deva

తమిళ ప్రముఖ సంగీత దర్శకుడు దేవా.. గత శనివారం కన్నుమూశారు. ముఖ్యమంత్రి విజయ్, సూపర్‌స్టార్ రజనీకాంత్, కమల్ హాసన్ తదితరులు వెళ్లి ఆయనకు నివాళులర్పించారు. ఇంతలోనే ఆ కుటుంబంలో మరో విషాదం చోటుచేసుకుంది. దేవా సోదరుడి కొడుకు, నటుడు కార్తిక్ సబేష్(37) అనారోగ్యంతో కన్నుమూశాడు. ఈ రెండు మరణాలు మూడు రోజుల్లోనే జరిగేసరికి సదరు కుటుంబం శోకసంద్రంలో మునిగిపోయింది.(ఇదీ చదవండి: ఈ వారం ఓటీటీల్లోకి 25 సినిమాలు.. ఆ ఐదు డోంట్ మిస్)ఇదే కాదు గతేడాది అక్టోబర్‌లో కార్తిక్ తండ్రి, సంగీత దర్శకుడు ఎంసీ సబేష్ మరణించారు. కొంతకాలంగా అనారోగ్యంతో బాధపడిన ఆయన గతేడాది అక్టోబర్ 23న చెన్నైలో 68 ఏళ్ల వయసులో తుదిశ్వాస విడిచారు. ఇప్పుడు ఏడాది తిరిగేసరికి సబేష్ కొడుకు కార్తిక్, సోదరుడు దేవా చనిపోవడం తీవ్ర విషాదాన్ని నింపింది.కార్తిక్ సబేష్ తమిళంలో సహాయ నటుడిగా గుర్తింపు తెచ్చుకున్నాడు. ధమ్, వల్లవన్, పట్టత్తు యానై, ఉదయం ఎన్‌హెచ్4, బర్మా, కాదల్ సొల్ల వందేన్, కులిర్ 100° తదితర చిత్రాల్లో నటించాడు. ఇప్పుడు ఈ నటుడు కూడా చిన్న వయసులో చనిపోవడం బాధాకరం.(ఇదీ చదవండి: నేరుగా ఓటీటీలోకి తెలుగు మిస్టరీ థ్రిల్లర్)

ప్రముఖ తమిళ సంగీత దర్శకుడు దేవా(75) అనారోగ్య సమస్యలతో కన్నుమూశారు. శనివారం ఉదయం తన ఇంట్లో ఒక్కసారిగా కుప్పకూలిపోవడంతో చెన్నైలోని ఓ ప్రైవేట్‌ ఆస్పత్రికి తరలించారు. కానీ అప్పటికే ఆయన మరణించినట్లు వైద్యులు ధ్రువీకరించారు. ఈ క్రమంలోనే చిత్రసీమ సంతాపం వ్యక్తం చేస్తోంది.ఇదీ చదవండి: ఓటీటీకి 'అక్క'.. లేడీ గ్యాంగ్‌స్టర్‌లా కీర్తి.. టీజర్ రిలీజ్ముఖ్యమంత్రి విజయ్.. దేవా ఇంటికి వచ్చి నివాళులు అర్పించారు. సూపర్‌స్టార్ రజనీకాంత్ తొలుత ఓ వీడియో రిలీజ్ చేసి సంతాపం తెలియజేశారు. అనంతరం ఇంటికొచ్చి దేవా కుటుంబాన్ని పరామర్శించారు. కమల్ హాసన్ తదితరులు కూడా భౌతిక కాయాన్ని సందర్శించుకుని నివాళులర్పించారు.తమిళనాడుకు చెందిన దేవా పూర్తి పేరు దేవనేశన్ చొక్కలింగం. 1950 నవంబర్ 20న పుట్టిన ఈయన.. సంగీత దర్శకుడిగా, గాయకుడిగా దక్షిణాది చిత్ర పరిశ్రమల్లో సేవలందించారు. ప్రధానంగా తమిళ సినిమాలకు సంగీతం అందించిన ఆయన.. తెలుగు, కన్నడ, మలయాళ చిత్రాలకు కూడా పనిచేశారు. ఇదీ చదవండి: ‘రణబాలి’ తొలి రోజు కలెక్షన్స్‌ ఎంతంటే..?முதல்வர் ஜோசப் விஜய் மறைந்த இசையமைப்பாளர் தேவாவுக்கு இறுதி மரியாதை செலுத்தினார் முதல்வர் ஜோசப் விஜய் அவர்கள், சமீபத்தில் மறைந்த பிரபல இசையமைப்பாளர் தேவா அவர்களுக்கு இறுதி மரியாதை செலுத்தினார்கள். #JosephVijay #Deva #LastRespect #FrontmediaTV https://t.co/uUSjH071Kh— FRONTMEDIA-தமிழ் (@frontmediatv) October 17, 2026மறைந்த இசையமைப்பாளர் தேவா உடலுக்கு நடிகர் ரஜினிகாந்த் நேரில் அஞ்சலி செலுத்தினார் #Rajinikanth | #RIPDeva | #Deva | #MusicDirector https://t.co/t7ffL0Sibz— PttvOnlinenews (@PttvNewsX) October 17, 2026

ప్రముఖ సంగీత దర్శకుడు దేవ(75) కన్నుమూశారు. అయితే దేవా, గానగంధర్వుడు ఎస్పీ బాలసుబ్రహ్మణ్యం కలయికలో ఎన్నో మధురమైన పాటలను ప్రేక్షకులు గుర్తు చేసుకుంటున్నారు. గతంలో దేవా అందించిన ఎన్నో బాణీలకు బాలు తన గాత్రంతో ప్రాణం పోశారు. ముఖ్యంగా రజనీకాంత్‌ కథానాయకుడిగా నటించిన ‘బాషా’ సినిమాలోని పాటలు విశేష ఆదరణ పొందాయి. మళ్లీ పాడిన ఎస్పీ..బాషా చిత్రంలోని ‘నేను ఆటో వాణ్ని’ పాటకు ఇప్పటికీ అభిమానులు ఉన్నారు. వీరి కలయికలో వచ్చిన ‘తొలిప్రేమ’, ‘ఇందు’ వంటి చిత్రాల్లోని పాటలు కూడా సంగీత ప్రియులను అలరించాయి. ఇలా దేవా స్వరాలు, బాలు గాత్రం కలిసి ఎన్నో మధురమైన సంగీత జ్ఞాపకాలను అందించాయి. రజనీకాంత్‌ నటించిన ‘అన్నామలై’ సినిమాలోని ఓ పాట విషయంలో ఆసక్తికర సంఘటన జరిగింది. ఈ చిత్రంలోని ‘పెన్ పురా’ పాటను దేవా తొలుత యేసుదాస్‌తో పాడించారు. దీనిపై ఎస్పీబీ సరదాగా స్పందిస్తూ.. ఆ ఒక్క పాట తనకు ఎందుకు ఇవ్వలేదని అడిగారట. ఆ తర్వాత అదే పాటను కన్నడంలో ఎస్పీ బాలుతో పాడించినట్లు దేవా ఓ ఇంటర్వ్యూలో గుర్తు చేసుకున్నారు. తరాలు మారినా తగ్గని క్రేజ్‌!ఇలా దేవా సంగీతం, ఎస్పీ బాలు గాత్రం కలిసిన పాటలు ఇప్పటికీ శ్రోతలను ఆకట్టుకుంటూనే ఉన్నాయి. పాటలోని భావానికి తగ్గట్టుగా తన గాత్రాన్ని మలచడం బాలు ప్రత్యేకత కాగా.. ప్రేక్షకుల అభిరుచికి అనుగుణంగా బాణీలు అందించడం దేవా శైలి. ఈ ఇద్దరు దిగ్గజాల కలయికలో వచ్చిన పాటలు కాలంతో సంబంధం లేకుండా సంగీత ప్రియుల మనసుల్లో నిలిచిపోయాయి. (ఇదీ చదవండి: జైలర్‌2 బ్లాక్‌ బస్టర్‌.. హృతిక్‌కి భారీ రెమ్యునరేషన్!)

దక్షిణాది సినీ సంగీత ప్రపంచంలో మరో విషాదం చోటుచేసుకుంది. మూడున్నర దశాబ్దాలపాటు తన సంగీతంతో ప్రేక్షకులను ఉర్రూతలూగించిన సంగీత దర్శకుడు దేవా (75) కన్నుమూశారు. అభిమానులు ‘తేనిసై తెన్రల్‌’గా ఆప్యాయంగా పిలుచుకునే ఆయన శనివారం (అక్టోబర్‌ 17) చెన్నైలో తుదిశ్వాస విడిచారు. ఆయన మరణవార్తతో సినీ పరిశ్రమలో విషాదం నెలకొంది.మూడు దశాబ్దాలకు పైగా సాగిన తన సంగీత ప్రయాణంలో వందలాది చిత్రాలకు స్వరాలు అందించి, దక్షిణాది సినిమా సంగీతంలో ప్రత్యేక గుర్తింపు సంపాదించారు. దేవా అసలు పేరు దేవనేసన్‌ చొక్కలింగం. 1950 నవంబర్‌ 20న జన్మించారు. చిన్నతనం నుంచే సంగీతంపై ఆసక్తి పెంచుకున్న ఆయన.. సినీ రంగంలోకి అడుగుపెట్టి తనదైన బాణీలతో గుర్తింపు తెచ్చుకున్నారు. ముఖ్యంగా తమిళ చిత్రసీమలో అగ్ర సంగీత దర్శకుల్లో ఒకరిగా ఎదిగారు. తన కెరీర్‌లో 400కు పైగా సినిమాలకు సంగీతం అందించారు. రజినీకాంత్‌ కెరీర్‌ను మలుపు తిప్పిన ‘అన్నామలై, ఆ తర్వాత బాషా, అరుణాచలం లాంటి చిత్రాలకు ఆయన అందించిన మ్యూజిక్‌ ఎంతో ప్రత్యేకం. మ్యూజిక్‌తో దేవా ఇచ్చిన ఎలివేషన్లు.. ఒకరకంగా రజినీ స్టార్‌డమ్‌కి ఎంతో సహకరించాయి.ఎన్నో హిట్‌ ఆల్బమ్స్‌తమిళంలో దేవా సంగీతం అందించిన చిత్రాల్లో రజనీకాంత్‌ నటించిన ‘అన్నామలై’, ‘బాషా’, ‘అరుణాచలం’ ప్రత్యేకంగా చెప్పుకోవాలి. వీటితో పాటు ‘ఆసై’, ‘కాదల్‌ కోట్టై’, ‘నేరుక్కు నేర్‌’, ‘నినైత్తేన్‌ వందాయ్‌’, ‘ప్రియముడన్‌’, ‘వాలి’, ‘ఖుషి’ వంటి చిత్రాల పాటలు ప్రేక్షకులను విశేషంగా ఆకట్టుకున్నాయి. కథలోని భావోద్వేగాలకు అనుగుణంగా స్వరాలు అందించడంతో పాటు, మాస్‌ ప్రేక్షకులను ఉర్రూతలూగించే పాటలను రూపొందించడంలోనూ ఆయన ప్రత్యేకత చూపించారు.(చదవండి: తనూశ్రీ ఆరోపణలు.. స్పందించిన నానా పటేకర్‌ కుమారుడు)తమిళంలో ఘన విజయం సాధించిన బాణీలతో పాటు, తెలుగు సినిమాల్లోనూ తన సంగీత ప్రతిభను చాటుకున్నారు. తెలుగు ప్రేక్షకులకూ దేవా సంగీతం సుపరిచితమే. పవన్‌ కల్యాణ్‌ నటించిన ‘తొలిప్రేమ’తో పాటు చిరంజీవి ‘మాస్టర్‌’, నాగార్జున ‘ఆటో డ్రైవర్‌’, దాసరి అరుణ్‌ ‘గ్రీకు వీరుడు’ ఉన్నాయి. కన్నడలో అమృతవర్షిణి, రాజా, కోటిగొబ్బ వంటి చిత్రాలకు పనిచేశారు. మలయాళంలో ‘ది ప్రిన్స్‌’, ‘ఫాంటమ్‌’ వంటి చిత్రాలకు సంగీతం అందించారు.గానా సంగీతానికి ప్రత్యేక గుర్తింపుదేవా పేరు చెప్పగానే గుర్తొచ్చేది ఆయన ప్రత్యేకమైన సంగీత శైలి. జానపద బాణీలు, వేగవంతమైన బీట్స్‌, సులభంగా గుర్తుండిపోయే ట్యూన్లతో ఆయన పాటలు సామాన్య ప్రేక్షకులకు చేరువయ్యాయి. ముఖ్యంగా చెన్నై ప్రాంతానికి చెందిన ‘గానా’ సంగీతాన్ని మెయిన్‌స్ట్రీమ్‌ సినిమాల్లోకి తీసుకురావడంలో దేవా కీలక పాత్ర పోషించారు. స్థానిక సంగీత శైలికి సినిమా పాటల రూపంలో విస్తృత ఆదరణ తీసుకొచ్చారు. అందుకే అభిమానులు ఆయనను ‘తేనిసై తెన్రల్‌’గా పిలిచేవారు. ఆయన పాటలు థియేటర్లలోనే కాకుండా పండుగలు, వేడుకలు, ప్రజా కార్యక్రమాల్లోనూ మారుమోగేవి. మెలోడీ పాటల నుంచి మాస్‌ నంబర్ల వరకు విభిన్నమైన బాణీలను అందిస్తూ తనదైన ముద్ర వేశారు.అవార్డులు.. కొనసాగుతున్న సంగీత వారసత్వంసినీ సంగీత రంగంలో చేసిన సేవలకు దేవాకు పలు గుర్తింపులు లభించాయి. తమిళనాడు రాష్ట్ర చలనచిత్ర పురస్కారంతో పాటు 1992లో ‘కలైమామణి’ గౌరవం కూడా అందుకున్నారు. ఆయన సంగీత ప్రయాణం కుటుంబంలోనూ కొనసాగింది. దేవా కుమారుడు శ్రీకాంత్‌ దేవా కూడా సంగీత దర్శకుడిగా సినీ రంగంలో గుర్తింపు పొందారు.దశాబ్దాల పాటు ప్రేక్షకులను అలరించిన దేవా ఇక లేరన్న వార్త సంగీత ప్రియులను కలచివేస్తోంది. తమిళంతో పాటు తెలుగు, కన్నడ, మలయాళ చిత్రాల్లోనూ తన బాణీలతో అభిమానులను సంపాదించుకున్న ఆయన.. దక్షిణాది సినీ సంగీత చరిత్రలో ఓ చెరిగిపోని ముద్ర వేసి వెళ్లిపోయారు.

చిత్రపరిశ్రమలో విషాదం నెలకొంది. ప్రముఖ సంగీత దర్శకుడు దేవా(75) కన్నుమూశారు. గుండెపోటుతో ఆయన మరణించినట్లు తెలుస్తోంది. శనివారం ఉదయం తన ఇంట్లో ఒక్కసారిగా కుప్పకూలిపోవడంతో చెన్నైలోని ఓ ప్రైవేట్‌ ఆస్పత్రికి తరలించారు. అయితే అప్పటికే ఆయన మరణించినట్లు వైద్యులు ధ్రువీకరించారు. తమిళనాడుకు చెందిన దేవా పూర్తి పేరు దేవనేశన్ చొక్కలింగం. 1950 నవంబర్ 20న జన్మించిన ఆయన.. సంగీత దర్శకుడిగా, గాయకుడిగా దక్షిణాది చిత్ర పరిశ్రమల్లో సేవలందించారు. ప్రధానంగా తమిళ సినిమాలకు సంగీతం అందించిన ఆయన.. తెలుగు, కన్నడ, మలయాళ చిత్రాలకు కూడా పనిచేశారు. ‘అన్నామలై’తో మారిన కెరీర్‌!తొలి రోజుల్లో అవకాశాల కోసం ఎదురుచూసిన దేవాకు 1990వ దశకంలో మంచి గుర్తింపు లభించింది. ముఖ్యంగా రజనీకాంత్‌ కథానాయకుడిగా నటించిన ‘అన్నామలై’ సినిమా ఆయన కెరీర్‌లో కీలక మలుపుగా నిలిచింది. ఈ చిత్రానికి అందించిన పాటలు, నేపథ్య సంగీతం ప్రేక్షకులను ఆకట్టుకున్నాయి. రజనీకాంత్‌ తెరపై కనిపించే సన్నివేశాలకు తన సంగీతంతో ప్రత్యేక ఉత్సాహాన్ని తీసుకొచ్చారు. ఆ తర్వాత ‘బాషా’, ‘వీరా’, ‘ముత్తు’, ‘పడయప్పా’ వంటి చిత్రాలతో దేవా పేరు మరింత ప్రాచుర్యంలోకి వచ్చింది. కథానాయకుడి పాత్రకు తగ్గట్టుగా మాస్‌ బీట్స్‌ అందించడంలో ఆయన ప్రత్యేకత కనిపించేది. అదే సమయంలో ప్రేమకథలకు మధురమైన పాటలను కూడా అందించగలరని నిరూపించారు.తెలుగులోనూ...మూడు దశాబ్దాలకు పైగా సాగిన కెరీర్‌లో వందలాది సినిమాలకు సంగీతాన్ని అందించారు. ముఖ్యంగా తమిళ గానా సంగీతాన్ని ప్రజల్లోకి తీసుకెళ్లడంలో ఆయనది కీలక పాత్ర. తమిళ చిత్రాలతో పాటు తెలుగు సినిమాలకు కూడా దేవ సంగీతాన్ని అందించారు. ఆయన సంగీతం అందించిన తెలుగు చిత్రాల్లో ‘భలే పెళ్లాం’, ‘మాస్టర్‌’, ‘ఆటో డ్రైవర్‌’, ‘తొలిప్రేమ’, ‘గ్రీకు వీరుడు’, ‘లవ్‌స్టోరీ 1999’, ‘బాగున్నారా?’, ‘కలుసుకోవాలని’, ‘నాగ’, ‘నాయుడమ్మ’, ‘కారా మజాకా’ తదితర చిత్రాలు ఉన్నాయి.(చదవండి: 400కు పైగా సినిమాలు.. ఎన్నో సూపర్‌హిట్‌ పాటలు.. దేవా సంగీత ప్రస్థానం)దేవ కుటుంబం కూడా సంగీత రంగంతో అనుబంధం కలిగి ఉంది. ఆయన కుమారుడు శ్రీకాంత్‌ దేవా సైతం సంగీత దర్శకుడిగా కొనసాగుతున్నారు. దేవ సోదరులు సబేశ్‌–మురళి సంగీత దర్శకులుగా గుర్తింపు తెచ్చుకున్నారు. దక్షిణాది భాషల్లో వందలాది చిత్రాలకు సంగీతాన్ని అందించి, తనదైన శైలితో అభిమానులను సంపాదించుకున్న దేవ మరణంతో తమిళ చిత్రపరిశ్రమలో విషాద ఛాయలు అలుముకున్నాయి. పలువురు సినీ ప్రముఖులు సోషల్‌ మీడియా వేదికగా ఆయనకు నివాళులు అర్పిస్తున్నారు.

ఈ ఏడాది కేరళ రాష్ట్ర ప్రభుత్వం అందించే ప్రతిష్టాత్మక ఫిల్మ్ ‍అవార్డులను ప్రకటించింది. ఈ అవార్డులను ప్రకాశ్ రాజ్ నేతృత్వంలోని జ్యూరీ ఎంపిక చేసింది. 2024కు గానూ ప్రకటించిన ‍అవార్డుల్లో ఉత్తమ చిత్రంగా మంజుమ్మెల్ బాయ్స్ నిలవడంతో పాటు ఏకంగా 9 విభాగాల్లో అవార్డ్స్‌ దక్కించుకుంది. మలయాళ మెగాస్టార్ మమ్ముట్టి ఉత్తమ నటుడిగా ఎంపికయ్యారు.అయితే ఈ అవార్డుల ప్రకటనపై మలయాళ చైల్డ్ ఆర్టిస్ట్ విమర్శలు చేసింది. మలికాపురం, గు లాంటి చిత్రాల్లో తన పాత్రలకు పేరు తెచ్చుకున్న బాలనటి దేనానంద జిబిన్ సోషల్ మీడియాలో జ్యూరీని విమర్శించింది. ఈ అవార్డుల్లో బాల నటులను విస్మరించడంపై తన ఆవేదన వ్యక్తం చేసింది. తాను మైనర్ కావడంతో ఆమె తల్లిదండ్రులు నిర్వహించే దేవా సోషల్ మీడియా ఖాతాలో పోస్ట్ చేసింది. పిల్లలకు అవార్డులకు ప్రకటించేందుకు జ్యూరీ సభ్యులకు కళ్లు మూసుకుపోయానని రాసుకొచ్చారు.దేవానంద తన ఇన్‌స్టాలో రాస్తూ.. 'మీ కళ్లతో పిల్లల్ని దగ్గరగా చూడండి. అంతే కానీ ఇక్కడంతా చీకటిగా ఉందని మాత్రం చెప్పకండి. పిల్లలు కూడా ఈ సమాజంలో భాగమే. రాబోయే తరానికి 2024 మలయాళ చలనచిత్ర అవార్డులను ప్రకటించడంలో జ్యూరీకి కళ్లు మూసుకుపోయాయి. స్టానర్తి శ్రీకుట్టన్, గు, ఫీనిక్స్, ఏఆర్‌ఎం లాంటి సినిమాల్లో పిల్లలు నటించారు. ఇద్దరు పిల్లలకు అవార్డులు ఇవ్వకుండా కూర్చోవడం కాదు.. మరిన్ని పిల్లల సినిమాలు చేయాలని చెప్పడానికి ప్రయత్నించండి. కనీసం ఇద్దరు చైల్డ్ ఆర్టిస్ట్‌లకైనా అవార్డ్స్‌ ఇచ్చి ఉంటే.. అది ఎంతో మంది నా లాంటి పిల్లలకు ప్రోత్సాహంగా ఉండేది. పిల్లలకు మరిన్ని అవకాశాలు రావాలని.. వారు కూడా సమాజంలో భాగమేనని జ్యూరీ చైర్మన్ చెప్పడంపై తీవ్ర ఆగ్రహంగా ఉన్నా. అన్ని మీడియా, చిత్రనిర్మాతలు, సాధారణ ప్రజలు కూడా దీని గురించి చర్చించాలి. మా హక్కులను పెట్టుబడి పెట్టడం కాదు.. మార్పులు జరగాలి. మార్పులతో పాటు పిల్లల హక్కులను కూడా కాపాడుకోవాలి' అంటూ పోస్ట్ చేశారు.దీంతో ప్రస్తుతం ఈ విషయం మలయాళ సినీ ఇండస్ట్రీలో హాట్‌ టాపిక్‌గా మారింది. కేరళ రాష్ట్ర ప్రభుత్వం అవార్డుల ప్రకటన అనంతరం నటుడు ప్రకాశ్ రాజ్ మీడియాతో మాట్లాడారు. ఇందులో ఆయన పిల్లల విభాగం అవార్డులపై కామెంట్స్ చేశారు. ఆ వీడియో క్లిప్‌ను సోషల్ మీడియాలో పోస్ట్ చేస్తూ దేవానంద విమర్శించింది.ప్రకాష్ రాజ్ ఏమన్నారంటే?ఉత్తమ బాలల చిత్ర విభాగానికి ఆరు సినిమాలు వచ్చినప్పటికీ.. ఏవీ కూడా ప్రమాణాలకు అనుగుణంగా లేవని జ్యూరీ నిర్ణయించిందని ప్రకాష్ రాజ్ పేర్కొన్నారు. ఇది ఈ సినిమాల నటులకు కూడా వర్తిస్తుందని అన్నారు. చిన్న పిల్లల విభాగంలో మనకు ఒక్క బెస్ట్ సినిమా కూడా కనిపించలేదు.. అంతేకాకుండా పిల్లలతో సినిమా తీసే ప్రయత్నం కూడా జరగలేదని వెల్లడించారు. సినిమాలు అంటే కేవలం పెద్దలు, యువకులు మాత్రమే కాదు.. పిల్లలు కూడా సమాజంలో భాగమని దర్శకులు, రచయితలు గ్రహించాలని ప్రకాశ్ రాజ్‌ సూచించారు. పిల్లలు ఏమి ఆలోచిస్తారో మనం తెలుసుకోవాలన్నారు. ఏ సినిమా కూడా పిల్లల అవగాహన గురించి మాట్లాడదని అన్నారు. దీంతో బాల నటులపై ప్రకాశ్‌ రాజ్‌ చేసిన కామెంట్స్‌పై సోషల్ మీడియాలో విమర్శలు వస్తున్నాయి. దర్శకుడు వినేష్ విశ్వనాథ్, మరో నటుడు ఆనంద్ మన్మధన్ కూడా జ్యూరీ విధానాన్ని ప్రశ్నించారు. View this post on Instagram A post shared by Devanandha Jibin (@devanandha.malikappuram)

మరో వీకెండ్ వచ్చేసింది. ఈసారి థియేటర్లలో మ్యాడ్ స్క్వేర్, రాబిన్ హుడ్ లాంటి తెలుగు సినిమాలతో పాటు ఎల్ 2 ఎంపురాన్, వీరధీరశూర లాంటి డబ్బింగ్ చిత్రాలు కూడా రిలీజయ్యాయి. మరోవైపు ఓటీటీలోకి ఏకంగా 20 సినిమాలు వచ్చేశాయి.(ఇదీ చదవండి: ఆలియాను చూసి ఈర్ష్య పడ్డా.. ఈమెకేంటి.. లైఫ్‌ సెట్టు అనుకున్నా!)ఓటీటీలోకి వచ్చిన సినిమాల విషయానికొస్తే.. మజాకా, శబ్దం, దేవా, అగాథియా చిత్రాలు ఉన్నంతలో ఆసక్తి కలిగిస్తున్నాయి. వీటితో పాటు మరికొన‍్ని మూవీస్, వెబ్ సిరీసులు కూడా ఉన్నాయి. ఇంతకీ తాజాగా ఓటీటీలోకి వచ్చిన మూవీస్ ఏంటంటే?ఈ శుక్రవారం ఓటీటీలోకి వచ్చిన మూవీస్ (మార్చి 28)నెట్ ఫ్లిక్స్దేవా - హిందీ సినిమాద లేడీస్ కంపానియన్ - స్పానిష్ సిరీస్ద లైఫ్ లిస్ట్ - ఇంగ్లీష్ మూవీఅమెజాన్ ప్రైమ్శబ్దం - తెలుగు డబ్బింగ్ సినిమాచూ మంతర్ - కన్నడ మూవీసన్ నెక్స్ట్బచ్చలమల్లి - తెలుగు సినిమాబిగ్ బెన్ - మలయాళ మూవీఅగాథియా - తెలుగు డబ్బింగ్ సినిమాహాట్ స్టార్ఓం జై కాళీ - తెలుగు డబ్బింగ్ సిరీస్ఆహావిజయ్ ఎల్ఎల్ బీ - తమిళ సినిమాజీ5మజాకా - తెలుగు మూవీసెరుప్పగుల్ జాకర్తై - తమిళ సిరీస్విడుదలై పార్ట్ 2 - హిందీ వెర్షన్ మూవీలయన్స్ గేట్ ప్లేబిఫోర్ ఐ వేక్ - ఇంగ్లీష్ మూవీడెన్ ఆఫ్ థీవ్స్ 2 - తెలుగు డబ్బింగ్ సినిమాజురాసిక్ హంట్ - ఇంగ్లీష్ మూవీరెడ్ లైన్ - ఇంగ్లీష్ సినిమాబుక్ మై షోబ్రిడ్జెట్ జోన్స్ - ఇంగ్లీష్ సినిమాఎమ్ఎక్స్ ప్లేయర్కిల్ దిల్ - హిందీ సిరీస్ఆపిల్ టీవీ ప్లస్నంబర్ వన్ ఆన్ ద కాల్ షీట్ - ఇంగ్లీష్ సిరీస్(ఇదీ చదవండి: కమెడియన్‌ ధనరాజ్‌తో గొడవలు- విడాకులు.. క్లారిటీ ఇచ్చిన భార్య)

బుట్టబొమ్మ పూజా హెగ్డే, బాలీవుడ్ హీరో షాహిద్ కపూర్‌ జంటగా నటించిన చిత్రం దేవా. రోషన్‌ ఆండ్రూస్‌ దర్శకత్వం వహించిన ఈ సినిమా జనవరి 31న థియేటర్లలో విడుదలైంది. అయితే బాక్సాఫీస్ ఊహించినంత స్థాయిలో రాణించలేకపోయింది. దీంతో ఈ సినిమాకు ఆడియన్స్‌ నుంచి ఆదరణ కరవైంది. యాక్షన్‌ థ్రిల్లర్‌గా వచ్చిన దేవా అభిమానులను థియేటర్లలో రప్పించడంలో విఫలమైంది.అయితే తాజాగా ఈ సినిమా ఓటీటీలో సందడి చేసేందుకు రెడీ అయిపోయింది. ఈనెల 28 నుంచే ఓటీటీలో స్ట్రీమింగ్ కానుంది. ఈ విషయాన్ని ప్రముఖ ఓటీటీ సంస్థ నెట్‌ఫ్లిక్స్ వెల్లడించింది. ఈ మేరకు దేవా పోస్టర్‌ను పంచుకుంది.కాగా..2013లో మలయాళంలో 'ముంబై పోలీస్' అనే పేరుతో ఓ సినిమా వచ్చింది. అప్పట్లో ఈ సినిమా సూపర్‌ హిట్‌గా నిలిచింది. అదే సినిమాని తెలుగులో 'హంట్' పేరుతో సుధీర్ బాబు రీమేక్ చేశాడు. ఇక్కడ అంతగా వర్కవుట్ కాకపోవడంతో ఫ్లాప్‌గా నిలిచింది. ఈ సినిమానే మళ్లీ హిందీలో షాహిద్ కపూర్ హీరోగా 'దేవా' పేరుతో తెరకెక్కించగా డిజాస్టర్‌గా నిలిచింది. మరీ ఓటీటీలోనైనా అభిమానులను ఏమేర అలరిస్తుందో వేచి చూడాలి.Bhasad macha 🥁🥁🥁 Trigger chala 🚨🚨🚨 Deva aa raha hai 🔥#DevaOnNetflix pic.twitter.com/9eHQGvnjWn— Netflix India (@NetflixIndia) March 27, 2025

బుట్టబొమ్మ పూజా హెగ్డేకి (Pooja Hegde) టైమ్ అస్సలు కలిసి రావడం లేదు. రెండు మూడేళ్ల ముందు వరకు తెలుగు, తమిళంలో వరస సినిమాలు చేసింది. ఆచార్య, రాధేశ్యామ్, బీస్ట్ లాంటి వరస డిజాస్టర్స్ దెబ్బకు పూర్తిగా సౌత్ కి దూరమైపోయింది. హిందీలో ప్రయత్నిస్తే ఒకటి రెండు ఛాన్సులు వచ్చాయి గానీ ఆయా చిత్రాలు బాక్సాఫీస్ దగ్గర ఘోరమైన డిజాస్టర్స్ గా మిగిలాయి. ఈ ఏడాది జనవరి 31న రిలీజైన 'దేవా' (Deva OTT) సినిమాపై బోలెడన్ని ఆశలు పెట్టుకుంది గానీ ఇదేమో ఫ్లాప్ అయింది. ఇప్పుడు ఈ మూవీనే ఓటీటీలోకి వచ్చేందుకు రెడీ అయింది.(ఇదీ చదవండి: కారు ప్రమాదంలో నటుడు సోనూసూద్ భార్య)2013లో మలయాళంలో 'ముంబై పోలీస్' పేరుతో ఓ సినిమా వచ్చింది. అప్పట్లో కాస్త కొత్తగా అనిపించడంతో హిట్ అయింది. దీన్ని తెలుగులో 'హంట్' పేరుతో సుధీర్ బాబు రీమేక్ చేశాడు. కానీ ఫ్లాప్ అయింది. దీన్నే మళ్లీ హిందీలో షాహిద్ కపూర్ హీరోగా 'దేవా' పేరుతో తీస్తే ఇక్కడ కూడా డిజాస్టర్ అయింది.ఇప్పుడు 'దేవా' సినిమా ఓటీటీలోకి రానుంది. మార్చి 28 నుంచి నెట్ ఫ్లిక్స్ లో స్ట్రీమింగ్ కానున్నట్లు తెలుస్తోంది. ఈ మధ్య థియేటర్లలో ఫ్లాప్ అయిన 'ఎమర్జెన్సీ' లాంటి మూవీస్ ఓటీటీలో హిట్ అవుతున్నాయి. మరి 'దేవా' కూడా అలా ఏమైనా ట్రెండింగ్ అవుతుందేమో చూడాలి?(ఇదీ చదవండి: ఓటీటీలోకి 'మజాకా'.. స్ట్రీమింగ్ ఎ‍ప్పుడంటే?)

విలేకరిపై హీరోయిన్‌ పూజా హెగ్డే ఫైర్‌ అయింది. అసలు నీ ప్రాబ్లం ఏంటి బాస్‌ అంటూ ఆగ్రహం వ్యక్తం చేసింది. కూల్‌గా ఉండే పూజా ఇంతలా ఫైర్‌ అవ్వడానికి గల కారణం..విలేకరి ఓ ప్రశ్నను పదే పదే అడగడమే. ఎన్నిసార్లు సమాధానం చెప్పినా.. మళ్లీ అదే ప్రశ్న అడగడంతో పూజా ఫైర్‌ అయింది. ఇంతకీ విలేకరి అడిగిన ప్రశ్న ఏంటి?అదృష్టం అనుకుంటే అనుకోండివరుస అపజయాలతో సతమతమవుతున్న పూజా హెగ్డే(Pooja Hegde )కి ‘దేవా’ (Deva)మూవీ మంచి ఉపశమనం ఇచ్చింది. షాహిద్‌ కపూర్‌ హీరోగా నటించిన ఈ చిత్రం జనవరి 31న ప్రేక్షకుల ముందుకు వచ్చి మంచి టాక్‌ సంపాదించుకుంది. ఈ నేపథ్యంలో షాహిద్‌తో కలిసి పూజా ఓ ఇంటర్వ్యూలో పాల్గొంది. ఈ సందర్భంగా సినిమా గురించి పలు ఆసక్తికర విషయాలను పంచుకుంది. అయితే ఇంటర్వ్యూలో మధ్యలో విలేకరి.. ‘బాలీవుడ్‌ అగ్ర హీరోలైన సల్మాన్‌ ఖాన్‌, హృతిక్‌ రోషన్‌, రణ్‌వీర్‌ సింగ్‌, షాహిద్‌ కపూర్‌ వంటి స్టార్‌ హీరోల చిత్రాల్లో నటించడాన్ని అదృష్టంగా భావిస్తారా? ఆయా చిత్రాలకు మీరు అర్హులేనని అనుకుంటున్నారా?’ అని అడిగారు. దీనికి పూజా కూల్‌గానే సమాధానం చెప్పింది. ‘ఆ సినిమాలకు నేను కచ్చితంగా అర్హురాలినే. ఆయా సినిమాల్లో నన్ను ఎంచుకోవడానికి దర్శకనిర్మాతలకు కొన్ని కారణాలు ఉంటాయి. ఒక అవకాశం వచ్చినప్పడు దానికి అనుగుణంగా పని చేసి ఆ పాత్రకు న్యాయం చేయాలి. నేను అదే పని చేశాను. దాన్ని మీరు అదృష్టం అనుకుంటే అనుకోండి. నేను ఏ మాత్రం బాధపడను’ అని పూజా సమాదానం ఇచ్చింది.ఫైర్‌ అయిన పూజా.. కూల్‌ చేసిన సాహిద్‌పూజా సమాధానం చెప్పిన తర్వాత కూడా సదరు విలేకరి ‘మీరు సినిమాలు ఎలా ఎంచుకుంటారు? స్టార్‌ హీరోల చిత్రాలైతేనే చేస్తారా?’అని మళ్లీ అడిగాడు. ఇలా స్టార్‌ హీరోలపైనే వరుస ప్రశ్నలు వేయడంతో పూజా హెగ్డే సహనాన్ని కోల్పోయింది. ‘అసలు మీ సమస్య ఏంటి? ఏం సమాధానం కావాలి’ అంటూ ఫైర్‌ అయింది. దీంతో షాహిద్‌ వెంటనే కలగజేసుకొని మ్యాటర్‌ని డైవర్ట్‌ చేశాడు.‘నువ్వు యాక్ట్‌ చేసిన స్టార్‌ హీరోలంటే అతడికి ఇష్టం అనుకుంటా. అతడు కూడా ఆ హీరోల పక్కన యాక్ట్‌ చేయాలనుకుంటున్నారు. అందుకే నీ నుంచి సలహాలు తీసుకుంటున్నట్లు ఉన్నారు’ అని చెప్పాడు. ‘దేవా’లో హిట్‌ ట్రాక్‌ఒకప్పుడు టాలీవుడ్‌లో వరుస సినిమాలలో అలరించింది పూజా హెగ్డే. 2020లో వచ్చిన ‘అల వైకుంఠపురములో’ తర్వాత ఆమె ఖాతాలో సరైన హిట్టే పడలేదు. అయినా కూడా స్టార్స్‌ సరసన నటించే అవకాశం వచ్చింది. అయితే వరుస సినిమాలు ఫ్లాప్‌ కావడంతో పూజాకి ఇక్కడ ఆఫర్స్‌ తగ్గాయి. దీంతో బాలీవుడ్‌నే నమ్ముకుంది ఈ పొడుగు కాళ్ల సుందరీ. అక్కడ కూడా ఆశించిన స్థాయిలో విజయాలు దక్కలేదు. దీంతో పూజా కెరీర్ దాదాపు ముగిసిపోయిందని అంతా అనుకున్నారు. కానీ పూజాకి మాత్రం వరుస అవకాశాలు వచ్చాయి. తాజాగా ఆమె నటించిన బాలీవుడ్‌ చిత్రం ‘దేవా’ మంచి టాక్‌ని సంపాదించుకుంది. ప్రస్తుతం పూజా రెండు భారీ సినిమాల్లో నటిస్తోంది. అందులో ఒకటి దళపతి విజయ్‌ ‘జన నాయగన్‌’ కాగా, మరొకటి సూర్య హీరోగా నటిస్తున్న 'రెట్రో'. ఈ రెండింటిపై పూజా చాలా ఆశలు పెట్టుకుంది.

షాహిద్‌ కపూర్‌ టైటిల్‌ రోల్‌లో నటించిన తాజా యాక్షన్‌ ఫిల్మ్‌ ‘దేవా’. ఈ చిత్రంలో పోలీసాఫీసర్‌ దేవా పాత్రలో షాహిద్‌ కపూర్‌ నటించారు. పూజాహెగ్డే హీరోయిన్‌గా నటించిన ఈ మూవీతో మలయాళ దర్శకుడు రోషన్‌ ఆండ్రూ హిందీ చిత్ర పరిశ్రమకు దర్శకుడిగా పరిచయం అవుతున్నారు.సిద్ధార్థ్‌ రాయ్‌ కపూర్, ఉమేష్‌ కేఆర్‌ బన్సల్‌ నిర్మించిన ఈ చిత్రం ఈ నెల 31న విడుదల కానుంది. ఈ సందర్భంగా ‘దేవా’ సినిమా టీజర్‌ను రిలీజ్‌ చేశారు. టీజర్‌లో షాహిద్‌ మాసీ విజువల్స్‌ మాత్రమే కనిపిం చాయి. కానీ చివర్లో వన్‌ అండ్‌ ఓన్లీ దేవా వస్తున్నాడు అని చూపించారు. పావైల్‌ గులాటి, ప్రవేవ్‌ రాణా, కుబ్రా సైట్‌ ఇతర ప్రధాన పాత్రల్లో నటించిన ఈ మూవీకి విశాల్‌ మిశ్రా స్వరకర్త.

ఈ నెలాఖర్లో థియేటర్స్‌లోకి వస్తున్నాడు దేవా. షాహిద్‌ కపూర్‌ టైటిల్‌ రోల్‌లో నటించిన బాలీవుడ్‌ యాక్షన్‌ థ్రిల్లర్‌ మూవీ ‘దేవా’. ఈ చిత్రంలో పూజా హెగ్డే హీరోయిన్‌గా నటించారు. మలయాళ దర్శకుడు రోషన్‌ ఆండ్రూ ఈ సినిమాతో బాలీవుడ్‌కు పరిచయం అవుతున్నారు. ‘దేవా’ చిత్రం గత ఏడాదే విడుదల కావాల్సింది. అయితే కొన్ని కారణాల వల్ల వాయిదా పడింది. తాజాగా ఈ సినిమాను జనవరి 31న విడుదల చేయనున్నట్లుగా చిత్రయూనిట్‌ అధికారికంగా ప్రకటించింది. ‘లాక్‌ అండ్‌ లోడ్‌’ అంటూ ఈ సినిమా కొత్త రిలీజ్‌ డేట్‌ పోస్టర్‌ను షేర్‌ చేశారు షాహిద్‌ కపూర్‌. జీ స్టూడియోస్, రాయ్‌ కపూర్‌ ఫిలింస్‌ నిర్మించిన ఈ సినిమాకు విశాల్‌ మిశ్రా సంగీతం అందించగా, జేక్స్‌ బిజోయ్‌ బ్యాక్‌గ్రౌండ్‌ స్కోర్‌ అందించారు.

‘బందూక్, శేఖరంగారి అబ్బాయి’ చిత్రాల ఫేమ్‌ అనురూప్‌ రెడ్డి హీరోగా నటించిన మూడో చిత్రం ‘ప్రేమించొద్దు’. దేవా మలిశెట్టి, సారిక, మానస ప్రధాన పాత్రల్లో నటించారు. శిరిన్‌ శ్రీరామ్‌ స్వీయ దర్శకత్వంలో 5 భాషల్లో నిర్మించిన ఈ చిత్రం జూన్‌ 7న విడుదలకానుంది. ఈ మూవీ టీజర్‌ లాంచ్‌ వేడుకలో శిరిన్‌ శ్రీరామ్‌ మాట్లాడుతూ– ‘‘బస్తీ నేపథ్యంలో సాగే ప్రేమకథా చిత్రమిది. తెలుగులో జూన్‌ 7న విడుదల చేస్తాం.ఆ తర్వాత తమిళ, కన్నడ, మలయాళ, హిందీ భాషల్లో రిలీజ్‌ చేస్తాం’’ అన్నారు. ‘‘తల్లిదండ్రులు, పిల్లలు చూసేలా మా సినిమా ఉంటుంది’’ అన్నారు సూపర్‌ వైజింగ్‌ ప్రోడ్యూసర్‌ నిఖిలేష్‌ తొగరి. ‘‘ఈ సినిమా ఎంతో వాస్తవంగా ఉంటుంది’’ అన్నారు అనురూప్‌ రెడ్డి. నటీమణులు సంతోషి, సోనాలీ గర్జె, మానస మాట్లాడారు.


 మనకున్న అద్భుతమైన నటీమణుల్లో అర్చన ఒకరు. ఈమె నటించిందంటే తెరపై పాత్ర మాత్రమే కనిపిస్తుంది. అలా ఎన్నో పాత్రలకు జీవం పోసిన గొప్ప నటి అర్చన. ఈమె నటనకు దూరమై చాలా కాలమైంది. ఈమెను నటింపజేయూలని చాలా మంది దర్శక నిర్మాతలు ప్రయత్నించి విఫలమయ్యూరు. అలాంటి నటిని సీనియర్ దర్శకుడు సురేష్‌కృష్ణ బుల్లి తెరపైకి తీసుకురావడం విశేషం.
  
 వీరిద్దరి కాంబినేషన్‌లో ఉనర్వుగళ్ అనే మెగా సీరియల్ రూపొందుతోంది. ఉనర్వుగళ్ సీరియల్ మిమ్మల్ని మీరే చూసుకునే కథ అన్నారు దర్శకుడు సురేష్‌కృష్ణ. బుల్లితెర సీరియల్‌గా కాకుండా వెండితెరపై చిత్రం చూస్తున్న అనుభూతి కలుగుతుందని పేర్కొన్నారు. ఈ సీరియల్ సోమవారం నుంచి పుదుయుగం టీవీలో ప్రసారమవుతుందని తెలిపారు. దేవా సంగీతం అందించారని వివరించారు.