ ఈ ఎపిసోడ్‌కు హైలైట్‌గా నిలిచింది. అసలు ఇంత గొడవపడటానికి కారణం ఏంటి? నిన్నటి ఎపిసోడ్‌లో ఏం జరింగింది. చూద్దాం రండి.!అన్నం పెట్టేవాడికే చెత్త వేయడం ఏంటి?స్టార్ ఆఫ్ ది వీక్‌గా ముకేశ్ ఉండటంతో అతడిని ఎవరూ నామినేట్ చేయకూడదని బిగ్‌బాస్ స్పష్టం చేశారు. అయితే ముకేశ్ కారణంగా ఝాన్సీ టెన్షన్‌కు గురైందని భావిస్తే ఆమెను నామినేట్ చేయవచ్చని తెలిపారు. ఇక నామినేషన్స్‌లో భాగంగా కంటెస్టెంట్లకు ఎన్వలప్స్ ఇచ్చి.. అందులో ఎన్ని ఓట్లు ఉంటే అంతమందిని నామినేట్ చేయాలనే టాస్క్ పెట్టారు. రాంప్రసాద్, చరణ్ ముందుగా పోటీ పడగా ఇద్దరికీ ఎన్వలప్స్ వచ్చాయి. కెప్టెన్‌గా ఉన్న ఝాన్సీ.. రాంప్రసాద్‌కు నామినేషన్ ఛాన్స్ ఇచ్చింది. దీంతో ఇద్దరిని నామినేట్ చేసే అవకాశం అతడికి వచ్చింది. రాంప్రసాద్ మొదట వంశీని నామినేట్ చేశాడు. ఫుడ్ పెట్టే సమయంలో పెద్దగా అరవడం తనకు నచ్చలేదని కారణం చెప్పాడు.అయితే ఇక్కడే మరో వివాదం మొదలైంది. వర్షిణి ఏడ్చిన విషయాన్ని వంశీ ప్రస్తావించడంతో ఇద్దరి మధ్య వాగ్వాదం జరిగింది. మానిటర్‌గా ఉన్న దేబ్జానీ కూడా ఈ విషయంలో కలగజేసుకోవడంతో వంశీ-దేబ్జానీ మధ్య మాటల యుద్ధం జరిగింది. దీంతో రాంప్రసాద్.. ‘ఇది నా నామినేషన్’ అంటూ గట్టిగా చెప్పి వంశీపై చెత్త వేశాడు. దీనిపై త్రిగుణ్ స్పందిస్తూ.. అన్నం పెట్టిన వాళ్ల మీదే చెత్త వేస్తున్నారంటూ సెటైర్ వేశాడు. అయితే అలాంటి వ్యాఖ్యలు చేయొద్దని రాంప్రసాద్ కౌంటర్ ఇచ్చాడు.ఇదీ చదవండి: 10వేల మందికి అదిరిపోయే ట్రీట్‌! నాని ఫ్యాన్స్‌కు పండగే..సృష్టి వర్సెస్ సుధీర్.. హౌస్‌లో మరో రచ్చఇక ఎపిసోడ్‌లో అసలు హీట్ సృష్టి, సుధీర్ మధ్య జరిగిన గొడవతో వచ్చింది. త్రిగుణ్ తనను మానిప్యులేట్ చేశాడని సుధీర్ ఆరోపించాడు. గతంలో జరిగిన గొడవలన్నీ క్లియర్ అయ్యాయని.. ఇక తనకు ఫ్రీడమ్ వచ్చిందని సుధీర్ చెప్పడంతో సృష్టి తీవ్రంగా స్పందించింది. ‘నేను నీ వెంట పడ్డానా?’ అంటూ సుధీర్‌పై సృష్టి తీవ్ర ఆగ్రహం వ్యక్తం చేసింది. అంతేకాకుండా కోపంలో కొడతా, పళ్లు రాలగొడతా అంటూ ఘాటు వ్యాఖ్యలు చేసింది. ఈ గొడవతో పరిస్థితి ఒక్కసారిగా అదుపు తప్పింది. ఆ తర్వాత సృష్టి ఏడుస్తూ అక్కడి నుంచి వెళ్లిపోయింది.షాలినిని టార్గెట్ చేసిన వర్షిణిఇక మరోవైపు వర్షిణి, దేబ్జానీ మధ్య పోటీ జరిగింది. నామినేషన్ చేసే అవకాశం వర్షిణికి రావడంతో ఆమె షాలినిని టార్గెట్ చేసింది. షో కోసమో లేక ప్రోమోలో కనిపించడం కోసమో ఏదో చేయాలనే ఉద్దేశంతోనే షాలిని వ్యవహరిస్తోందని.. ఆమెది ఫేక్ పర్సనాలిటీ అని వర్షిణి ఆరోపించింది. కేవలం కంటెంట్ కోసమే కొన్ని విషయాలు చేస్తోందని చెప్పింది. దీనిపై షాలిని కూడా గట్టిగానే స్పందించింది. వర్షిణితో వాదనకు దిగింది. అనంతరం వర్షిణి తనకు వచ్చిన మరో నామినేషన్ అవకాశాన్ని సుధీర్‌కు ఇచ్చింది. దీంతో సుధీర్ అమన్‌ను నామినేట్ చేశాడు.ఝాన్సీని టార్గెట్ చేసిన చరణ్చరణ్ తన నామినేషన్‌లో ఝాన్సీని టార్గెట్ చేశాడు. ఆమె తనతో మనస్ఫూర్తిగా ఉండటం లేదని ఆరోపించాడు. తనతో మాట్లాడుతున్న సమయంలో నిద్ర వస్తోందని చెప్పి వెళ్లిపోయి.. మరో టీమ్‌తో మాత్రం సరదాగా మాట్లాడిందని చెప్పాడు. అంతేకాకుండా గేమ్‌లో ఎవరు తనకు సపోర్ట్ చేశారనే విషయాన్ని ఇతరులకు చెప్పడం కూడా తనకు నచ్చలేదని తెలిపాడు. చివరగా రైతులకు సంబంధించిన కండువా, షర్ట్‌ను నామినేషన్స్ రోజే ధరించడం కూడా తనకు నచ్చలేదని చెప్పడంతో ఝాన్సీపై చరణ్ పెట్టిన నామినేషన్ ఆసక్తికరంగా మారింది.దేబ్జానీ నామినేషన్‌లో త్రిగుణ్చివరగా దేబ్జానీ.. త్రిగుణ్‌ను నామినేట్ చేసింది. ఇలా ఒక్కో నామినేషన్‌తో హౌస్‌లో ఉన్న పాత గొడవలు, మనస్పర్థలు బయటకు రావడంతో 14వ రోజు ఎపిసోడ్ ఆసక్తికరంగా సాగింది. ముఖ్యంగా సృష్టి-సుధీర్ మధ్య జరిగిన గొడవ.. వర్షిణి-షాలిని వాగ్వాదం.. రాంప్రసాద్-వంశీ నామినేషన్ ఎపిసోడ్‌కు హైలైట్‌గా నిలిచాయి. ఇదీ చదవండి: కదిలిస్తే.. కన్నీరే.. ఇదే హీరోయిన్‌ కయాదు జర్నీ

బిగ్‌బాస్ తెలుగు సీజన్‌ 10లో మూడో వారం నామినేషన్స్ ప్రక్రియ మరింత రసవత్తరంగా సాగినట్లు తెలుస్తోంది. ఇప్పటికే కంటెస్టెంట్ల మధ్య మాటల యుద్ధాలు, విభేదాలతో హౌస్‌లో వాతావరణం వేడెక్కుతుండగా.. తాజాగా సుధీర్, సృష్టి మధ్య జరిగిన గొడవ హాట్‌టాపిక్‌గా మారినట్లు తాజాగా విడుదలైన ప్రోమో చూస్తే అర్థమవుతోంది. ఈ వ్యవహారం నామినేషన్స్‌లో మరింత ముదిరినట్లు కనిపిస్తోంది. ఆసక్తికరమైన పరిణామాలుహౌస్‌లో త్రిగుణ్ చుట్టూ కూడా ఆసక్తికరమైన పరిణామాలు చోటుచేసుకుంటున్నాయి. ఈ క్రమంలో సుధీర్.. సృష్టితో లవ్ ట్రాక్‌ నడిపించే విషయంలో త్రిగుణ్ వద్ద సలహాలు తీసుకున్నట్లు తెలుస్తోంది. అయితే మొదటి నుంచీ సృష్టి మాత్రం సుధీర్‌కు కాస్త దూరంగానే ఉంటూ వస్తోంది. దీంతో వీరిద్దరి మధ్య కెమిస్ట్రీ కంటే గొడవలే ఎక్కువగా కనిపిస్తున్నాయి. ఇక మూడో వారం నామినేషన్స్‌లో సుధీర్ వ్యవహరించిన తీరుపై సృష్టి తీవ్రంగా స్పందించినట్లు తెలుస్తోంది. సుధీర్ పదేపదే మాట్లాడటంతో సహనం కోల్పోయిన ఆమె.. గట్టిగానే వార్నింగ్ ఇచ్చింది. ‘గుద్దితే పళ్లు రాలుతాయ్’ అంటూ ఫైర్ అయింది. అంతేకాకుండా ‘నోరు మూసుకో’ అంటూ సుధీర్‌పై ఆగ్రహం వ్యక్తం చేసింది.సృష్టి పెద్దగా కనిపించలేదనికాగా రెండో వారంలో సృష్టి పెద్దగా కనిపించలేదని నాగార్జున కూడా వ్యాఖ్యానించారు. దీంతో ఈ వారం మాత్రం నామినేషన్స్‌లో ఆమె గట్టిగానే స్పందించినట్లు కనిపిస్తోంది. తనపై వచ్చిన మాటలకు, సుధీర్ వ్యవహారశైలికి సృష్టి ఘాటుగా కౌంటర్ ఇచ్చింది. అయితే గొడవ మరింత ముదరడంతో సృష్టి భావోద్వేగానికి గురైనట్లు కనిపించింది. వెక్కి వెక్కి ఏడ్చినట్లు కనిపించడంతో హౌస్‌లో పరిస్థితి ఒక్కసారిగా సీరియస్‌గా మారింది. ఇప్పుడు సుధీర్–సృష్టి మధ్య జరిగిన ఈ నామినేషన్ గొడవ ఇప్పుడు బిగ్‌బాస్ ప్రేక్షకుల్లో ఆసక్తిని పెంచుతోంది. అసలు వీరిద్దరి మధ్య గొడవకు కారణమేంటి? సుధీర్ ఎందుకు పదేపదే సృష్టిని టార్గెట్ చేశాడు? సృష్టి అంతలా ఎందుకు ఫైర్ అయింది? అనేది పూర్తి ఎపిసోడ్‌లో చూడాల్సిందే. ఇదీ చదవండి: కదిలిస్తే.. కన్నీరే.. ఇదే కయాదు జర్నీ

చిరుధాన్య పంటల జీవవైవిధ్యానికి విశేష కృషి చేస్తున్న వైఎస్సార్‌ కడప జిల్లాకు చెందిన ప్రముఖ సేంద్రియ రైతు శాస్త్రవేత్త కొమ్మూరి విజయకుమార్‌(60)కు ప్రతిష్టాత్మక ‘సృష్టి సమ్మాన్‌’ పురస్కారం లభించింది. అహ్మదాబాద్‌లోని భగవత్‌ విద్యాపీఠంలో ఈ నెల 23 నుంచి 26 వరకు జరుగుతున్న సాత్విక్‌ సంప్రదాయక ఆహారోత్సవంలో సోమవారం విజయకుమార్‌కు గుజరాత్‌ మాజీ ప్రధాన కార్యదర్శి పి.కె. లహరి, ఐఐఎం అహ్మదాబాద్‌ డైరెక్టర్‌ భరత్‌ భాస్కర్, అహ్మదాబాద్‌ ఐఐఎం మాజీ ఆచార్యులు ప్రొ. అనిల్‌ కె గుప్తా జీవవైవిధ్యం విభాగంలో సృష్టి సమ్మాన్‌ పురస్కారాన్ని ప్రదానం చేశారు. ప్రొ.అనిల్‌ కె గుప్తా నెలకొల్పిన సొసైటీ ఫర్‌ రీసెర్చ్‌ అండ్‌ ఇనీషియేటివ్స్‌ ఫర్‌ సస్టయినబుల్‌ టెక్నాలజీస్‌ అండ్‌ ఇన్‌స్టిట్యూషన్స్‌ (సృష్టి) సంస్థ 1995 నుంచి ప్రతి ఏటా గ్రామీణ రైతు శాస్త్రవేత్తలు, జీవవైవిధ్యం పర్యావరణ పరిరక్షణకు విశేష కృషి చేస్తున్న వ్యక్తులు, సంస్థలకు జాతీయ స్థాయిలో సృష్టి సమ్మాన్‌ పురస్కారాలు ప్రదానం చేస్తోంది. వైఎస్సార్‌ కడప జిల్లాలోని ఈవీ పల్లె గ్రామంలో పుట్టిన కొమ్మూరి విజయకుమార్‌ వర్షాధార భూముల్లో సేంద్రియ పద్ధతుల్లో చిరుధాన్యాల సాగును పునరుద్ధరించటానికి విశేష కృషి చేస్తున్నారు. చిరుధాన్యాల విత్తనాలను అనేక రాష్ట్రాలకు చెందిన వేలాది మంది రైతులకు ఉచితంగా పంపిణీ చేయటం ద్వారా తిరిగి చిరుధాన్యాల సంప్రదాయ సేంద్రియ సాగు వ్యాప్తికి కృషి చేశారు. స్థానికంగా లభించే అనేక మొక్కల వినూత్న కషాయాలను రూపొందించి రైతులకు అందిస్తూ సేంద్రియ వ్యవసాయంలో అనేక పంటలను ఆశించే చీడపీడల నియంత్రణకు విజయకుమార్‌ కృషి చేస్తున్నారు. ఆయన కృషిపై గత దశాబ్దకాలంగా అనేక కథనాలు ‘సాక్షి సాగుబడి’ పాఠకులకు సుపరిచితమే. ఆయనకు గతంలో బళ్లారికి చెందిన సఖి ట్రస్ట్, రైతునేస్తం ఫౌండేషన్‌ పురస్కారాలు లభించాయి. గతంలో ‘సృష్టి సమ్మాన్‌’ పురస్కారం అందుకున్న వారిలో ఖమ్మంకు చెందిన పర్యావరణ ఉద్యమకారుడు పద్మశ్రీ పురస్కార గ్రహీత దరిపల్లి రామయ్య కూడా ఉన్నారు. (చదవండి: అరుదుగా కనిపించే భారీ నిమ్మకాయలు.. చూసేందుకు క్యూ కడుతున్న జనాలు!)

‘‘నాగార్జున, మహేశ్‌బాబు, ప్రభాస్‌గార్ల యాక్టింగ్‌ అంటే ఇష్టం. ముఖ్యంగా నాగార్జున మేనరిజానికి అభిమానిని నేను’’ అని నూతన హీరో భరత్‌ మార్గాని అన్నారు. సత్య చల్లకోటి దర్శకత్వంలో భరత్‌ మార్గాని, సృష్టి జంటగా వంశీకష్ణ శ్రీనివాస్‌ నిర్మించిన సినిమా ‘ఓయ్‌.. నిన్నే’. ఈ చిత్రం రేపు విడుదల కానుంది. భరత్‌ మాట్లాడుతూ – ‘‘వైజాగ్‌ సత్యానంద్‌ మాస్టర్‌ దగ్గర యాక్టింగ్‌ కోర్స్‌ చేశాను. కాలేజ్‌ డేస్‌లో మోడలింగ్‌ చేసేవాణ్ణి. అలా హీరోగా ఛాన్స్‌ వచ్చింది. బిజినెస్‌ ఉండటం వల్ల నేను ఇండస్ట్రీలోకి రావడానికి ముందు మా అమ్మా నాన్న ఒప్పుకోకపోయినా ఇప్పుడు హీరో అయినందుకు హ్యాపీగా ఉన్నారు. ‘ఓయ్‌.. నిన్నే’ బావామరదళ్ల కథ. సినిమాలో తండ్రికీ కొడుక్కీ మధ్య అభిప్రాయభేదాలుంటాయి. కానీ తండ్రంటే గౌరవం. ఆ గౌరవం వల్ల ప్రేమను వదులుకోవాల్సిన పరిస్థితులు వస్తాయి. బావ తన మరదలి ప్రేమను ఎలా గెలుచుకున్నాడు? అన్నది తెరపైనే చూడాలి. అవుట్‌పుట్‌ బాగా వచ్చింది. అందరూ కనెక్ట్‌ అవుతారు’’ అన్నారు.

‘‘మా సంస్థ నుంచి వచ్చిన సోలో, నువ్వా నేనా, రారా.. కృష్ణయ్య’ తరహాలో చక్కని కుటుంబ కథాచిత్రమిది. సెన్సార్‌ బోర్డ్‌ క్లీన్‌ ‘యు’ సర్టిఫికెట్‌ ఇచ్చింది’’ అని వంశీకృష్ణ శ్రీనివాస్‌ అన్నారు. భరత్‌ మార్గాని, సృష్టి జంటగా సత్య చల్లకోటి దర్శకత్వంలో ఎస్వీకె సినిమా పతాకంపై ఆయన నిర్మించిన చిత్రం ‘ఓయ్‌.. నిన్నే’. వచ్చే నెల 6న ఈ చిత్రం విడుదల కానుంది. వంశీకృష్ణ మాట్లాడుతూ – ‘‘ఇందులో హీరోది ముక్కుసూటి మనస్తత్వం. అది కొన్నిసార్లు ప్లస్, ఇంకొన్నిసార్లు మైనస్‌ అవుతుంటుంది. అటువంటి మనస్తత్వం వల్ల తండ్రితో ఎలాంటి అభిప్రాయభేదాలు వచ్చాయి? మరదలికి, అతనికి మధ్య ఎవరు అడ్డు వచ్చారు? అనేది చిత్రకథ. కొందరు సినీ ప్రముఖులకు సినిమాని చూపిస్తే ‘బొమ్మరిల్లు’, ‘సోలో’ సినిమాలకు మించిన విజయం సాధిస్తుందన్నారు’’ అని చెప్పారు.


 భరత్‌ మార్గాని, సృష్టి జంటగా సత్య చల్లకోటి దర్శకత్వంలో ఎస్‌.వి.కె. సినిమా పతాకంపై వంశీకృష్ణ శ్రీనివాస్‌ నిర్మించిన చిత్రం ‘ఓయ్‌.. నిన్నే’. ఈ నెల 15న విడుదల చేయాలనుకుంటున్నారు. ‘‘మా సంస్థ గతంలో నిర్మించిన ‘సోలో, నువ్వా నేనా, రారా కృష్ణయ్య’ తరహాలో చక్కటి కుటుంబ కథా చిత్రమిది.  తండ్రీకొడుకుల అనుబంధం, బావామరదళ్ల మధ్య ప్రేమకథతో దర్శకుడు చిత్రాన్ని బాగా తీర్చిదిద్దారు’’ అన్నారు నిర్మాత.
 
 ‘‘ముక్కుసూటి మనస్తత్వం వల్ల ఓ కుర్రాడికి అతని తండ్రితో ఎలాంటి అభిప్రాయ బేధాలొచ్చాయి? మరదలికి, అతనికి మధ్య విలన్‌లా అడ్డొచ్చింది ఎవరు? అనేది చిత్రకథ. ‘బొమ్మరిల్లు’లా క్లీన్‌ ఫ్యామిలీ ఫిల్మ్‌’’ అన్నారు దర్శకుడు. తనికెళ్ల భరణి, నాగినీడు, రఘుబాబు, సత్య, ‘తాగుబోతు’ రమేశ్, తులసి, ప్రగతి, ధనరాజ్‌ నటించిన ఈ చిత్రానికి సంగీతం: శేఖర్‌ చంద్ర, సాహిత్యం: రామజోగయ్య శాస్త్రి.


 – మంత్రి తలసాని శ్రీనివాసయాదవ్‌
 
 ‘తెలుగు చిత్రపరిశ్రమకు ఎన్టీఆర్, ఏఎన్నార్, దాసరి సహా ఎందరో వేసిన దారి ఇప్పుడు ఎంతో బాగుంది. వేగంగా అభివృద్ధి చెందుతున్న చిత్రపరిశ్రమకు కొత్త నటీనటులు రావాల్సిన అవసరం ఉంది’’ అని తెలంగాణ రాష్ట్ర సినిమాటోగ్రఫీ శాఖ మంత్రి తలసాని శ్రీనివాసయాదవ్‌ అన్నారు. భరత్, సృష్టి జంటగా సత్య చల్లకోటి దర్శకత్వంలో వంశీకృష్ణ శ్రీనివాస్‌ నిర్మిస్తోన్న సినిమా ‘ఓయ్‌.. నిన్నే’. శేఖర్‌చంద్ర స్వరపరచిన ఈ చిత్రం పాటలను హైదరాబాద్‌లో విడుదల చేశారు.
 
 తలసాని మాట్లాడుతూ– ‘‘బాహుబలి, శ్రీమంతుడు’ నుంచి ఈ మధ్య విడుదలైన ‘ఫిదా’వరకు మంచి సినిమాలు వస్తూ, ప్రేక్షకాదరణ పొందుతున్నాయి. అదే కోవలో ‘ఓయ్‌.. నిన్నే’ విజయం సాధించాలి’’ అన్నారు. ‘‘మా బ్యానర్‌లో వచ్చిన సినిమాల్లో ‘సోలో’ నాకు బాగా నచ్చింది. ‘ఓయ్‌ నిన్నే’ చిత్రం ‘సోలో’ సినిమా కంటే బాగుంటుంది’’ అన్నారు నిర్మాత వంశీకృష్ణ శ్రీనివాస్‌. చిత్రదర్శకుడు సత్య చల్లకోటి, ఎమ్మెల్యే గోరంట్ల బుచ్చయ్య చౌదరి, శేఖర్‌చంద్ర, సృష్టి, దర్శకులు అనిల్‌ రావిపూడి, చంద్రసిద్ధార్థ్, రచయిత కోన వెంకట్, గీత రచయితలు రామజోగయ్య శాస్త్రి, కృష్ణచైతన్య పాల్గొన్నారు.