TV
సాక్షి, హైదరాబాద్‌: దక్షిణ మధ్య రైల్వే ఇన్‌స్పెక్టర్‌ జనరల్‌–కమ్‌–ప్రిన్సిపల్‌ చీఫ్‌ సెక్యూరిటీ కమిషనర్‌గా అరోమా సింగ్‌ ఠాకూర్‌ బాధ్యతలు స్వీకరించారు. ఇండియన్‌ రైల్వే ప్రొటెక్షన్‌ ఫోర్స్‌సర్వీస్‌ 1993 బ్యాచ్‌కు చెందిన ఆమె ఇంతకుముందు వాయువ్య జోన్‌లో ఇదే బాధ్యతలు నిర్వహిస్తూ బదిలీపై దక్షిణ మధ్య రైల్వేకు వచ్చారు.
తూర్పు రైల్వే పరిధిలోని హౌరా డివిజన్, జైపూర్‌ డివిజన్, వడోదర రైల్వే స్టాఫ్‌ కాలేజీ, జబల్పూర్, ఝాన్సీ, దక్షిణ రైల్వే, పెరంబూర్‌ ఇంటిగ్రేటెడ్‌ కోచ్‌ ఫ్యాక్టరీలోని వివిధ పోస్టుల్లో పనిచేశారు. ఆమె పని తీరుకుగాను మూడు పర్యాయాలు ఇండియన్‌ పోలీసు సేవా పతకాలు దక్కాయి.
