సల్మాన్ ఖాన్ నటించిన 'వీర్‌' సినిమాతో బాలీవుడ్‌లోకి అడుగుపెట్టిన నటి 'అభా పాల్'. ఆ సినిమా తర్వాత 'కామసూత్ర 3డి'తో దేశవ్యాప్తంగా గుర్తింపు తెచ్చుకుంది. 2013లో విడుదలైన కామసూత్ర 3డి సేన్సేషనల్‌ చిత్రంగా నిలిచింది. దీంతో ఆమె పేరు ఒక్కసారిగా దేశవ్యాప్తంగా పాపులర్‌ అయింది. తర్వాత ట్రిపులు ఎక్స్‌, మస్త్రం, హై తౌబ్బా వంటి రొమాంటిక్‌ వెబ్‌ సిరీస్‌తో యూత్‌కు దగ్గరైంది. ఇటీవల మధురైలోని మీనాక్షి అమ్మన్ ఆలయాన్ని సందర్శించిన 'అబా పాల్' తన ఫోటోలను ఇన్‌స్టాగ్రామ్ పేజీలో పోస్ట్ చేసి అభిమానులను ఆశ్చర్యపరిచింది. ఏడాదిలో ఒక్కసారి అయినా భారత్‌లోని పలు దేవాలయాలను సందర్శిస్తానని ఆమె చెప్పారు. 'ఆబా పాల్' ఉత్తర ప్రదేశ్‌లోని ఘజియాబాద్‌లో 1987 ఆగస్టు 7న జన్మించింది. బ్యాచిలర్ ఆఫ్ ఆర్ట్స్‌లో గ్రాడ్యుయేట్ పూర్తి చేసిన ఆమె. 2005లో తొలిసారి మోడలింగ్‌లో అడుగుపెట్టింది.  2006లో అందాల పోటీలో మిస్ ఢిల్లీ అవార్డును గెలుచుకుని మొదట పలు వాణిజ్య ప్రకటనల్లో కనిపించింది. 2017లో సల్మాన్ ఖాన్ నటించిన 'వీర్‌'లో ఆమె చిన్న పాత్రను పోషించింది, కానీ ఆమె పాత్రను మాత్రమే ఎడిట్‌లో మేకర్స్‌ తొలగించారు. దీంతో ఆమె కొంతమేరకు అసహనానికి గురైంది. సినిమా అవకాశం ఇచ్చిన తర్వాత తన పాత్రను తొలగించడం వల్లే అశ్లీల చిత్రాల్లో నటించాల్సి వచ్చిందని ఆమె గతంలో చెప్పుకొచ్చింది.  'టేస్ట్' అనే తమిళ చిత్రంతో దక్షిణాది చిత్రసీమలో అడుగుపెట్టిన ఈ బ్యూటీ ఒక మొబైల్ యాప్‌ను ప్రారంభించగా దానిని లక్ష మంది  డౌన్‌లోడ్ చేసుకున్నారు. 2020లో విడుదలైన శృంగార నాటకం 'మస్త్రం'లో సరితా నాయర్‌గా కూడా నటించింది.  ‘కామసూత్ర’ త్రీడి ఆస్కార్ అవార్డ్స్ నామినేషన్ ఎంట్రీ పోటీలో నిలిచింది. ఏకంగా మూడు విభాగాల్లో ఈ చిత్రం పోటీకి నిలవడం విశేషం. ఇందులో షెర్లిన్‌ చోప్రా కూడా ప్రధాన పాత్రలో కనిపించింది. అభా పాల్  మదురై మీనాక్షి అమ్మన్ ఆలయం వెలుపల నుంచి గోపురం వద్ద నిలబడి  సెల్ఫీ దిగింది. ఆ ఫోటోను తన ఇన్‌స్టాగ్రామ్ పేజీలో పంచుకుంది. ఆ ఫోటో చూసిన అభిమానులు మీకు గుడికి వెళ్లే అలవాటు కూడా ఉందా అంటూ కామెంట్లు చేస్తున్నారు. అలాంటి సినిమాల్లో నటించే మీలో భక్తి కూడా దాగి ఉందా..? అంటూ నెటిజన్లు తెలుపుతున్నారు. కామసూత్ర 3డి బ్యూటీ అబా పాల్‌ ఫోటోలు నెట్టింట వైరల్‌ అవుతున్నాయి.  ఇన్‌స్టాగ్రామ్‌లో ఆమెకు 20 లక్షల మంది ఫాలోవర్లు ఉన్నారు. View this post on Instagram A post shared by Aabha Paul (@aabhapaulofficial)


 కామసూత్ర 3డి చిత్రంలో నటిస్తున్న బాలీవుడ్ నటి షెర్లిన్ చోప్రాపై ఆ చిత్ర దర్శకుడు రూపేష్ పాల్ పరువు నష్టం దావా దాఖలు చేశారు. సోషల్ నెట్వర్కింగ్ సైట్లో ఆమె తనను తిట్టిందని ఆయన తన ఫిర్యాదులో పేర్కొన్నారు. ఎర్నాకులం చీఫ్ జ్యుడీషియల్ మేజిస్ట్రేట్ కోర్టులో ఆయన తన ఫిర్యాదు దాఖలు చేశారు. షెర్లిన్ చోప్రా తన ట్విట్టర్ అకౌంట్లో తనను తిట్టిందని ఆయన పేర్కొన్నారు. ఈ కేసు తదుపరి విచారణకు కోర్టు మార్చి 5వ తేదీకి వాయిదా వేసింది.
 
 జనవరి 15వ తేదీన ఆమె తన ట్విట్టర్లో తనను నేరుగా అసభ్యంగా తిట్టిందని, అభ్యంతరకర వ్యాఖ్యలు పోస్ట్ చేసిందని పాల్ చెప్పారు. పాల్ తనకు ఈ చిత్రంలో నటించినందుకు మొత్తం ఇవ్వాల్సిన పారితోషికంలో రూ. 7 లక్షలు ఇవ్వలేదని ఇంతకుముందు షెర్లిన్ చోప్రా ముంబైలోని ఓ పోలీసు స్టేషన్లో ఫిర్యాదు దాఖలుచేసింది. అతడి లైంగిక వాంఛలు తీర్చకపోవడంతో కామసూత్ర 3డి చిత్రానికి సంబంధించిన మిగిలిన మొత్తం ఇచ్చేది లేదని కూడా పాల్ తనను బెదిరించినట్లు షెర్లిన్ ఆరోపించింది.


 'కామసూత్ర 3డి' దర్శకుడు రూపేశ్ పాల్ పై శాంతాక్రజ్ పోలీస్ స్టేషన్ లో బాలీవుడ్ నటి షెర్లీన్ చోప్రా కేసు నమోదు చేశారు. కామసూత్ర 3డి చిత్రంలో నటించినందుకు పూర్తి రెమ్యూనరేషన్ చెల్లించలేదని,   తనను లైంగిక వేధించడమే కాకుండా.. తనకు ఇవ్వాల్సిన ఏడు లక్షల రూపాయల రెమ్యునరేషన్ జప్తు చేస్తానని బెదిరింపులకు పాల్పడుతున్నారనే ఆరోపణలతో రూపేశ్ పై షెర్లీన్ కేసు నమోదు చేసినట్టు పోలీసులు వెల్లడించారు.
  
 దర్శకుడితో విబేధాలు తలెత్తడంతో  'కామసూత్ర 3డి' చిత్రం నిర్మాతలతో గత కొద్దికాలంగా దూరంగా ఉంటోంది. తన అశ్లీల చిత్రాల, వీడియోలను కామసూత్ర చిత్రంలో వినియోగించకుండా.. గ్లోబల్ కమర్షియల్ అశ్లీల (పోర్న్) మార్కెట్ లో అమ్మకానికి పెడుతానని రూపేశ్ బెదిరించినట్టు షెర్లీన్ ఆరోపించారని పోలీసు అధికారి తెలిపారు. కామసూత్ర చిత్రంలో తన స్థానంలో మరొకరిని తీసుకుంటానని కూడా దర్శకుడు బ్లాక్ మెయిల్ చేశారని, గతంలో తనకు అసభ్య సందేశాలు, ఈమెయిల్స్ తో రూపేశ్ విసిగించారని షెర్లీన్ ఫిర్యాదులో తెలిపారని  పోలీసులు వెల్లడించారు. 
  
 అయితే షెర్లీన్ చేస్తున్న ఆరోపణలన్ని అవాస్తవాలని రూపేశ్ ఖండించారు. షెర్లీన్ ఆరోపణలకు భిన్నంగా రూపేశ్ తన కథనాన్ని మీడియాకు వివరించారు. తనను అప్పా, కెప్టెన్ అంటూ సంబోధించేవారని.. ఆమె కోసం గంటల కొద్ది అందరం షూటింగ్ స్పాట్ లో ఎదురు చూసే వారం.  ఆమె తనను మానసికంగా చిత్రవధకు గురి చేసింది. షెర్లిన్ మాకు నరకం చూపించిందని రూపేశ్ ప్రతి ఆరోపణలు చేశారు. తనకు సంబంధించిన అశ్లీల వీడియోను షెర్లీన్ ఆన్ లైన్ లో అప్ లోడ్ చేసుకుందని రూపేశ్ తెలిపారు. 
  
 షెర్లీన్ ఫిర్యాదు ఆధారంగా రూపేశ్ పై ప్రాథమిక విచారణ చేపట్టామని పోలీసులు తెలిపారు. అయితే స్టేట్ మెంట్ రికార్డు చేయడానికి రావాలని పలుమార్లు కోరినా షెర్లీన్ అందుబాటులోకి రాలేదని సీనియర్ పోలీస్ అధికారి తెలిపారు. తాను బిజీగా ఉన్నందున పోలీస్ స్టేషన్ కు వెళ్లలేదని షెర్లీన్ తెలిపింది.


  కామసూత్ర అనగానే చాలామంది అదేదో వినకూడని పదం విన్నట్లుగా మొహం పెట్టేస్తారు. అలాగే, ఈ నేపథ్యంలో వచ్చే సినిమా అంటే కొంతమందికి చులకన భావం కూడా ఉంటుంది. కానీ, అలాంటి ఫీలింగులేం పెట్టుకోమాకండి అంటున్నారు షెర్లిన్ చోప్రా. ‘‘మాది నీలి చిత్రం అన్నవాళ్లకి సరైన సమాధానం లభించింది. అందుకు చాలా ఆనందంగా ఉంది. మరోవైపు ఉద్వేగంగా కూడా ఉంది’’ అని ధీమాగా చెబుతున్నారు షెర్లిన్. ఈవిడగారి ధీమాకి కారణం ఉంది. ఆమె కథానాయికగా రూపొందిన తాజా చిత్రం ‘కామసూత్ర’ త్రీడి ఆస్కార్ అవార్డ్స్ నామినేషన్ ఎంట్రీ పోటీలో నిలిచింది.
 
 ఒకటి కాదు.. ఏకంగా మూడు విభాగాల్లో ఈ చిత్రం పోటీకి నిలవడం విశేషం. ‘బెస్ట్ మోషన్ పిక్చర్’, ‘బెస్ట్ ఒరిజినల్ స్కోర్’, ‘బెస్ట్ ఒరిజినల్ సాంగ్’’ విభాగాలకు ఈ చిత్రం ఎంపికైంది. మన భారతదేశం నుంచి  దాదాపు ఐదేళ్ల క్రితం ‘స్లమ్ డాగ్ మిలియనీర్’ చిత్రం ‘బెస్ట్ ఒరిజినల్ స్కోర్’, ‘బెస్ట్ ఒరిజినల్ సాంగ్’విభాగాల్లో రెండు ఆస్కార్ అవార్డులను సొంతం చేసుకున్న విషయం తెలిసిందే. ఈసారి ఈ విభాగాల్లో ‘కామసూత్ర’ నిలిచింది. ఒరిజినల్ సాంగ్ విభాగంలో మొత్తం 75 పాటలు పోటీపడబోతున్నాయి. వీటిలో ‘కామసూత్ర’ లోని ఐదు పాటలూ ఉండటం విశేషం. చెన్నయ్‌కి చెందిన సచిన్, శ్రీజిత్ ఈ పాటలకు స్వరాలందించారు. రూపేష్ పౌల్ దర్శకత్వంలో ఈ చిత్రం రూపొందింది. కాగా, వచ్చే నెల 16న అవార్డులకు నామినేట్ అయిన చిత్రాలను ప్రకటిస్తారు. మార్చి 3న అస్కార్ అవార్డు ప్రదానోత్సవం జరుగుతుంది.