TV
ఆన్ లైన్ లో వాహనాల రిజిస్ర్టేషన్ ప్రక్రియ మంగళవారం నుంచి ప్రారంభమైంది.
సీతమ్మధార: ఆన్ లైన్ లో వాహనాల రిజిస్ర్టేషన్ ప్రక్రియ మంగళవారం నుంచి ప్రారంభమైంది. విశాఖ నగరంలోని సిరిపురంలో గల వరుణ్ మోటార్స్ లో ఈ కార్యక్రమాన్ని ప్రారంభించారు. రిటైర్డు హెడ్మాస్టర్ ఈశ్వర శర్మ, శాంతి దంపతులు కొనుగోలు చేసిన వ్యాగన్ ఆర్ వాహనానికి అధికారులు అప్పటికప్పుడు రిజిస్ట్రేషన్ చేయించారు. ఈ సేవలతో వాహనం ఎక్కడ కొంటే అక్కడే రిజిస్ర్టేషన్ చేసుకునేందుకు వీలుంటుంది.
ఈ సందర్భంగా ముఖ్యమంత్రి చంద్రబాబు విజయవాడ నుంచి వీడియో కాన్ఫరెన్స్ ద్వారా మాట్లాడారు. జూన్ నుంచి ఎల్ఎల్ఆర్, డ్రైవింగ్ లైసెన్స్ , ఫిట్ నెస్ సర్టిఫికెట్ లను కూడా ఆర్టీవో కార్యాలయం వద్దకు వెళ్లకుండా ఆన్ లైన్ లోనే చేపట్టేలా చర్యలు తీసుకుంటామని చెప్పారు. కార్యక్రమంలో మంత్రి గంటా శ్రీనివాసరావు, ట్రాన్స్ పోర్టు కమిషనర్ సుబ్రమణ్యం పాల్గొన్నారు.
