–08518– 277305, 277309 నెంబర్లకు పోన్‌ చేయవచ్చు
 – జిల్లా కలెక్టర్‌ సూచన
  
 కర్నూలు(అగ్రికల్చర్‌): జిల్లాలో నెలకొన్న కరువు పరిస్థితులను ఎప్పటికప్పుడు తెలుసుకోవడం, కరువు నివారణ చర్యలు చేపట్టడం, కరువు తీవ్రతను అంచనా వేయడం లక్ష్యంగా జిల్లా కలెక్టరేట్‌లో ప్రత్యేక కంట్రోల్‌ రూము ఏర్పాటు చేసినట్లు జిల్లా కలెక్టర్‌ సీహెచ్‌ విజయమోహన్‌ తెలిపారు. కరువు సమస్యలపై రైతులు, ఇతర అన్ని వర్గాల ప్రజలు 08518– 277305, 277309 నెంబర్లకు ఫోన్‌ చేసి కరువు పరిస్థితులను, తీసుకోవాల్సిన చర్యలను వివరించవచ్చన్నారు. కంట్రోల్‌ రూము కో ఆర్డినేటింగ్‌ అధికారిగా జేసీ వ్యవహరిస్తారని, ఇన్‌చార్జిగా జేసీ–2 ఉంటారని తెలిపారు. రెవెన్యూ  డివిజన్‌లకు కో ఆర్డినేటింగ్‌ అధికారులుగా ఆర్‌డీఓలు వ్యవహరిస్తారన్నారు. ఏ రోజుకారోజు కరువు పరిస్థితులను తాను స్వయంగా సమీక్షించడంతో పాటు ప్రభుత్వానికి వివరిస్తామని కలెక్టర్‌ వివరించారు. ఈ అవకావాన్ని రైతులు వినియోగించుకోవాలన్నారు.