TV
ఐఎస్ స్థావరాలపై ఫ్రాన్స్ వైమానిక దాడి
ఐఎస్ఎస్ ఉగ్రవాదులను తుదముట్టించేందుకు ఫ్రాన్స్ సమరం మొదలు పెట్టింది.
పారిస్: ఐఎస్ఎస్ ఉగ్రవాదులను తుదముట్టించేందుకు ఫ్రాన్స్ సమరం మొదలు పెట్టింది. సిరియాలోని ఉగ్రవాద స్థావరాలను లక్ష్యంగా చేసుకుని తొలిసారిగా వైమానిక దాడులు ప్రారంభించింది. గత 15 రోజులుగా ఐఎస్ఎస్ ఉగ్రవాదుల స్థావరాలను గుర్తించిన ఫ్రాన్స్ దళాలు వైమానిక దాడులకు దిగాయి. ఈ విషయాన్ని ఫ్రాన్స్ ప్రధానమంత్రి కార్యాలయం ధ్రువీకరించింది. స్థానిక భాగస్వాములతో కలిసి ఫ్రాన్స్ ఈ ఆపరేషన్ కొనసాగిస్తోంది.
అంతకుముందు ఫ్రాన్స్ బలగాలు ఇరాక్ లోని ఐఎస్ఎస్ ఉగ్రవాద తండాలపై దాడులు జరిపాయి. ఉగ్రవాదానికి వ్యతిరేకంగా తమ పోరాటం కొనసాగుతుందని ఫ్రాన్స్ అధ్యక్ష కార్యాలయం ప్రకటించింది. తమ దేశభద్రతకు ముప్పు వాటిల్లిన ప్రతిసారి దాడులు దిగుతున్నామని తెలిపింది.
