ఎంట్రీకి సిద్ధమవుతున్న స్టార్‌ వారసురాలు!

 

ఈ నేపథ్యంలో బోనీ కపూర్‌ ‘డీఎన్‌ఏ’  దినపత్రికతో మాట్లాడుతూ కూతురు జాన్వీ బాలీవుడ్‌ ఎంట్రీపై క్లారిటీ ఇచ్చారు. కరణ్‌ జోహార్‌ తెరకెక్కించే ప్రాజెక్టుతో ఆమె బాలీవుడ్‌కు పరిచయం కానుందని వెల్లడించారు. అయితే.. ఈ ప్రాజెక్ట్‌ ఇంకా ఫైనలైజ్‌ కాలేదట. ‘ అవును, జాన్వీ ఎంట్రీ సినిమా గురించి కరణ్‌ మాతో మాట్లాడారు. మేం అనుమతి ఇచ్చాం. అయితే ఏ సినిమా అనేది ఇంకా కన్ఫర్మ్‌ కాలేదు. కరణ్‌ ఇటీవల ‘సైరత్‌’ రీమేక్‌ హక్కులు తీసుకున్నారు.

కాబట్టి ఈ సినిమాతోనే జాన్వీ లాంచ్‌ కావొచ్చునని భావిస్తున్నారు’ అని బోనీ చెప్పారు. జాన్వీ సినిమా ఎంట్రీ గురించి బోనీ అఫీషియల్‌గా చెప్పడం ఇదే తొలిసారి. చాలాకాలంగా ఝాన్వీ ఎంట్రీ గురించి రకరకాల కథనాలు వస్తున్న సంగతి తెలిసిందే. మహేశ్‌బాబు-మురుగదాస్‌ సినిమా కోసం కూడా జాన్వీని అడిగినట్టు కథనాలు వచ్చాయి. కాగా, ‘సైరత్‌’ హిందీ రీమేక్‌తోనే జాన్వీ ఎంట్రీ ఇచ్చే అవకాశముందని టైమ్స్‌ ఆఫ్‌ ఇండియా పేర్కొంది.