స్పార్క్‌ నా ఎమోషనల్‌ జర్నీ | SPARK Pre Release Event | Sakshi
Sakshi News home page

స్పార్క్‌ నా ఎమోషనల్‌ జర్నీ

Published Thu, Nov 16 2023 4:03 AM | Last Updated on Thu, Nov 16 2023 4:03 AM

SPARK Pre Release Event - Sakshi

విక్రాంత్‌ హీరోగా నటించి, దర్శకత్వం వహించిన చిత్రం ‘స్పార్క్‌: ఎల్‌.ఐ.ఎఫ్‌.ఈ’. ఇందులో మెహరీన్, రుక్సార్‌ థిల్లాన్‌ హీరోయిన్లు. డెఫ్‌ ఫ్రాగ్స్‌ ప్రొడక్షన్స్‌ పతాకంపై లీల నిర్మించిన ఈ చిత్రం రేపు (శుక్రవారం) విడుదల    అవుతోంది. ఈ సందర్భంగా హైదరాబాద్‌లో జరిగిన ప్రీ రిలీజ్‌ ఈవెంట్‌లో   దర్శకులు హరీష్‌ శంకర్, మారుతి, నిర్మాత టీజీ విశ్వప్రసాద్‌ ముఖ్య అతిథులుగా పాల్గొని, ఈ సినిమా విజయం సాధించాలని కోరారు.

ఈ వేడుకలో విక్రాంత్‌ మాట్లాడుతూ– ‘‘అమెరికాలో జరిగిన కొన్ని ఘటనలకు కమర్షియల్‌ అంశాలు జోడించి ‘స్పార్క్‌’ కథ రాసుకున్నాను. నేనే కథ రాసుకుని, హీరోగా నటిస్తూ, దర్శకత్వం వహిస్తానన్నప్పుడు కొందరు వద్దన్నారు. కానీ ఈ సినిమా నా కల. నా కలకు మా కో డైరెక్టర్‌ స్వామిగారి అనుభవాన్ని జోడించి ఈ సినిమాను పూర్తి చేశాను. కొన్ని కష్టాలు పడ్డాను. లీల ఎంతగానో సపోర్ట్‌ చేశారు. ఈ సినిమా నాకు పెద్ద ఎమోషనల్‌ జర్నీ’’ అన్నారు విక్రాంత్‌. ‘‘ఈ సినిమాలో  సైంటిస్ట్‌ రోల్‌ చేశాను’’ అన్నారు సుహాసిని. ‘‘సినిమా చూశాను. బాగా వచ్చింది. ప్రేక్షకులకు కూడా నచ్చుతుందనే నమ్మకం ఉంది’’ అన్నారు లీల. 

No comments yet. Be the first to comment!
Add a comment
Advertisement
 
Advertisement
 
Advertisement