ఒక్కడే కానీ మూడు గెటప్స్‌

‘హృదయం’ ఫేమ్‌ మురళి గుర్తుండే ఉంటారు. మురళి కుమారుడు అథర్వా మురళి హీరోగా తమిళంలో వరుస సినిమాలతో మంచి బిజీగా ఉన్నారు. లవర్‌బాయ్‌గా లవ్‌స్టోరీ సినిమాలు చేస్తున్నారు. ప్రస్తుతం అథర్వ నటిస్తున్న చిత్రాల్లో ‘బూమర్యాంగ్‌’ ఒకటి. ఈ సినిమా కోసం గుండు చేయించుకున్నారు. ఇందులో అథర్వ మూడు డిఫరెంట్‌ గెటప్స్‌లో కనిపిస్తారట. అందులో ఈ గుండు పాత్ర ఒకటి. ‘‘ఈ పాత్ర కోసం గుండు చేయించుకుంటే వేరే సినిమాలకు ఇబ్బంది అవుతుంది అనుకున్నాను. కానీ అథర్వ అదేం ఆలోచించలేదు. వెంటనే గుండు చేయించుకున్నాడు. స్క్రిప్ట్‌కి చాలా ముఖ్యమైన సీన్స్‌ ఇవి’’ అని దర్శకుడు కన్నన్‌ పేర్కొన్నారు.