బిగ్‌బాస్‌లో వారంటే నాకు ఇష్టం : యాంకర్‌ రవి

బిగ్‌బాస్‌ హౌస్‌లో కంటెస్టెంట్లు ఎలా ఆడినా.. కొందరు వారిని వ్యక్తిగతంగా ఇష్టపడితే.. మరికొందరు ఆటను ఆడే విధానాన్ని బట్టి ఫాలో అవుతూ ఉంటారు. సెలబ్రెటీలు సైతం బిగ్‌బాస్‌ను ఫాలో అవ్వడమే కాకుండా నచ్చిన కంటెస్టెంట్ల తరుపున మద్దతును ప్రకటిస్తారు. ఇప్పటికే పలు సీరియల్‌ యాక్టర్స్‌ కొంతమంది కంటెస్టెంట్ల తరుపున ప్రచారం చేస్తున్నారు. ఇదే విధంగా యాంకర్‌ రవి.. తనకు ఇష్టమైన కంటెస్టెంట్ల పేర్లను చెప్పడంతో సోషల్‌ మీడియా వేదికగా శ్రీముఖికి సెటైర్లు పడుతున్నాయి.

అలీ రెజా మళ్లీ ఎంట్రీ ఇస్తే.. అతనే నాకు ఇష్టమైనవాడు అంటూ.. బిగ్‌బాస్‌ను అంతగా ఫాలో అవ్వట్లేదు కానీ.. బాబా భాస్కర్‌, రాహుల్‌, వరుణ్‌ గురించి మంచిగా వినిపిస్తోందని చెప్పుకొచ్చాడు. అయితే ఇలా యాంకర్‌ రవి శ్రీముఖి పేరును చెప్పకపోవడంతో.. ఆమెపై సెటైర్లు పడుతున్నాయి. కో యాంకర్‌గా ఎన్నో షోస్‌ చేసి, వ్యక్తిగతంగానూ ఎంతో తెలిసిన వ్యక్తి అయిన యాంకర్‌ రవి కూడా బిగ్‌బాస్‌ కంటెస్టెంట్లలో తనకు ఇష్టమైన వ్యక్తిగా శ్రీముఖి పేరును చెప్పలేదంటూ కామెంట్లు చేస్తున్నారు. మరి వీటిపై శ్రీముఖి ఫాలోవర్స్‌ ఎలా రియాక్ట్‌ అవుతారో చూడాలి.