TV
వన్డే ప్రపంచకప్‌-2023లో భాగంగా చెన్నై వేదికగా ఆఫ్గానిస్తాన్‌, పాకిస్తాన్‌ జట్లు తలపడతున్నాయి. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన పాకిస్తాన్‌ నిర్ణీత 50 ఓవర్లలో 7 వికెట్ల నష్టానికి 282 పరుగులు చేసింది. పాక్‌ బ్యాటర్లలో కెప్టెన్‌ బాబర్‌ ఆజం హాఫ్‌ సెంచరీతో చెలరేగాడు.
ఈ మ్యాచ్‌లో 92 బంతులు ఎదుర్కొన్న బాబర్‌.. 4 ఫోర్లు, 1 సిక్స్‌తో 74 పరుగులు చేశాడు. అతడితో పాటు అబ్దుల్లా షఫీక్(58), ఇఫ్తికర్‌ అహ్మద్‌(40), షాదాబ్‌ ఖాన్‌(40) పరుగులతో రాణించాడు. ఆఫ్గాన్‌ బౌలర్లలో నూర్‌ అహ్మద్‌ మూడు వికెట్లు తీయగా.. నవీన్‌ ఉల్‌ హక్‌ రెండు అజ్మతుల్లా, నబీ తలా వికెట్‌ సాధించారు.
