అరుదైన స్ట్రాబెర్రి బంగారు రంగు చిరుత!

Rare Strawberry Leopard Pics Goes Viral On Facebook - Sakshi

చిరుత పులి పేరు వినగానే మనకు తెలుపు, నలుపు, గోధుమ రంగు వర్ణంలో ఉంటుందని తెలుసు. మన ఊహే కాదు.... వాస్తవంగా కూడా చిరుత పులి అలాగే వుంటుంది కదా అనుకుంటున్నారా? అయితే ఫేస్‌బుక్‌లో వైరల్‌గా మారిన ఈ చిరుత ఫోటోలు చూసేయండి మరి. స్ట్రాబెర్రి పండు చారలతో బంగారు వర్ణంలో ఉన్న అరుదైన ఈ చిరుత  పేరు స్ట్రాబెర్రి లిమోపార్డ్‌ లేదా ఎరిథ్రిస్ట్రక్‌. ఇది ప్రపంచంలోనే అరుదైన రంగు చిరుత. దక్షిణాఫ్రికాకు చెందిన అలాన్‌ వాట్సాన్‌ అతని భార్య లిన్సే,బ్లాక్ లిపార్డ్ మౌంటైన్ లాడ్జ్  దీన్ని వారి కెమెరాలో బంధించి ఫేస్‌బుక్‌లో పోస్ట్‌ చేశారు. దీంతో ఈ చిరుత ఫోటోలు సోషల్‌ మీడియాలో వైరల్‌గా మారి దాదాపు 3 వేలకు పైగా కామెంట్లు, రెండు వేలకు పైగా షేర్‌లు వచ్చాయి. 

‘నాకు తెలిసినంత వరకు ప్రపంచంలోనే అరుదైన రంగు చిరుత’ అని వాట్సాన్‌ ఓ పత్రికతో తెలిపాడు. వివిధ జాతి పులులు అంతరించిపోతున్న సమయంలో ‘మేము నమ్మశక్యంగా లేని అరుదైన రంగు చిరుతను చూశామంటూ ఆ జంట ఫేస్‌ బుక్‌లో వారి అనుభవాన్ని పంచుకున్నారు. చనిపోయిన జిరాఫీ కళేబరాన్ని తింటున్న చిరుత ఫొటోలకు నెటిజన్లంతా ‘నేను ఇంతకు ముందు ఇలాంటి చిరుతను చూడలేదు’, ‘అద్భుతమైన ఫొటో ఇది.. దీనిని షేర్‌ చేసినందుకు ధన్యవాదాలు’, ‘ ఇలాంటి అరుదైన రంగు, జాతి జంతువులను సురక్షితంగా ఉంచండి’ అంటూ చిరుత పులి(ఎరిథ్రిస్ట్రక్) పోస్టుకు కామెంట్స్‌ పెడుతున్నారు.

Read latest International News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top