కొన్నాళ్ల ముందు వరకు ప్రియమణి.. దక్షిణాది భాషల్లో హీరోయిన్ మాత్రమే. ఎప్పుడైతే 'ఫ్యామిలీ మ్యాన్' వెబ్ సిరీస్ చేసిందో ఈమె దశ తిరిగిపోయింది. అటు ఓటీటీల్లో సినిమాలు,సిరీస్‌లు చేస్తూ మరోవైపు రెగ్యులర్ మూవీస్‌లోనూ ప్రధాన పాత్రలు చేస్తూ అలరిస్తోంది. ఇప్పుడు ఈమె కీ రోల్ చేస్తున్న కోర్ట్ థ్రిల్లర్ సిరీస్‌ని ప్రకటించారు. ఇంతకీ ఈ సిరీస్ సంగతేంటి? ఎందులో రాబోతుంది?(ఇదీ చదవండి: థియేటర్లలో ఉండగానే ఓటీటీలోకి కొత్త సినిమా)ప్రియమణి, సంపత్ రాజ్ ప్రధాన పాత్రల్లో నటిస్తున్న సిరీస్ 'గుడ్ వైఫ్'. అమెరికన్ సిరీస్ 'గుడ్ వైఫ్' అదే పేరుతో ఇక్కడ రీమేక్ చేస్తున్నారు. తెలుగు, తమిళ, కన్నడ, మలయాళ, హిందీ, బెంగాలీ, మరాఠీ భాషల్లో ఇది స్ట్రీమింగ్ కానుంది. ప్రస్తుతానికి డేట్ ప్రకటించలేదు గానీ త్వరలో హాట్ స్టార్‌లోకి రానుంది. ఈ క్రమంలోనే తాజాగా పోస్టర్ రిలీజ్ చేశారు.'గుడ్ వైఫ్' సిరీస్ విషయానికొస్తే.. సెక్స్ కుంభకోణంలో చిక్కుకున్న భర్తని రక్షించుకునేందుకు ఓ మాజీ మహిళ లాయర్ ఏం చేసింది? అనేదే స్టోరీ పాయింట్. ఇందులో ప్రియమణి లాయర్‪‌గా కనిపించనుండగా.. ఆమె భర్త పాత్రలో సంపత్ రాజ్ నటించారు. వీళ్లకు ఓ కొడుకు, కూతురు కూడా ఉన్నట్లు పోస్టర్‌లో చూపించారు. త్వరలో ఇతర వివరాలు వెల్లడించనున్నారు.(ఇదీ చదవండి: ఓటీటీలో కచ్చితంగా చూడాల్సిన 'టూరిస్ట్ ఫ్యామిలీ' తెలుగు రివ్యూ)


  హాట్ గాళ్ బిపాసా బసు యాక్ట్ చేయడం మొదలుపెట్టి ఇప్పటికి దాదాపు పదిహేనేళ్లయ్యింది. అయినా, ఇప్పుడిప్పుడే సినిమాల్లోకి వచ్చినట్లనిపిస్తోందంటున్నారు బిప్స్. ఇంకా తన కెరీర్‌లో చేయాల్సిన పాత్రలు ఎన్నో ఉన్నాయని పేర్కొన్నారామె. ఒకవేళ రిటైర్ అవ్వాల్సి వస్తే అప్పుడు మీ ఫీలింగ్ ఎలా ఉంటుంది? అనే ప్రశ్న బిపాసా ముందుంచితే -‘‘కలలో కూడా ఆ ఊహ రానివ్వను. ఎంతో కష్టపడి పైకొచ్చాను. చాలామంది అభిమానులను సంపాదించుకున్నాను. 
  
  ఇండస్ట్రీలోనూ నన్ను అభిమానించేవాళ్లు ఎంతోమంది ఉన్నారు. ఈ ప్రేమాభిమానాలకు దూరం కాలేను. నటన అనేది ఓ వ్యసనంలాంటిది. దానికి నేను పూర్తిగా బానిసయ్యాను. భవిష్యత్తులో ఒకవేళ సినిమాలకు దూరం కావల్సి వస్తే... నేను తట్టుకోలేనేమో. ఊహించడానికే చాలా కష్టంగా ఉంది. నా జీవితాంతం సినిమాల్లోనే ఉండాలన్నది నా కోరిక’’ అన్నారు. ఇంతకీ పెళ్లెప్పుడు చేసుకుంటారు అనే ప్రశ్నకు సమాధానంగా -‘‘తెలియదు. ఈ ప్రశ్న విన్నప్పుడల్లా నేను ఒత్తిడికి గురవుతుంటాను. 
  
  కానీ, ఏదో రోజు తప్పకుండా పెళ్లి చేసుకుంటా. ఎందుకంటే, నేను మంచి భార్యని అవుతానని నా నమ్మకం. నాకు ఇద్దరు బిడ్డలు ఉండాలని మా అమ్మ కోరిక. ఓ మంచి తల్లికి కావాల్సిన లక్షణాలన్నీ నాలో పుష్కలంగా ఉన్నాయి. కాబట్టి, టైమ్ వచ్చినప్పుడు పెళ్లి చేసుకుంటా. అమ్మనవుతా. ఇది కనుక మా అమ్మ చదివితే చాలా ఆనందపడిపోతుంది. ఎందుకంటే, నా పెళ్లి కోసం ఆమె ఎన్నో కలలు కంటోంది’’ అని చెప్పారు బిపాసా బసు.