TV
'బాలీవుడ్ తార జియాఖాన్ ది హత్యే'
సంచలనం రేపిన బాలీవుడ్ తార జియా ఖాన్ ఆత్మహత్య కేసులో తాజాగా దర్యాప్తు చేపట్టాలని బాంబే హైకోర్టు ఆదేశించింది.
సంచలనం రేపిన బాలీవుడ్ తార జియా ఖాన్ ఆత్మహత్య కేసులో తాజాగా దర్యాప్తు చేపట్టాలని బాంబే హైకోర్టు ఆదేశించింది. తన కూతురును హత్య చేశారని.. ఈ కేసును సీబీఐకి అప్పగించాలని జియాఖాన్ తల్లి రుబియా ఖాన్ బాంబే హైకోర్టులో అక్టోబర్ 1 తేదిన పిటిషన్ దాఖలు చేశారు.
జియాఖాన్ హత్య చేసి.. ఆ సంఘటనను ఆత్మహత్యగా చిత్రీకరించారని జియాఖాన్ తల్లి పలు అనుమానాల్ని వ్యక్తం చేశారు. తన వాదనలకు బలం చేకూరే విధంగా స్వతంత్ర ఫోరెన్సిక్ నిపుణుల రిపోర్ట్ ను పిటిషన్ తోపాటు అందచేశారు. ఈ కేసులో నిందితుడు సూరజ్ పంచోలికి అనుకూలంగా పోలీసులు వ్యవహరిస్తున్నారని.. ఈ కేసును సీబీఐకి అప్పగించాలని రుబియా ఖాన్ డిమాండ్ చేశారు. సూరజ్ తండ్రి ఆదిత్య పంచోలి పోలీసులను ప్రలోభాలకు గురిచేస్తున్నారని ఆరోపించారు.
