తీవ్ర చర్చనీయాంశమైన దుర్గాపూర్‌ గ్యాంగ్‌రేప్‌ ఉదంతం కొత్త మలుపు తీసుకుంది. తనను ఐదుగురు గ్యాంగ్‌రేప్‌ చేశారని బాధితురాలు ఇచ్చిన వాంగ్మూలంతో షేక్‌ సఫీఖుల్, షేక్‌ నసీరుద్దీన్, అబూ బౌరీ, ఫిర్దౌస్‌ షేక్, షేక్‌ రియాజుద్దీన్‌లను అరెస్ట్‌చేసిన పోలీసులు తాజాగా బాధితురాలి స్నేహితుడిని అరెస్ట్‌ చేశారు. దుర్గాపూర్‌/కోల్‌కతా: పశ్చిమబెంగాల్‌లో తీవ్ర చర్చనీయాంశమైన దుర్గాపూర్‌ గ్యాంగ్‌రేప్‌ ఉదంతం(Durgapur Gang Rape Case) కొత్త మలుపు తీసుకుంది. తనను ఐదుగురు గ్యాంగ్‌రేప్‌ చేశారని బాధితురాలు ఇచ్చిన వాంగ్మూలంతో షేక్‌ సఫీఖుల్, షేక్‌ నసీరుద్దీన్, అబూ బౌరీ, ఫిర్దౌస్‌ షేక్, షేక్‌ రియాజుద్దీన్‌లను అరెస్ట్‌చేసిన పోలీసులు తాజాగా బాధితురాలి స్నేహితుడిని అరెస్ట్‌చేశారు. ఘటన జరిగిన తీరుపై బాధితురాలు ఇచ్చిన వాంగ్మూలానికి, స్నేహితుడు ఇచ్చిన సమాధానాలకు పొంతన లేకపోవడంతో అతడిని మంగళవారం సాయంత్రం బెంగాల్‌ పోలీసులు అరెస్ట్‌ చేశారు. అయితే.. బాధితురాలిపై సామూహిక అత్యాచారం జరగలేదని(No Gang Rape), క్లాస్‌మేట్‌ అయిన ఈ స్నేహితుడు మాత్రమే రేప్‌ చేశాడని ప్రాథమిక అంచనాకు వచ్చామని పోలీసులు చెప్పారు. నిందితులందరి దుస్తులు, ఘటనాస్థలిలో లభించిన ఆధారాలను ఫోరెన్సిక్‌ పరీక్షకు పంపించామని నివేదిక వచ్చాకే కేసులో స్పష్టత వస్తుందని అసన్‌సోల్‌–దుర్గాపూర్‌ పోలీస్‌ కమిషనర్‌ సునీల్‌ కుమార్‌ చౌద్రీ చెప్పారు. చౌద్రీ మంగళవారం మీడియా సమావేశంలో మాట్లాడారు. ఘటన జరిగిన రోజు గంటన్నర ఆలస్యంగా తమ కూతురి స్నేహితుడు తమకు సమాచారం ఇచ్చాడని, అతనిపైనా తమకు అనుమానం ఉందని బాధితు రాలి తండ్రి అక్టోబర్‌ 10వ తేదీన పోలీసులకు ఫిర్యాదు చేసిన నేపథ్యంలో చివరకు ఆ స్నేహితుడు సైతం అరెస్ట్‌కావడం గమనార్హం. దుర్గాపూర్‌ పట్ణణ శివారులోని ప్రైవేట్‌ ఎంబీబీఎస్‌ కళాశాల హాస్టల్‌ నుంచి దూరంగా ఉన్న ధాబాలో భోజనం చేసేందుకు ఈ స్నేహితుడే బాధితురాలిని బయటకు తీసుకెళ్లగా గ్యాంగ్‌రేప్‌ జరిగిందని కేసు నమోద వడం తెల్సిందే. డిప్యూటీ పోలీస్‌ కమిషనర్‌ అభిషేక్‌ గుప్తా సారథ్యంలోని బృందం సీన్‌ రీక్రియేషన్‌ కోసం ఐదుగురు నిందితులను మంగళవారం మధ్యాహ్నం ఘటనాస్థలికి తీసుకెళ్లి ప్రశ్నించింది. ఈ మొత్తం ప్రక్రియను వీడియోలో చిత్రించారు. ఈ సందర్భంగా ఐదుగురు నిందితులు విడివిడిగా చెప్పిన సమాధానాలకు పొంతన కుదరలేదు. దీనికితోడు బాధితురాలు ముగ్గురిలో కేవలం ఒక్కరే రేప్‌ చేశారని తొలుత వాంగ్మూలం ఇవ్వడం, తర్వాత ఐదుగురు రేప్‌ చేశారని మరోలా వాంగ్మూలం ఇవ్వడం, స్నేహితుడు పొంతనలేని సమాధానాలు చెప్పడంతో అనుమానంతో ఆ స్నేహితుడిని అరెస్ట్‌చేశామని కమిషనర్‌ చెప్పారు. ‘‘బాధితురాలు ఇచ్చిన వాంగ్మూలాలు, లభించిన ఆధారాలు, నిందితుల స్టేట్‌మెంట్లను గమనిస్తే ఇది గ్యాంగ్‌రేప్‌ కాదని అర్థమవుతోంది. ఒక్కరు మాత్రమే అఘాయిత్యానికి పాల్పడ్డారని తెలుస్తోంది’’ అని కమిషనర్‌ వ్యాఖ్యానించారు.వాంగ్మూలాలకు, సీసీటీవీ ఫుటేజీకి కుదరని లంకెనిందితులు, బాధితురాలు ఇచ్చిన వాంగ్మూలా లకు, సీసీటీవీలో ఉన్న దృశ్యాలకు సైతం పొంతన కుదరకపోవడం ఈ కేసులో సంక్లిష్టతను మరింత పెంచుతోంది. ఐదుగురు నిందితులు తనను లాక్కెళ్లినప్పుడు స్నేహితుడు పారిపో యాడని బాధితురాలు వాంగ్మూలం ఇచ్చింది. కానీ బాధితురాలు, స్నేహితుడు అసలేం జరగనట్లు, ముఖాల్లో ఎలాంటి ఆందోళన, బాధ లేకుండా హాస్టల్‌కు తిరిగొచ్చినట్లు ఘటన తర్వాత హాస్టల్‌ గేటు దగ్గరి సీసీటీవీ ఫుటేజీలో రికార్డయింది. రేప్‌ వేళ పెనుగులాటలో బాధితురాలి దుస్తులు చిరిగిపోవడమో, జుట్టు చిందరవందరగా ఉండటమో లాంటివి లేకుండా బాధితురాలు ఆ వీడియోలో మా మూలుగానే కనిపించింది. తనకు హాని జరిగిందని బాధితురాలు హాస్టల్‌ గేటు వద్ద ఉన్న సెక్యూరిటీ సిబ్బందికి ఫిర్యాదుచేసినట్లు ఫుటేజీలో కనిపించలేదు. వాళ్ల సాయం కోరిన ట్లుగా కూడా లేదు. ‘‘ఘటన తర్వాత బాధితు రాలి ఫోన్‌ నుంచి స్నేహితునికి ఆగంతకులు ఫోన్‌ చేసి రమ్మన్నారు. ఫోన్‌ తిరిగి ఇవ్వాలంటే రూ.3,000 ఇవ్వాలని బాధితురాలిని డిమాండ్‌చేశారు. ఆమె వద్ద ఉన్న రూ. 200 లాగేసుకున్నారు’’ అని కమిషనర్‌ వెల్లడించారు. ఇదీ చదవండి: బస్సులో.. క్షణాల్లోనే కాలి బుగ్గైన 20 మంది

పశ్చిమ బెంగాల్‌ దుర్గాపూర్‌లో మెడికల్‌ కాలేజీ స్టూడెంట్‌పై జరిగిన సామూహిక ఘటన దేశవ్యాప్త చర్చకు దారి తీసింది. అయితే ఈ కేసు విచారణలో విస్తుపోయే విషయాలు వెలుగు చూస్తున్నాయి. బాధితురాలు ఆనాడు ఏం జరిగిందో చెప్పిన విషయాలు ఓ జాతీయ మీడియా కథనం ద్వారా బయటకు వచ్చింది.వాళ్లు తమ వాహనాల నుంచి దిగి మా వైపు నడుచుకుంటూ వచ్చారు. అది గమనించి మేం అక్కడి నుంచి పారిపోయే ప్రయత్నం చేశాం. వాళ్లలో ముగ్గురు నన్ను పట్టకుని దగ్గర్లోని అడవిలోకి లాక్కెళ్లారు. నా ఫ్రెండ్‌కు కాల్‌ చేయమని నాపై ఒత్తిడి చేశారు. అయితే అవతలి నుంచి స్పందన లేకపోవడంతో.. నన్ను అక్కడి నుంచి ఈడ్చుకెళ్లారు. గట్టిగా అరిచేందుకు ప్రయత్నిస్తే.. అరిస్తే మరికొంత మందిని పిలిపిస్తామని బెదిరించి నాపై అఘాయిత్యానికి పాల్పడ్డారు అని స్టేట్‌మెంట్‌లో బాధితురాలు పేర్కొంది. మరోవైపు ఒడిశా నుంచి వచ్చిన హక్కుల కమిషన్‌ బాధితురాలిని పరామర్శించి.. ఘటనపై నివేదికను సిద్ధం చేస్తోంది.ఒడిశా జలేశ్వర్‌కు చెందిన యువతి.. పశ్చిమ బెంగాల్‌ దుర్గాపూర్‌లోని ప్రైవేట్‌ మెడికల్‌ కాలేజీలో చదువుతోంది. గత శుక్రవారం డిన్నర్‌ కోసం ఫ్రెండ్‌తో ఆమె బయటకు వెళ్లింది. ఆ సమయంలో.. సమీపంలో ఉన్న అటవీ ప్రాంతంలో గ్యాంగ్‌రేప్‌కు గురైంది. ఈ కేసుకు సంబంధించిన ఐదుగురు వ్యక్తులను పోలీసులు అరెస్ట్‌ చేశారు. కోర్టు వాళ్లకు 10 రోజుల రిమాండ్‌ విధించింది. మరోవైపు అర్దరాత్రి పూట ఆమె బయటకు వెళ్లాల్సిన అవసరం ఏంటని సీఎం మమతా బెనర్జీ చేసిన వ్యాఖ్యలు తీవ్ర దుమారాన్నే రేపాయి. అయితే పోలీసుల నివేదిక ప్రకారం.. అత్యాచారం రాత్రి 9గం. ప్రాంతంలోనే జరిగింది.

కోల్‌కత్తా: పెళ్లి బాజాలు మోగాల్సిన పెళ్లింట విషాదం నెలకొంది. మరికొద్దిరోజుల్లో వివాహం జరుగుతుందనగా.. అనుమానాస్పద స్థితిలో పెళ్లికొడుకు సహా అతడి అక్కాచెల్లి మంటల్లో సజీవ దహనమయ్యారు. ఈ విషాదకర ఘటన పశ్చిమ బెంగాల్‌లో చోటుచేసుకుంది. ఈ ఘటన స్థానికంగా చర్చనీయాంశంగా మారింది.  వివరాల ప్రకారం.. బెంగాల్‌లోని దుర్గాపూర్‌ ప్రాంతంలో హఫ్నా సోరెన్‌ కుటుంబం నివాసం ఉంటుంది. హఫ్నా సోరెన్‌కు ఇద్దరు కుమార్తెలు(సుమీ సోరెన్‌, బహమనీ సోరెన్‌) ఓ కుమారుడు(మంగళ్‌ సోరెన్‌) ఉన్నారు. కాగా, కుమారుడు మంగళ్‌ సోరెన్‌కు ఇటీవలే పెళ్లి నిశ్చయమైంది. ఆదివారం.. వధువు తరఫు కుటుంబసభ్యులు మంగళ్‌ ఇంటికి వచ్చి వివాహ ముహూర్తం ఖరారు చేయాల్సి ఉంది. ఈ కారణంగానే మంగళ్‌ సోదరీమణులు సుమీ, బహమనీ శుక్రవారం పుట్టింటికి వచ్చారు. అయితే, పెళ్లి పనుల్లో భాగంగా హఫ్నా సోరెన్‌ శనివారం ఉదయం బయటకు వెళ్లారు. ఇక, ఆయన ఇంటి తిరిగి వచ్చే సరికి వారి ఇంటికి తాళం వేసి ఉంది. ఇదే సమయంలో ఇంట్లో నుంచి మంటలు రావడం గమనించాడు. దీంతో, వెంటనే ఇంటి తలుపులు బద్దలుకొట్టి లోపలికి వెళ్లి చూడగా.. కుమారుడు, ఇద్దరు కూమార్తెలు విగతజీవులుగా పడి ఉన్నారు. వారు ముగ్గురు మంటల్లో సజీవ దహనమయ్యారు. కాగా, హఫ్నా ఇంట్లో ఎటువంటి సమస్యలు లేవని, అసలేం జరిగిందో తెలియట్లేదని స్థానికులు తెలిపారు. ఈ నేపథ్యంలో పెళ్లి బాజాలు మోగాల్సిన ఆ ఇంట విషాదఛాయలు అలుముకున్నాయి. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.  ఇది కూడా చదవండి: తనను పెళ్లి చేసుకోవాలని నా భర్తను వేధించింది.. మమత కీలక వ్యాఖ్యలు

కోల్‌కతా: స్పైస్‌జెట్‌ ఎయిర్‌లైన్స్‌కు చెందిన ప్రయాణికుల విమానం ఒకటి గాల్లో ఉండగా భారీ కుదుపునకు గురైంది. ఆదివారం జరిగిన ఈ ఘటనలో పలువురు ప్రయాణికులకు గాయాలయ్యాయి.  బోయింగ్‌ బీ-373 ఎయిర్‌క్రాఫ్ట్‌కు చెందిన ఆపరేటింగ్‌ ఫ్లైట్‌ ఎస్‌జీ-945 ముంబై నుంచి సాయంత్రం ఐదు గంటలకు బయలుదేరింది. ఏడున్నర గంటలకు అది అండల్‌లోని కాజి నజ్రుల్‌ ఇస్లాం ఎయిర్‌పోర్ట్‌లో ల్యాండ్‌ కావాల్సి ఉంది. అయితే కాసేపట్లో గమ్యానికి చేరుతుందనగా.. గాల్లో ఉండగానే అది తీవ్రంగా కుదుపున లోనైంది. దీంతో లగేజీ మీద పడడంతో పలువురు ప్రయాణికులకు(40 మంది దాకా అని కొన్ని కథనాలు.. 17 మంది మరికొన్ని కథనాలు చెప్తున్నాయి ) తీవ్ర గాయాలయ్యాయి. దీంతో ఏం జరుగుతుందో అర్థం కానీ పరిస్థితిలో ఆందోళనకు గురయ్యారు ప్రయాణికులు. అయితే..  ప్రమాదం జరిగినప్పటికీ ఫ్లైట్‌ దుర్గాపూర్‌ ఎయిర్‌పోర్ట్‌లో సురక్షితంగా ల్యాండ్‌ అయ్యింది. దీంతో అంతా ఊపిరి పీల్చుకున్నారు. వెంటనే ప్యాసింజర్‌లకు చికిత్స అందించారు. వీళ్లలో కొందరిని డిశ్చార్జి చేయగా.. మరికొందరు ఇంకా ఆస్పత్రిలోనే  ఉన్నారు. అయితే ప్రయాణికుల ప్రాణాలకు ముప్పేమీ లేదని అధికారులు అంటున్నారు. ఈ ఘటనపై స్పైస్‌జెట్‌ దిగ్భ్రాంతి వ్యక్తం చేయగా.. బలమైన గాలుల వల్లే కుదుపునకు విమానం లోనైనట్లు తెలుస్తోంది.


 దుర్గాపూర్: పశ్చిమబెంగాల్లో దుర్గాపూర్లోని సీపీఎం కార్యాలయంలో బాంబులను, పదునైన ఆయుధాలను పోలీసులు స్వాధీనం చేసుకున్నారు. శుక్రవారం పోలీసులు పార్టీ కార్యాలయంలో సోదాలు చేయగా రెండు బ్యాగుల్లో దాచిన 15 నుంచి 20 బాంబులను గుర్తించారు.  7 పదునైన ఆయుధాలను స్వాధీనం చేసుకున్నారు. ఈ ఘటనలో ఎవరినీ అదుపులోకి తీసుకోలేదని పోలీసులు చెప్పారు.
 
 పార్టీ కార్యాలయంలో బాంబులను, ఆయుధాలను ఉంచిన ఘటనలో సీపీఎంకు సంబంధంలేని ఆ పార్టీ జోనల్ సెక్రటరీ పంకజ్ రాయ్ సర్కార్ చెప్పారు. పార్టీ ప్రతిష్టను దెబ్బతీసేందుకు కుట్రపన్నారని ఆరోపించారు. కాగా ప్రజల్లో భయాందోళలు కలిగించడానికి సీపీఎం ఆయుధాలను సమకూర్చుకుందని ఐఎన్టీటీయూసీ నాయకుడు ప్రభాత్ ఛటర్జీ ఆరోపించారు.


 సాక్షి, బెంగళూరు: భారత దేశంలో నిర్మాణ రంగం అభివృద్ధి చెందుతోందని ప్రముఖ కన్‌స్ట్రక్షన్ కెమికల్స్ తయారీ సంస్థ ఆర్డెక్స్ ఎండ్యూరా సంస్థ సీఈఓ మార్క్ ఎస్‌లమ్‌లూ వెల్లడించారు. తద్వారా గృహ నిర్మాణ రంగంలో వినియోగించే టైల్స్, స్టోన్ ఫ్లోరింగ్ తదితర ఉపకరణాల రంగం కూడా దినదినాభివృద్ధి చెందుతోందని ఆయన పేర్కొన్నారు. టైల్స్, స్టోన్ ఫ్లోరింగ్‌ల తయారీ కోసం ఆర్డెక్స్ ఎండ్యూరా సంస్థ నగరంలో ‘స్టేట్ ఆఫ్ ది ఆర్ట్’ పేరిట ఏర్పాటు చేసిన సరికొత్త ప్లాంట్‌ను బుధవారం ఆయన లాంఛనంగా ప్రారంభించారు.
 
 ఈ సందర్భంగా ఆయన మాట్లాడుతూ... గృహ నిర్మాణ రంగంలో ఉపయోగించే కన్‌స్ట్రక్షన్ కెమికల్స్ (టైల్స్, స్టోన్ ఫ్లోరింగ్ తదితరాలు)రంగం భారతదేశంలో ప్రస్తుతం రెండు వేల కోట్ల షేర్ మార్కెట్‌ను కలిగి ఉందని పేర్కొన్నారు. మరో ఐదారేళ్లలో ఈ రంగం ఐదు వేల కోట్ల షేర్ మార్కెట్‌ను అందుకోగలదని తెలిపారు. ఇక దక్షిణాది రాష్ట్రాల్లో ఒకటైన కర్ణాటక రాజధాని బెంగళూరు కూడా నిర్మాణరంగానికి హబ్‌గా తయారైందని అందుకే తమ ప్లాంట్‌ను బెంగళూరులో ఏర్పాటు చేశామని ఆర్డెక్స్ ఎండ్యూరా సంస్థ మేనేజింగ్ డెరైక్టర్ గోపినాథ్ క్రిష్ణన్ వెల్లడించారు.
 
 నగరంలో ఏర్పాటైన ఈ ప్లాంట్‌ను గంటకు 60 టన్నుల నాణ్యమైన టైల్స్‌ను తయారుచేసే సామర్ధ్యాన్ని కలిగి ఉందని తెలిపారు. ఈ ప్లాంట్‌లో తయారయ్యే టైల్స్, ఫ్లోరింగ్ ఉపకరణాలను శ్రీలంకతో పాటు అరేబియా దేశాలకు కూడా ఎగుమతి చేయనున్నట్లు గోపినాథ్ తెలిపారు. తమ సంస్థ ప్రస్తుతం 100 కోట్ల మార్కెట్ షేర్‌ను కలిగి ఉందని, రానున్న ఆర్థిక సంవత్సరం ముగింపునాటికి మరో 20 శాతం పెరుగుదలను సాధించే దిశగా ముందుకు సాగుతున్నామని పేర్కొన్నారు.
 
 2014 పూర్తయ్యే నాటికి పశ్చిమ బెంగాల్‌లోని దుర్గాపూర్‌లో మరో ప్లాంట్‌ను ఏర్పాటుచేసే దిశగా ప్రయత్నాలు సాగిస్తున్నట్లు గోపినాథ్ చెప్పారు. కార్యక్రమంలో ప్రిజమ్ సిమెంట్స్ మేనేజింగ్ డెరైక్టర్ విజయ్ అగర్వాల్ తదితరులు పాల్గొన్నారు.