మొన్నటివరకు వదులుగా ఉండే సల్వార్, నిన్నటి వరకు మరీ కుచ్చులుగా ఉండే పటియాల, ఈ మధ్యలో వచ్చి కాళ్లను అతుక్కుపోయిన లెగ్గింగ్, జెగ్గింగ్... ఇవన్నీ మనకు తెలిసినవే. ఇక వీటి కాలం పూర్తయింది. వీటి స్థానంలో పలాజో, సిగరెట్, కెప్రీ, పెన్సిల్ స్టైల్ ప్యాంట్స్ వచ్చేశాయి. ఈ యేడాది స్టైల్‌లో కొత్తపుంతలు తొక్కుతూ ఇవే అతివల హాట్ ఫేవరేట్ అయ్యాయి.
  
 పెన్సిల్‌దే ఫస్ట్ ప్లేస్
 స్లిమ్ ప్యాంట్స్ అనీ, స్కిన్నీ ప్యాంట్స్ అనీ పెన్సిల్ ప్యాంట్‌కు మారుపేర్లు. దీంతోనే నిన్నమొన్నటి సల్వార్ కమీజ్‌ను పెన్సిల్ సూట్ అనే పేరు మార్చేసినంతటి ఘనత ఈ ప్యాంట్స్‌కు వచ్చింది. ఇటీవలి ట్రెండ్‌లో నిలిచిన ఘనత దీనిదే. సల్వార్‌కి వదులుగా, ఫిట్‌గా ఉండే ప్యాంట్స్‌ని వాడతారు. పెన్సిల్ సూట్ అయితే కేవలం టైట్‌గా ఫిట్‌గా ఉండే ప్యాంట్స్‌నే ధరిస్తారు. వీటినే లేడీస్ లెగ్ అని కూడా అంటారు. పెన్సిల్ సూట్‌లో అద్భుతమైన బీడ్స్, అద్దకం, జర్దోసీ, జరీ వర్క్స్ కూడా ఉపయోగిస్తున్నారు. రోజూ క్యాజువల్‌గా ధరించే సింపుల్ సూట్స్ కూడా ఇందులో వస్తున్నాయి. పెన్సిల్ ప్యాంట్స్‌లో నడుము భాగం చక్కగా అమరుతుంది. నాజూకు శరీరానికి చక్కగా అమరేలా ఎక్కడా అదనపు క్లాత్ కనిపించనట్టుగా ఉంటుంది. ఈ పెన్సిల్ ప్యాంట్స్ మీదకు రెగ్యులర్ కుర్తాలు కూడా ధరించవచ్చు.
  
 పలాజో ఓ రివాజు
 బెల్‌బాటమ్ ప్యాంట్స్ నుంచి పుట్టుకొచ్చిన స్టైల్ 1960, 1970ల కాలం నాటిదే! 1960లో ఈవెనింగ్ వేర్ అంటే స్కర్ట్ మోడల్ పలాజో ఉండాల్సిందే! కిందటేడాది నుంచే పలాజో ప్రాచుర్యంలో ఉన్నప్పటికీ ఈ యేడాది మరీ ఊపందుకుంది. నడుము నుంచి వంటిని అతుక్కున్నట్టు ఉన్నా, పాదం దగ్గర వెడల్పుగా రావడం (వైడ్-లెగ్గ్‌డ్ కఫ్డ్ ట్రౌజర్) అప్పటి స్టైల్. ఆ మోడల్‌లోనే డిజైనర్లు ఎన్నోమార్పులు తీసుకువచ్చారు. పలాజో ప్యాంట్స్ నడుము దగ్గర నుంచి కాలి మడమల వరకు ఒక క్రమబద్ధమైన ఫ్లెయిర్ ఉంటుంది. ఆ తర్వాత మోకాళ్ల దగ్గర లెంగ్త్ పెంచారు. హారమ్ ప్యాంట్స్ మాదిరి నడుము కింది నుంచి మడమల వరకు లూజ్‌గా ఉంటాయి.  
  
 కెప్రీస్ అల్వేస్!
 వీటినే లాంగ్/ త్రీ క్వార్టర్/ కామ్ డిగ్గర్స్/ మిడ్ కాఫ్/అని రకరకాల పేర్లున్నాయి. మోకాళ్ల కింద వరకు ఉండే ఈ ప్యాంట్లను ఆడ-మగ ఇద్దరూ ధరిస్తున్నారు. ఈ ప్యాంట్ 1948లో ఇటాలియన్ ఫ్యాషన్ డిజైనర్ వెలుగులోకి తెచ్చారు. 1960 మొదటి రోజుల్లో గ్రేస్ కెల్లీ అనే అమెరికన్ యాక్టర్ సినిమాల్లో ధరించింది. అటు నుంచి అన్ని దేశాల వారికీ ఫేవరేట్‌గా మారింది. దీంట్లో ఉండే సౌకర్యం, స్టైల్ వల్ల లింగ భేదం లేకుండా ఆకట్టుకుంటూనే ఉంది. కొద్దిపాటి మార్పులతో కుర్తాకు బాటమ్‌గా సంప్రదాయంగా ఒదిగిపోయింది. టీ షర్ట్స్ వంటి ఆధునిక దుస్తులకూ హంగులు అద్దింది.
  
 సిగరెట్ ప్యాంట్
 కెప్రీ ప్యాంట్‌కు పుట్టిన ఈ డిజైన్ లెగ్గింగ్ తర్వాత వచ్చిన జెగ్గింగ్‌కి అడ్వాన్డ్స్ అని చెప్పవచ్చు. డెనిమ్ జీన్స్ నుంచి మంచి ఫాల్ ఉన్న ఫ్యాబ్రిక్స్ అన్నింటితోనూ వీటిని డిజైన్ చేస్తున్నారు. గొట్టంలా పై నుంచి కింద వరకు ఒకే విధంగా కనిపించడం వల్లే ఆ పేరు వచ్చి ఉంటుంది. వీటిలోనే కొద్దిగా వదులుగా ఉండే ప్యాంట్స్ రావడం ఈ యేటి ఫ్యాషన్. వీటిలోనే జిప్పర్, బటన్ స్టైల్‌వి వచ్చాయి.
  - ఎన్.ఆర్
  
 డిజైనర్ టిప్స్
 యూరప్, ఇటలీ ఫ్యాషన్ పరిజ్ఞానాన్ని అందిపుచ్చుకొని సరికొత్త డిజైన్స్‌తో ఆకట్టుకుంటున్నారు విదిష. ఫ్యాషన్ డిజైనర్‌గా నేటికాలానికి తగ్గట్టుగా ప్యాంట్స్ వాడకంలో మెలకువలు చెబుతున్నారు.   ఫ్యాబ్రిక్:  ప్యాంట్స్‌ను ఎంచుకునేటప్పుడు సరైన క్లాత్, రంగు.. దృష్టిలో పెట్టుకోవాలి. స్త్రీ స్వభావానికి దగ్గరగా ఉండే పట్టు, షిఫాన్.. వంటి మంచి ఫ్లెయిర్ ఉన్న ఫ్యాబ్రిక్స్ పలాజో ప్యాంట్స్‌కు నప్పుతాయి. లినెన్, కాటన్ వంటి ఫ్యాబ్రిక్స్ కెప్రీస్, పెన్సిల్, సిగరెట్ ప్యాంట్స్‌కైతే బాగుంటాయి. ఈ తరహా ఫ్యాబ్రిక్స్‌లో మీరు తెలివివంతులుగా, షార్ప్‌గా కనిపిస్తారు.
 
 టాప్స్: మంచి రంగు, ఫ్యాబ్రిక్ ప్యాంట్స్ ఎంచుకోగానే సరికాదు, దానికి సరైన టాప్ ధరించినప్పుడే లుక్ కరెక్ట్‌గా కనిపిస్తుంది. మంచి ఫిటింగ్‌తో టాప్, పైన ఓవర్‌కోట్ ఉన్నది ధరిస్తే హుందాగా కనిపిస్తారు. పలాజో ప్యాంట్‌కు ఫ్లోవీ టాప్ (స్లీవ్‌లెస్) ధరిస్తే అందంగా కనిపిస్తారు.
  నడుముకు సరైన ఎంపిక: పలాజో లేదా ఇతర ప్యాంట్స్ ధరించినప్పుడు మీ నడుము లెంగ్త్‌పైన దృష్టి వెళుతుంది. అందుకని, నడుముభాగం విశాలంగా ఉంటే పొట్టిగా ఉండే టాప్స్ అస్సలు వేసుకోకూడదు. అలాగే టాప్స్‌ని టక్ చేయకూడదు. లో-వెయిస్ట్ ప్యాంట్ ఎంచుకొని, వాటి మీదకు పొడవాటి కుర్తా ధరించాలి.
 
 ఇతర అలకంరణ: పలాజో ప్యాంట్ చాలా వైవిధ్యమైనది. అందుకని సందర్భానుసారం ధరిస్తేనే బాగుంటుంది. క్యాజువల్ పలాజోకి అయితే బ్యాలెట్ ప్లాట్స్ ఎంచుకోవాలి. ఫార్మల్ అయితే ఆకట్టుకునే టాప్, ఒక క్లచ్, హీల్స్ ధరిస్తే చాలు. ఇతర ప్యాంట్స్ ధరించినప్పుడూ పైన టాప్‌ను దృష్టిలో పెట్టుకొని దానిని డామినేట్ చేయని అలంకరణ వస్తువులు ఉపయోగించాలి.
  
 మేకప్: చాలా సహజంగా ఉండాలి. మేకప్ మీరు ధరించిన డ్రెస్‌ను అధిగమించేలా అస్సలు ఉండకూడదు.
 ప్రింట్లు:  పెద్ద పెద్దవి, అస్సలు ప్రింట్లు లేని పలాజోలు, కెప్రీస్, సిగరెట్, పెన్సిల్ ప్యాంట్స్ ఎంచుకోవాలి. మంచి రంగు గల లైట్ షేడ్స్ ప్యాంట్స్ ఎప్పుడూ బెస్ట్.  
  - విదిష, ఫ్యాషన్ డిజైనర్
  
  


 ఎవరు వేసుకున్నా కుర్రగా కనిపిస్తారు కాబట్టి కుర్రర్రర్రర్రర్రతా.. అన్నారేమో! అది కాస్తా కాలక్రమేణా‘కుర్తా’ అయి ఉంటుంది. అమ్మాయిల నుంచి అమ్మమ్మల వరకు అందరికీ నచ్చడమే కాదు కుర్తా ఎంచక్కా నప్పుతుంది కూడా! లెగ్గింగ్, జెగ్గింగ్, జీన్స్, చుడీ, పటియాల...  ఏ బాటమ్ అయినా నప్పే ఒక్క కుర్తా ఉంటే చాలు. ధర కూడా అందరికీ అందుబాటులో ఉండటం ఈ కుర్తా కున్న మరో విశేషం. సౌకర్యంగా, సింపుల్‌గా, స్టైల్‌గా, గ్రాండ్‌గా... అన్నీ ఒక్క కుర్తాతో సరిపెట్టేయచ్చు. అయితే, కుర్తా ఒకటే తరహాకు చెందినదైనా శరీరాకృతి మాత్రం ఒక్కొక్కరిది ఒక్కోలా ఉంటుంది. అందంగా, హుందాగా, కుర్రర్రర్రర్రర్రగా కనిిపించాలంటే శరీరాకృతికి తగ్గ కుర్తానే ఎంచుకోవాలి.
  
  
 ఛాతి భాగం, నడము భాగం ఒకే పరిమాణంలో ఉండి, నడుము  సన్నగా ఉండేవారు ఈ పరిధిలోకి వస్తారు.శరీరానికిఅంటిపెట్టుకున్నట్టుగా ఉండే మంచి ఫిటింగ్ కుర్తా ఈ షేప్ వారికి నప్పుతుందిఅన్ని రకాల నెక్‌లైన్స్ వీరికి నప్పుతాయి స్ట్రెయిట్, బూట్‌కట్ బాటమ్స్ సరైన ఎంపిక  నడుము కింది భాగం కొద్దిగా వదులుగా ఉండే కుర్తాను ఎంచుకోవాలి. వీటికి దూరం...  మరీ వదులుగా, మరీ ఫిట్‌గా కుర్తా ఉండకూడదు  ప్యాట్రన్స్ ఎక్కువున్న కుర్తా ధరిస్తే లావుగా కనిపించే అవకాశం ఉంది.
  
  ‘ఎ’ షేప్
 భుజాలు, ఛాతి పరిమాణం తక్కువగా, పిరుదుల భాగం విశాలంగా ఉండే వారు ఈ కోవకు చెందుతారు. మన దేశంలో చాలామందిది ఇదే ఆకృతి. లేత రంగు కుర్తీ ధరిస్తే, ముదురు రంగు పటియాల లేదా లెగ్గింగ్‌తో కింది భాగాన్ని కవర్ చేయాలి బాగా కుచ్చులుగా ఉన్న కుర్తా/ అనార్కలీ కుర్తా వీరికి బాగా నప్పుతుంది  కుర్తా కాలర్ బోట్‌నెక్ లేదా స్కేయర్‌నెక్ అయితే బాగుంటుంది ప్రింట్లు, పోల్కా డాట్స్, చారలు ఉన్న కుర్తీలు బెస్ట్  పొడవాటి కుర్తాలు బాగా నప్పుతాయి.వీటికి దూరం...  శరీరానికి అతుక్కుపోయే ఫ్యాబ్రిక్స్  బిగుతుగా ఉండే బాటమ్స్.
  
  యాపిల్
  శరీరాకృతి యాపిల్ షేప్‌లో ఉంటే లావుగా కనిపిస్తారు. అందుకని వీరు...  ముదురు రంగులు ఎంచుకోవాలి  కాటన్, సిల్క్ రెండింటి కలయికతో రూపొందిన ఫ్యాబ్రిక్ నప్పుతుంది  నెక్‌లైన్ -’గ’ షేప్ ఉండేలా చూసుకోవాలి  ఎంబ్రాయిడరీ అంటే ఇష్టం ఉంటే భుజాల దగ్గర వర్క్ ఉన్నవి ఎంచుకోవాలి  కఫ్ స్లీవ్స్ (కుర్తా చేతుల చివరి భాగం మడతపెట్టినట్టుగా ఉండేవి) వీరికి బాగుంటాయి.
  వీటికి దూరం...  షేప్ లేనివి, ఫిటింగ్ వదులుగా ఉన్న కుర్తా  పొట్ట భాగంలో వదులుగా ఉన్న కుర్తా.
   మెడ కనిపించకుండా ఉండే యోక్డ్ స్టైల్ నెక్స్.
  
  త్రికోణం
  పై భాగం వెడల్పుగా, కింది భాగం సన్నగా కోన్ షేప్‌లో ఉన్నవారు ఈ పరిధిలోకి వస్తారు. కుర్తీని ఎంచుకునేటప్పుడు చేతుల క్లాత్ మృదువుగా ఉండేది ఎంచుకోవాలి. అప్పుడు పై భాగం ఎక్కువ కనిపించదు.కాలర్ లేనివి, ’్ఖ, గ’ నెక్‌లైన్స్ ఎంచుకోవాలి. నడుము కింది భాగం కుచ్చులుగా ఉండేదైతే బాగుంటుంది.
  
 వీటికి దూరం...
 నెక్ లైన్స్ మరీ పెద్దగా ఉండకూడదు.అలాగే కాలర్ దగ్గర ఎక్కువ వర్క్, ప్యాట్రన్స్ ఉండకూడదు.
  
  నలుచదరం
 డీప్ నెక్‌తో కింది భాగం విశాలంగా ఉన్న కుర్తాలు.
 కుర్తా పైన బెల్ట్ ధరిస్తే నడుము కింది భాగం విశాలంగా కనపడుతుంది.
 అనార్కలీ స్టైల్ లేదా ఎక్కువ ఫ్యాబ్రిక్‌తో డిజైన్ చేసిన కుర్తా బాగుంటుంది.
 లెగ్గింగ్స్, చుడీ.. వంటివి బాటమ్స్‌గా వీరికి బాగుంటాయి.
  
 వీటికి దూరం...
 {స్టెయిట్ కట్, బిగుతుగా ఉండే కుర్తాలు. మరీ వదులుగా ఉండేవి.