TV
ఈ సీజన్ లో అద్భుతమైన ఫామ్ లో ఉన్న మెర్సిడెస్ జట్టు డ్రైవర్ నికో రోస్ బర్గ్ అదే దూకుడును చైనీస్ గ్రాండ్ ప్రిలో కూడా అదే దూకుడును కొనసాగించాడు.
షాంఘై:ఈ సీజన్ లో అద్భుతమైన ఫామ్లో ఉన్న మెర్సిడెస్ జట్టు డ్రైవర్ నికో రోస్బర్గ్ అదే దూకుడును చైనీస్ గ్రాండ్ ప్రిలో కూడా కొనసాగించాడు. శనివారం జరిగిన క్వాలిఫయింగ్ రౌండ్ లో రోస్బర్గ్ అందరికంటే వేగంగా ఒక నిమిషం 35.402 సెకెండ్లలో ల్యాప్ ను పూర్తి చేసి పోల్ పొజిషన్ సాధించాడు. దీంతో ఆదివారం జరిగే ప్రధాన రేసును రోస్ బర్గ్ తొలిస్థానం నుంచి ప్రారంభిస్తాడు. అయితే రెడ్ బుల్ కు చెందిన డానియల్ రికార్డో రెండో స్థానం సాధించడం విశేషం. మరోవైపు ఫోర్స్ ఇండియాకు చెందిన సెర్గియో పెరెజ్ ఏడో స్థానంలో నిలిచాడు.
