ఏప్రిల్‌లో అడుగుపెట్టామంటే రెండు ఆలోచనలు వస్తాయి. మొదటిది 2025 మార్చి 31తో ముగిసిన గత ఆర్థిక సంవత్సరానికి సంబంధించి రిటర్నులు దాఖలు చేయడానికి సిద్ధమవడం. రెండోది ప్రస్తుత ఆర్థిక సంవత్సరం (2025–26) పన్ను ప్రణాళికలను తయారు చేసుకోవడం. అందరూ కొత్త విధానానికి మొగ్గుచూపుతున్న పరిస్థితుల్లో పెట్టుబడులు/సేవింగ్స్‌పరంగా ప్లానింగ్‌కి తక్కువ అవకాశాలున్నాయి. అందుకని 2025 ఆర్థిక సంవత్సరానికి రిటర్ను వేయడానికి ఎలా సిద్ధంగా ఉండాలో తెలుసుకుందాం. 1. మీకున్న అన్ని బ్యాంకుల ఖాతాలకు సంబంధించి స్టేట్‌మెంట్లు/పాస్‌బుక్స్‌లని అప్‌డేట్‌ చేయించండి. 2. ప్రతి బ్యాంకు అకౌంట్‌ సేట్ట్‌మెంటుని తెచ్చుకొండి. 3. గత ఆర్థిక సంవత్సరం తొలి రోజు (1.4.2024) నుంచి చివరి రోజు (31.3.2025) వరకు బ్యాంకులోని జమలు పరిశీలించండి.పతి జమకు వివరణ రాసుకొండి. అంటే నగదు ద్వారా, చెక్కు ద్వారా, బదిలీ ద్వారా, గూగుల్‌ ద్వారా వచ్చిందా? మీరే స్వయంగా నగదు డిపాజిట్‌ చేసారా అని తెలుకొండి. ఆదాయమా.. అప్పు తీసుకున్నారా..? మీకు ఎవరైనా అప్పు చెల్లించారా? డివిడెండా.. వడ్డీనా .. జీతమా.. ఇంటి కిరాయా .. వ్యాపార ఆదాయమా.. షేర్ల విక్రయం ద్వారా వచ్చిన ఆదాయమా? క్యాపిటల్‌ గెయిన్స్‌ ద్వారా వచ్చిన ఆదాయమా.. స్థిరాస్తి అమ్మకం ద్వారా వచ్చిన ఆదాయమా? పీఎఫ్‌ విత్‌డ్రా ద్వారా వచ్చినదా.. ఎన్‌ఎస్‌సీ లేదా ఎల్‌ఐసీ పాలసీ మెచ్యూరిటీ ద్వారా వచ్చినది డిపాజిట్‌ చేశారా..? అలాగే చిట్‌ఫండ్‌ పాట ద్వారా వచ్చిందా? మన కుటుంబ సభ్యులు పంపించారా.., మన దేశం నుంచి వచ్చిందా.., విదేశాల నుంచి వచ్చిందా అనే దానిపై కచ్చితమైన అవగాహన ఉండాలి.వీటిలో కొన్నింటిపై పన్ను ఉంటుంది. కొన్ని పన్ను భారానికి గురికావు. కొన్ని ఆదాయ పరిధిలోకి వస్తాయి. కొన్నింటికి మినహాయింపు ఉంటుంది. ఇవి నిర్ధారించాలంటే మనకు ఎవరిచ్చారో కచ్చితంగా తెలియాలి. ఇచ్చిన వ్యక్తి పేరు, చిరునామా, పాన్‌ నెంబర్‌ సిద్ధంగా ఉంచుకోవాలి. దేని నిమిత్తం వచ్చిందో రాసుకోవాలి. ప్రతిదానికి రుజువులు ఉండాలి. ఇలా అన్ని అకౌంట్లలో అన్ని జమలకు వివరణ ఉండాలి. ఎందుకంటే ఈ వివరణ మీదే మీ పన్ను భారం ఆధారపడి ఉంటుంది. ఇక రెండవ సైడు ... రెండో కాలమ్‌.. ఖర్చు కాలమ్‌. డెబిట్‌లోని పద్దులు/ఎంట్రీలు .. ఈ వ్యవహారాలు కూడా చాలా ముఖ్యమైనవి. ఇవి ఖర్చులే కదా అని అశ్రద్ధ వహించకండి. ఖర్చులు/డెబిట్‌లు మీ ఆదాయాన్ని నిర్ధారిస్తాయి. ఉదాహరణకు ఆదాయానికి మించిన ఖర్చులుంటే వాటికి తగిన ‘మార్గాలు’ లేకపోయినా .. లేదా మీరు ఇవ్వకపోయినా ఆ ఖర్చును ఆదాయంగా భావిస్తారు. ఖర్చు దేని మీద చేసారు? ఏ నిమిత్తం చేసారు అనేది మీకు డెబిట్‌. మరో అకౌంట్లో జమ అంటే క్రెడిట్‌. అది మీకు ఆదాయం కాదంటే, అటువైపు వ్యక్తికి ఆదాయం కావచ్చు/కాకపోవచ్చు. దీన్ని నిరూపించాలి.అంటే ఈ మేరకు మీరు స్వయంగా ‘కన్ఫర్మ్‌’ చేయాలి. అందుకని డెబిట్‌ను విశ్లేషించండి. కొన్ని చెల్లింపుల్లో ఆదాయపన్ను చట్టప్రకారం మీరే బాధ్యులుగా ఉంటారు. ఉదాహరణకు మీరు జీతం ఇస్తారనుకుందాం... టీడీఎస్‌ తీసేశారా (కట్‌ చేశారా).., కమీషన్‌ ఇస్తే టాక్స్‌ రికవరీ చేశారా.., షేర్లు కొంటే వాటి మీద డివిడెండ్‌ ఎంత? ఎవరికైనా అప్పు ఇస్తే వడ్డీ వచ్చిందా, ఏదైనా ఇన్వెస్ట్‌మెంట్‌ చేస్తే దాని మీద ఆదాయమెంత, ఏవైనా స్థిరాస్తులు కొంటే దాని మీద ఆదాయమెంత? ఈ స్థిరాస్తి కొనేందుకు ఎంత అయ్యింది? ఎలా ఖర్చు పెట్టారు .. సోర్స్‌ ఏమిటి? ఇలా ప్రతి బ్యాంకు అకౌంటులో జమలు/ఖర్చులు విశ్లేషించాలి. వివరణలు రాసుకోవాలి. పన్నుకు సంబంధించిన సందేహాలు ఏవైనా ఉంటే పాఠకులు business@sakshi.com కు ఈ–మెయిల్‌ పంపించగలరు.

2022-23 ఆర్థిక సంవత్సరం పూర్తయి కొత్త ఆర్థిక సంవత్సరం (2023-24) ప్రారంభం కాబోతోంది. ఆదాయపు పన్ను కొత్త  నియమాలు ఏప్రిల్ 1 నుంచి అమల్లోకి వస్తాయి. కేంద్ర ప్రభుత్వం ఫిబ్రవరిలో ప్రవేశపెట్టిన 2023 బడ్జెట్‌లో ఆదాయపు పన్ను కొత్త నియమాలను ప్రతిపాదించింది. ఇదీ చదవండి: ట్యాక్స్‌ ప్లానింగ్‌లో చేసే పొరపాట్లు ఇవే.. తెలుసుకుంటే పన్ను ఆదా పక్కా!  కొత్త పన్ను విధానంలో టీడీఎస్‌ను ప్రభుత్వం తగ్గించింది. దీంతో చాలామంది పన్ను చెల్లింపుదారులకు ప్రయోజనం చేకూరుతుంది.   పన్ను చెల్లించదగిన ఆదాయం రూ. 7 లక్షల కంటే తక్కువ ఉండి కొత్త పన్ను విధానాన్ని ఎంచుకున్నవారు ఎటువంటి టీడీఎస్‌ చెల్లించాల్సిన అవసరం లేదు. ఆదాయపు పన్ను చట్టం సెక్షన్ 87ఏ కింద వారికి అదనపు మినహాయింపు ఉంటుంది.  ఆదాయపు పన్ను చట్టంలోని సెక్షన్ 193 కింద డీమెటీరియలైజ్డ్ రూపంలో లిస్టెడ్ డిబెంచర్లకు టీడీఎస్‌ కోతలు ఉండవు. అయితే అన్ని ఇతర చెల్లింపులపై 10 శాతం టీడీఎస్‌ రూపంలో కోత ఉంటుంది. ఆన్‌లైన్ గేమ్‌ల ద్వారా డబ్బు గెలుచుకున్న వారు ఆదాయపు పన్ను చట్టంలోని కొత్త సెక్షన్ 115 BBJ ప్రకారం 30 శాతం పన్ను చెల్లించాల్సి ఉంటుంది.  దీన్ని టీడీఎస్‌ రూపంలో కట్‌ చేస్తారు.  ఐటీ చట్టంలోని సెక్షన్ 54, 54ఎఫ్ కింద లభించే ప్రయోజనాలు కొత్త ఆర్థిక సంవత్సరం నుంచి తగ్గుతాయి. రూ. 10 కోట్ల వరకు మూలధన లాభాలకు మాత్రమే ఈ సెక్షన్ల కింద మినహాయింపు ఉంటుంది. అంతకు మించిన మూలధన లాభాలపై 20 శాతం పన్ను విధిస్తారు. 2023 ఏప్రిల్ 1 నుంచి ఆస్తి అమ్మకం ద్వారా వచ్చే లాభంపై  అధిక మూలధన లాభాల పన్ను చెల్లించాల్సి ఉంటుంది. ఐటీ యాక్ట్‌ సెక్షన్ 24 కింద క్లెయిమ్ చేసే వడ్డీని కొనుగోలు లేదా మరమ్మతు ఖర్చులో చేర్చేందుకు వీలు లేదు. మార్కెట్ లింక్డ్ డిబెంచర్ల బదిలీ, రిడెంప్షన్ లేదా మెచ్యూరిటీ నుంచి వచ్చే మూలధన లాభాలపై ఇప్పుడు స్వల్పకాలిక మూలధన లాభాల పన్ను ఉంటుంది. 2023 ఏప్రిల్ నుంచి ఈ-గోల్డ్ రిసీప్ట్‌గా మార్చుకున్న ఫిజికల్ గోల్డ్ లేదా ఫిజికల్ గోల్డ్‌గా  ఈ-గోల్డ్ రిసీప్ట్‌పై క్యాపిటల్ గెయిన్స్ ట్యాక్స్‌ ఉండదు. అయితే ఈ మార్పిడి సెబీ రిజిస్టర్డ్ వాల్ట్ మేనేజర్ ద్వారా జరిగి ఉండాలి. ఇదీ చదవండి: ఆ విషయంలో షావోమీ రికార్డ్‌ను బ్రేక్‌ చేయనున్న ఐఫోన్‌! 


 ► వ్యవసాయానికి రూ.5,085.63 కోట్లు
 ► వ్యవసాయేతర రంగానికి రూ.853.57 కోట్లు
 ► ఇతర ప్రాధాన్యతా రంగాలకు రూ.2,168.40 కోట్లు
 ► ప్రణాళికను ఆవిష్కరించిన కలెకర్ట్, బ్యాంకు అధికారులు
 
 కడప అగ్రికల్చర్‌ : ఈ ఏడాది జిల్లా ఆర్థిక పురోగతి సాధించాలని ఆకాంక్షిస్తున్నట్లు జిల్లా కలెకర్ట్‌ కేవీ సత్యనారాయణ అన్నారు. సోమవారం సాయంత్రం నూతన కలెక్టరేట్‌లోని సభాభవన్‌లో జిల్లాకు 2017-18 సంవత్సరానికిగాను బ్యాంకర్లు రూపొందించిన కొత్త ఆర్థిక ప్రణాళికను జిల్లా కలెక్టర్‌ ఆవిష్కరించారు.  ఈ సందర్భంగా కలెక్టర్‌ మాట్లాడుతూ 2017-18కిగాను వార్షిక ప్రణాళికకు సంబంధించి రూ.9401 కోట్లు ఖర్చు చేయాల్సి ఉంటుందని తెలిపారు. ఇందులో వ్యవసాయ, అనుబంధ రంగాలకు కలిపి రూ. 5085.63 కోట్లు ఖర్చు చేయాల్సి ఉందన్నారు. గత ఏడాది రూ. 4910.87 కోట్లు మాత్రమే ఖర్చుపెట్టారని తెలిపారు. పంట రుణాలకు రూ. 3939.58 కోట్ల లక్ష్యానికిగాను రూ.3607 కోట్లు రుణం అందించారన్నారు.
 
 ఇతర వ్యవసాయేతర రంగాలకు రూ.853.57 కోట్లు ఇవ్వనున్నారని తెలిపారు. గత ఏడాది రూ.873 లక్ష్యంకాగా కేవలం రూ.2.31 శాతం ఖర్చు చేశారని పేర్కొన్నారు. ఇతర ప్రాధాన్యతా రంగాలకు రూ.2168.40 కోట్లు ఇవ్వడానికి ఈ ప్రణాళికలో పొందుపరచారని తెలిపారు. ఈ కొత్త ఆర్థిక సంవత్సరంలో బ్యాంకర్లు తప్పని సరిగా నిర్ధేశించుకున్న లక్ష్యాలను అధిగమిస్తారని ఆశిస్తున్నట్లు తెలిపారు. ఈ కార్యక్రమంలో ఎల్‌డీఎం లేవాకు రఘునాధ్‌రెడ్డి, నాబార్డు ఏజీఎం శ్రీనివాసులు, డీఆర్‌డీఏ పీడీ అనిల్‌కుమార్‌రెడ్డి, పలు బ్యాంకుల ఉన్నతాధికారులు పాల్గొన్నారు.