ఏ దేశమయితేనేం, ఆమె ఓ తల్లేనా!?

‘ఇంటి ముందు అరుగు మీద అమాయకంగా కూర్చున్న నాలుగేళ్ల పాప వద్దకు పంజాబీ కుర్తా, పైజామా ధరించి బలిష్టంగా ఉన్న తల్లి వచ్చి, అమాంతంగా ఆ పాప జుట్టు పట్టుకుని అరచేతితో వీపు మీద దబా దబా బాదడం, ఆ తర్వాత ఆ తల్లి కాసేపు దమ్ము పీల్చుకొని వద్దు, వద్దంటూ రెండు చేతులతో వేడుకుంటున్న ఆ పాపను నిర్దాక్షిణ్యంగా చెంప మీద లాగి కొట్టడం, కింద పడిపోయిన ఆ పాపను అలాగే జుట్టు పట్టుకొని వీపు మీద మళ్లీ కొట్టడం, కొట్టీ కొట్టీ చేతులు మంట పుట్టాయి కాబోలు... పక్కన గోడ మీదున్న స్లిప్పరు తీసుకొచ్చి మళ్లీ ఆ పాప జుట్టు పట్టుకొని వీపులో దబా దబా బాదడం’ దృశ్యాలను వీడియోలో చూసిన నెటిజన్లు నిజంగా కన్నీరు మున్నీరవుతున్నారు.