తాలిబన్ల అఫ్గానిస్తాన్‌లో బాల్య వివాహాలు నానాటికీ విచ్చలవిడిగా పెరిగిపోతున్నాయి. ఆ ఘోరాల పరంపరకు పరాకాష్ట వంటి ఉదంతం తాజాగా దక్షిణ అఫ్గాన్‌లో చోటుచేసుకుంది! 45 ఏళ్ల వయసున్న ఓ ప్రబుద్ధుడు ఆరేళ్ల పాపను పెళ్లాడాడు. కాసుల కక్కుర్తితో తండ్రే ఆ చిన్నారిని పెళ్లి పేరిట ఇలా సదరు కామాంధునికి కట్టబెట్టాడట. ఇదే ఘోరమంటే, దీనిపై తాలిబన్‌ సర్కారు మరీ అరాచకంగా స్పందించింది. ‘నువ్వు చేసిన పని మమ్మల్ని షాక్‌కు గురి చేసింది. అంత చిన్న వయసు పాపను పెళ్లాడకుండా ఉండాల్సింది. కనీసం తనకు తొమ్మిదేళ్లు వచ్చేదాకా, అంటే మరో మూడేళ్ల దాకా కాపురానికి తీసుకెళ్లడానికి వీల్లేదు’ అని సదరు నవ వరుడిని ఆదేశించింది. అతనితో పాటు పాప తండ్రిని లాంఛనంగా అరెస్టు చేసింది. అమెరికాకు చెందిన అఫ్గాన్‌ సంస్థ ఏఎంయూ.టివి ఈ మేరకు పేర్కొంది. మనవాడికి అప్పటికే రెండు పెళ్లిళ్లయ్యాయట. పాప ప్రస్తుతానికి తల్లి దగ్గరే ఉన్నట్టు స్థానిక మీడియా పేర్కొంది. ఇదెక్కడి పాడు పని అంటూ సోషల్‌ మీడియాలో తీవ్ర దుమారం రేగుతోంది. చిన్న పాప పక్కన పెళ్లి దుస్తుల్లో ఉన్న వరుని ఫొటోలు వైరల్‌గా మారాయి. మానవ హక్కుల సంఘాలు కూడా తాలిబన్ల తీరుపై దుమ్మెత్తిపోస్తున్నాయి. రూపురేఖలను బట్టి రేటు! అఫ్గాన్‌లో అమల్లో ఉన్న దుర్మార్గమైన వాల్వార్‌ సంప్రదాయం మేరకు ఈ పెళ్లి జరిగింది. ఇందులో వధువు శరీరాకృతి, చదువు తదితరాల ఆధారంగా తనకు ధర నిర్ణయిస్తారు. అది చెల్లించిన వాడికిచ్చి పెళ్లి చేస్తారు. 2021లో తాలిబన్లు అఫ్తాన్‌ను హస్తగతం చేసుకున్న నాటినుంచీ బాల్య వివాహాలు పెచ్చరిల్లాయి. దుర్భర దారిద్య్రం దీనికి తోడైంది. పిల్లలను పెంచలేక తల్లిదండ్రులు ఇలా ఆడపిల్లలను పెళ్లి సాకుతో అయినకాడికి అమ్ముకుంటున్నారు. దేశంలో అమ్మాయిలకు అసలు కనీస వివాహ వయసు నిబంధనే లేదు. అమ్మాయిల చదువుపై నిషేధం విధించడంతో అఫ్గాన్‌లో కొన్నేళ్లుగా బాల్య వివాహాలు దేశంలో ఏకంగా 45 శాతానికి పెరిగినట్టు ఐరాస నివేదిక పేర్కొంది. – సాక్షి, నేషనల్‌ డెస్క్‌

కర్నూలు (లీగల్‌): చాక్లెట్‌ ఆశ చూపించి ఆరేళ్ల బాలికపై లైంగిక దాడికి పాల్పడిన ఓ మానవ మృగానికి కర్నూలు జిల్లా మొదటి అదనపు న్యాయస్థానం ఐదేళ్ల జైలు శిక్ష విధించింది. కర్నూలులోని బండిమెట్టకు చెందిన ఆరేళ్ల బాలిక నగరపాలక పాఠశాలలో ఒకటో తరగతి చదువుతున్నది. అమ్మమ్మ  ఇంట్లో ఉంటూ  రోజూ పాఠశాలకు వెళ్లి వచ్చేది. గత ఏడాది ఫిబ్రవరి 6వ తేదీన మధ్యాహ్నం భోజనానికి ఇంటికి వెళ్లి తిరిగి పాఠశాలకు హాజరైంది. మధ్యాహ్నం మూడు గంటల సమయంలో పాఠశాల ముందు ఆడుకుంటుండగా నగరంలోని కల్లా వీధికి చెందిన గౌండా పనిచేసే షేక్‌ ఖాజాబాషా తన సైకిల్‌పై అక్కడికి వచ్చాడు. చాక్లెట్‌ ఇస్తానని నమ్మించి బాలికను సైకిల్‌పై తన ఇంటికి తీసుకెళ్లి లైంగిక దాడికి పాల్పడ్డాడు. ఈ క్రమంలో బాలిక గట్టిగా కేకలు వేయడంతో చెంప దెబ్బలు కొట్టి రోడ్డుపై వదిలి వెళ్లిపోయాడు. బాలిక ఇంటికి రాకపోవడంతో అమ్మమ్మ పాఠశాల వద్దకు వెళ్లింది. అప్పటికే తాళం వేయడంతో ఆందోళన చెంది వెతుకుతుండగా బాలిక స్నేహితురాలు తారసపడింది. పుస్తకాల సంచి ఇచ్చి మధ్యాహ్నం నుంచి పాఠశాలకు రాలేదని చెప్పింది. కొద్దిసేపటి తర్వాత బాలిక ఏడ్చుకుంటూ ఇంటికి వచ్చి అమ్మమ్మ, తాతకు విషయం చెప్పింది. దీంతో వారు కర్నూలు వన్‌టౌన్‌ పోలీసులకు ఫిర్యాదు చేశారు. ఎస్‌ఐ టి.నాగరాజు పోక్సో చట్టం కింద కేసు నమోదు చేసి, నిందితుడిని అదేరోజు అరెస్ట్‌ చేశారు.  విచారణలో నేరం రుజువు కావడంతో  ఖాజాబాషాకు ఐదేళ్ల కఠిన కారాగార శిక్ష, రూ.500 జరిమానా విధిస్తూ న్యాయమూర్తి బి.శ్యాంసుందర్‌ తీర్పు చెప్పారు. ప్రాసిక్యూషన్‌ తరఫున పీపీ హేజ్కెల్‌ వాదించారు.   


 కేంద్రపర: ఆరేళ్ల చిన్నారి తన స్నేహితురాలి ప్రాణాలు కాపా డటం కోసం మొసలితో పోరాడిన ఘటన ఒడిశాలోని కేంద్రపర జిల్లాలో చోటుచేసుకుంది. బాంకు లాలా గ్రామానికి చెందిన టికీ దలాయ్‌ తన స్నేహితురాలు బసంతి దలాయ్‌తో కలసి చెరువులో స్నానం చేయడానికి వెళ్లింది. ఇంతలో మొసలి బసంతిపై దాడిచేసింది. చాకచక్యంగా వ్యవహరించిన టికీ తన సమీపంలోని కర్రతో మొసలి తలపై మోది స్నేహితురాలిని కాపాడింది. ప్రమాదంలో బసంతికి తీవ్ర గాయాలయ్యాయి. ప్రస్తుతానికి ఎలాంటి ప్రమాదం లేదని వైద్యులు ధ్రువీకరించారు. తన ధైర్య సాహసాలతో స్నేహితురాలి ప్రాణాలు కాపాడినందుకు టికీని స్థానికులు అభినందించారు. కాగా, బసంతి వైద్యానికి అయ్యే ఖర్చులు తామే భరిస్తామని, నష్ట పరిహారాన్ని కూడా అందిస్తామని అటవీ అధికారులు తెలిపారు. 


 థానె: నాన్న కొత్త షూలు కొనిపెడతానని చెప్పగానే ఆరేళ్ల చిన్నారి సంబరపడింది. తండ్రితో కలిసి ఉత్సాహంగా బయటకు వెళ్లింది. కన్నతండ్రి కాలయముడిగా మారతాడని ఊహించలేకపోయింది. ఏం దుర్బుద్ధి పుట్టిందో, ఏమో పసిపిల్ల అని కూడా చూడకుండా ఆమె నదిలోకి విసిరేశాడు. మహారాష్ట్రలోని థానేలో ఈ ఘటన చోటు చేసుకుంది. అనూహ్యంగా 11 గంటల తర్వాత చిన్నారి ప్రాణాలతో బయటపడింది.
 
 షూలు కొనిపెడతానని చెప్పడంతో బుధవారం రాత్రి 8 గంటల ప్రాంతంలో తండ్రితో కలిసి చిన్నారి బయటకు వెళ్లింది. బద్లాపూర్ వద్ద వాలివ్ల్లీ వంతెన పైనుంచి చిన్నారి ఆమె తండ్రి ఉల్హాస్ నదిలోకి విసిరేశాడు. మర్నాడు ఉదయం వంతెన కింద నుంచి పాప ఏడుపు వినిపిస్తుండడంతో నిర్మాణ కంపెనీ సెక్యురిటీ గార్డు రమేశ్ బొహెయిర్(35) పోలీసులకు సమాచారం అందించాడు. 15 నిమిషాల్లో అక్కడికి చేరుకున్న పోలీసులు 7.45 గంటల ప్రాంతంలో చిన్నారిని రక్షించారు.
 
 గుర్రపు డెక్క ఉండడంతో పాప ప్రాణాలతో బయట పడిందని పోలీసులు తెలిపారు. బుధవారం అర్ధరాత్రి పాప కనబడడం లేదని ఆమె తల్లి ఫిర్యాదు చేసిందని వార్తక్ నగర్ పోలీసు అధికారి కేజీ గావిట్ తెలిపారు. గురువారం ఉదయం పాపను నదిలో కనుగొన్నామని చెప్పారు. చిన్నారిని నదిలోకి విసిరేసిన ఆమె తండ్రిని పట్టుకునేందుకు ప్రయత్నిస్తున్నామన్నారు.


 మగాడిలో మృగాడు పూనుతున్నాడు...మానవత్వం మరిచి ఉన్మాదిగా మారుతున్నాడు. క్రూరత్వానికి కేరాఫ్‌గా మారుతూ.. విచక్షణ మరిచి దారుణాలకు తెగబడుతున్నాడు. ప్రేమ పేరుతో ఒకడు వంచించి ప్రాణాలు తీస్తే.. మరొకడు మనవరాలి వయస్సున్న చిన్నారిపై లైంగికదాడి చేశాడు.. ఇంకొకడు బ్లాక్‌మెయిల్‌కు తెగబడి బాధితురాలే బలవన్మరణానికి పాల్పడేలా చేశాడు. ఇలా రోజురోజుకూ  పెరుగుతున్న మృగాళ్ల అకృత్యాలకు అంతే ఉండడం లేదు.    - దేవరకొండ
  
 ⇒ మృగాళ్లకు కేరాఫ్‌గా దేవరకొండ
 ⇒ చదువు పేరుతో వచ్చి దారుణాలకు పాల్పడుతున్న వైనం
 ⇒ చట్టాలను కఠినతరం చేయాలంటున్న ప్రజలు
 దేవరకొండ.. మారుమూల గిరి జన ప్రాంతమే అయినా అన్నింటా దినదినాభివృద్ధి చెందుతూనే ఉంది. కానీ మగాడి నైజంలో మాత్రం మార్పురావడం లేదు. దీంతో చిన్నారులు, యువతులు, వివాహితలపై మృగాళ్ల అకృత్యాలు ఎక్కువయ్యాయి. ఏడాది కాలంలోనే హృదయం ద్రవించే ఘటనలు కోకొల్లలు. నిరక్షరాస్యత, అవగాహనారాహిత్యం, పేదరికం వెరసి వెలుగుచూడని దారుణాలు మరెన్నో..!?
  
 వెకిలి చేష్టలను చిత్రీకరించి..
 పట్టణంలోని ఓ ఇంట్లో అద్దెకు దిగిన ఇంజినీరింగ్ కుర్రాడు సదరు ఇంటి మహిళతోనే అసభ్యంగా ప్రవర్తించాడు. ఆవెకిలి చేష్టలను సెల్‌ఫోన్‌లో చిత్రీకరించి యూట్యూబ్‌లో పెట్టి పాశవికానందం పొందా డు. బాధిత మహిళ పోలీసులను ఆశ్రయించి నా ఫలితం లేకపోయింది. సమాజం చిన్నచూపు చూస్తదని భావించిన ఆ అభాగ్యురాలు బలవన్మరణానికి పాల్పడింది.
 
 చిన్నారిపై వృద్ధుడి ఘాతుకం
 మొన్నటికి మొన్న చందంపేట మం డలం తెల్దేవర్‌పల్లి గ్రామపంచాయతీ పరిధిలోని ఓ తం డాలో 55 ఏళ్ళ వృద్ధుడు 11 ఏళ్ల చిన్నారిని  అడవిలో అటకాయించి లైంగికదాడి చేశాడు. ఆ చిన్నారి రక్తస్రావంతో బాధపడుతుండటం తో ఓ డాక్టర్‌ను కలవగా అసలు విషయం వెలుగులోకి వచ్చింది.తాజాగా శుక్రవారం పట్టణం లో చోటు చేసుకున్న ఘటనతో ఈ ప్రాంత వాసులు ఉలిక్కిపడ్డారు.
  
 చట్టాలను కఠినతరం చేయాలి
 దేవరకొండలో చోటు చేసుకున్న మూడు ఘటనల్లోనూ కారణమైంది స్థానిక ఇంజి నీరింగ్ కళాశాల విద్యార్థులే కావడం గమనార్హం.  ఆంధ్రా, బీహార్ రాష్ట్రానికి చెందిన విద్యార్థులు స్థానికంగా ఉంటూ కళాశాలలో చదువుతుండడంతో వారిపై తల్లిదండ్రుల నిఘా కరువయ్యింది. దీంతో వారు ఆడిందే ఆటగా మారింది. పోలీసులు ఇటువంటి వారిపై నిఘా పె ట్టాలని ప్రజలు కోరుతున్నారు. దీంతో చట్టాలను మరింత కఠినతరం చేయాలని స్థానికులు కోరుతున్నారు.
  
 ఆరేళ్ల బాలికపై లైంగికదాడికి యత్నం
 దేవరకొండ :  ఆరేళ్ల బాలికను ఇంట్లోకి పిలిచి ఓ ఇంజినీరింగ్ విద్యార్థి లైంగికదాడికి యత్నించాడు. ఈ ఘటన దేవరకొండలో శుక్రవారం చోటు చేసుకుంది. పట్టణానికి చెందిన ఓ బాలిక శుక్రవారం ఉదయం కిరాణ దుకాణానికి వెళుతుండగా స్థానిక ఖాదర్ మెమోరియల్ కళాశాలలో బీటెక్ ఫైనలియర్ చదువుతున్న బీహార్ రాష్ట్రానికి చెందిన షహన్‌షా హలీం అనే విద్యార్థి తన గదిలోకి పిలిచాడు. ఆ చిన్నారిపై అసభ్యంగా ప్రవర్తిస్తుండగా భయంతో కేకలు వేసింది. దీంతో తల్లిదండ్రులు అక్కడికి వచ్చారు. చిన్నారి జరిగిన విషయం చెప్పడంతో కాలనీవాసులు సదరు విద్యార్థిని చితకబాది పోలీసులకు అప్పగించారు. సంఘటన స్థలానికి వచ్చిన పోలీసులు ఆ గదిలో అద్దెకుంటున్న నలుగురు విద్యార్థులను అదుపులోకి తీసుకున్నారు. చిన్నారి తల్లిదండ్రుల ఫిర్యాదు మేరకు షహన్‌షా హలీంపై కేసు నమోదు చేసి దర్యాప్తు జరుపుతున్నట్లు పోలీసులు తెలిపారు.


 నగరంలోని నిశ్చిందా ప్రాంతంలో ఆరేళ్ల చిన్నారిపై అత్యాచారం చేసిన అరుణ్ అగర్వాల్ (38)ను శనివారం అరెస్ట్ చేసినట్లు పోలీసు ఉన్నతాధికారులు హౌరాలో వెల్లడించారు. ఈ సందర్భంగా పోలీసులు విలేకర్ల సమావేశంలో వివరాలను తెలిపారు. ఈ నెల 5వ తేదీన అరుణ్ తన ఇంటికి ఎదురుగా నివాసిస్తున్న ఆరేళ్ల చిన్నారిపై అత్యాచారం చేశాడు. అనంతరం ఆ విషయం ఎవరికైన వెల్లడిస్తే చిన్నారిని చంపుతానని బెదిరించాడు. అంతేకాకుండా ఆ కుటుంబ సభ్యులను హతమారుస్తానని ఆ చిన్నారిని హెచ్చరించాడు. దీంతో ఆ చిన్నారి తీవ్ర భయాందోళనకు గురైంది.
 
 ఈ క్రమంలో ఆ చిన్నారి తీవ్ర అనారోగ్యానికి లోనైంది. దీంతో ఆ పాప తల్లితండ్రులు హుటాహుటిన హౌరాలోని ఆసుపత్రికి తరలించారు. పాపపై అత్యాచారం జరిగిందని వైద్యులు ఆ పాప తల్లితండ్రులకు వెల్లడించారు. దాంతో అసలు జరిగిన విషయాన్ని ఆ చిన్నారి తల్లితండ్రులకు తెలియజేసింది. దాంతో ఆగ్రహాం చెందని ఆ చిన్నారి తల్లితండ్రులు పోలీసులను ఆశ్రయించారు. పోలీసులు కేసు నమోదు చేసి గాలింపు చర్యలు చేపట్టారు. ఆ క్రమంలో అత్యాచార నిందితుడు అరుణ్ను అరెస్ట్ చేసినట్లు పోలీసులు  వివరించారు. తమ విచారణలో చేసిన తప్పును అరుణ్ ఒప్పుకున్నాడని పోలీసులు వివరించారు.


 నగరంలోని నిశ్చిందా ప్రాంతంలో ఆరేళ్ల చిన్నారిపై అత్యాచారం చేసిన అరుణ్ అగర్వాల్ (38)ను శనివారం అరెస్ట్ చేసినట్లు పోలీసు ఉన్నతాధికారులు హౌరాలో వెల్లడించారు. ఈ సందర్భంగా పోలీసులు విలేకర్ల సమావేశంలో వివరాలను తెలిపారు. ఈ నెల 5వ తేదీన అరుణ్ తన ఇంటికి ఎదురుగా నివాసిస్తున్న ఆరేళ్ల చిన్నారిపై అత్యాచారం చేశాడు. అనంతరం ఆ విషయం ఎవరికైన వెల్లడిస్తే చిన్నారిని చంపుతానని బెదిరించాడు. అంతేకాకుండా ఆ కుటుంబ సభ్యులను హతమారుస్తానని ఆ చిన్నారిని హెచ్చరించాడు. దీంతో ఆ చిన్నారి తీవ్ర భయాందోళనకు గురైంది.
 
 ఈ క్రమంలో ఆ చిన్నారి తీవ్ర అనారోగ్యానికి లోనైంది. దీంతో ఆ పాప తల్లితండ్రులు హుటాహుటిన హౌరాలోని ఆసుపత్రికి తరలించారు. పాపపై అత్యాచారం జరిగిందని వైద్యులు ఆ పాప తల్లితండ్రులకు వెల్లడించారు. దాంతో అసలు జరిగిన విషయాన్ని ఆ చిన్నారి తల్లితండ్రులకు తెలియజేసింది. దాంతో ఆగ్రహాం చెందని ఆ చిన్నారి తల్లితండ్రులు పోలీసులను ఆశ్రయించారు. పోలీసులు కేసు నమోదు చేసి గాలింపు చర్యలు చేపట్టారు. ఆ క్రమంలో అత్యాచార నిందితుడు అరుణ్ను అరెస్ట్ చేసినట్లు పోలీసులు  వివరించారు. తమ విచారణలో చేసిన తప్పును అరుణ్ ఒప్పుకున్నాడని పోలీసులు వివరించారు.