USA: సీక్రెట్‌ ఏజెంట్‌ను దోచుకున్న దొంగలు | American Secret Agent Robbed At Gunpoint In America | Sakshi
Sakshi News home page

అమెరికాలో విచిత్రం.. గన్‌తో బెదిరించి సీక్రెట్‌ ఏజెంట్‌ను దోచుకున్న దొంగలు

Published Tue, Jun 18 2024 4:36 PM | Last Updated on Tue, Jun 18 2024 5:47 PM

American Secret Agent Robbed At Gunpoint In America

కాలిఫోర్నియా: జేమ్స్‌బాండ్‌ సిరీస్‌ సినిమాల్లో హీరోల్లాంటి వాళ్లు అమెరికా సీక్రెట్‌ సర్వీస్‌ విభాగంలో పనిచేసే ఏజెంట్లు. ఇలాంటి ఓ ఏజెంట్‌ను దొంగలు గన్‌తో  బెదిరించి మరీ దోచుకోవడం ఆశ్చర్యం కలిగించే విషయమే. 

ఈ విచిత్ర ఘటన లాస్‌ ఏంజెల్స్‌లో జరిగింది. ఆదివారం(జూన్‌16) అమెరికా అధ్యక్షుడు జోబైడెన్‌, మాజీ అధ్యక్షుడు ఒబామా కలిసి లాస్ఏంజెల్స్‌లో డెమొక్రాట్‌ల ఎన్నికల క్యాంపెయిన్‌ కోసం ఓ విరాళాల సేకరణ కార్యక్రమంలో పాల్గొన్నారు. 

ఈ కార్యక్రమంలో అధ్యక్షుడికి  భద్రత కల్పించి తిరిగి వెళుతున్న ఓ సీక్రెట్‌ సర్వీస్‌ ఏజెంట్‌ను టస్టిన్‌ ప్రాంతంలో దొంగలు అడ్డుకుని తుపాకీతో బెదిరించారు.  అతని వద్దనున్న బ్యాగ్‌ను దోచుకొన్నారు.  

ఈ సమయంలో ఆ సీక్రెట్‌ ఏజెంట్‌ దొంగలపై కాల్పులు జరిపాడు. ఈ ఘటన సమాచారం టస్టిన్‌ పోలీసులకు అందడంతో వారు అక్కడికి చేరుకున్నారు. తమకు సీక్రెట్‌ ఏజెంట్‌ బ్యాగ్‌ దొరకలేదని,  ఏజెంట్‌ను బెదిరించి దోచుకున్న వారి ఆచూకీ ఇంకా తెలియలేదని పోలీసులు సోమవారం చెప్పారు.

‘మా సిబ్బంది ఒకరు కాలిఫోర్నియాలో దోపిడీకి గురయ్యారు. ఈ క్రమంలో అతడు  తన సర్వీస్‌ గన్‌తో ఫైరింగ్‌ కూడా చేశాడు. దొంగల కోసం గాలిస్తున్నాం’అని సీక్రెట్‌ సర్వీ‌సెస్‌ ప్రతినిధి ఆంటోనీ తెలిపారు. 

No comments yet. Be the first to comment!
Add a comment
Advertisement
 
Advertisement
 
Advertisement