నల్లగొండ నుంచి ఎమ్మెల్యేగా పోటీ చెయ్‌..

Minister Komatireddy Venkat Reddy Challenge To KTR - Sakshi

కేటీఆర్‌కు మంత్రి కోమటిరెడ్డి వెంకట్‌రెడ్డి సవాల్‌

తాను సిరిసిల్ల నుంచి పోటీచేస్తానని ప్రకటన

ఓడిపోతే బీఆర్‌ఎస్‌ను మూసివేస్తారా అని ప్రశ్న

తాను ఓడిపోతే రాజకీయాల నుంచి తప్పుకుంటానని స్పష్టీకరణ

సాక్షి, హైదరాబాద్‌: సిరిసిల్ల ఎమ్మెల్యే పదవికి కేటీ ఆర్‌ రాజీనామా చేసి నల్లగొండ స్థానం నుంచి ఎమ్మెల్యేగా పోటీ చేయాలని మంత్రి కోమటిరెడ్డి వెంకట్‌రెడ్డి సవాల్‌ విసిరారు. తాను సైతం నల్ల గొండ ఎమ్మెల్యే పదవికి రాజీనామా చేసి సిరిసిల్ల నుంచి ఎమ్మెల్యేగా పోటీ చేస్తానని ప్రకటించారు. నల్లగొండలో కేటీఆర్‌ ఓటమి ఖాయమని, ఇక కారు షెడ్డు మూసుకోక తప్పదన్నారు.

కేటీఆర్‌ ఓడిపోతే బీఆర్‌ఎస్‌ పార్టీని మూసివేస్తాం అని కేసీఆర్‌ ప్రకట న చేస్తారా? అని సవాల్‌ విసిరారు. తాను సిరిసి ల్లలో ఓడిపోతే రాజకీయాల నుంచి తప్పుకుంటాన ని స్పష్టం చేశారు. మంత్రులు ఉత్తమ్‌కుమార్‌ రెడ్డి, పొన్నం ప్రభాకర్‌తో కలిసి శుక్రవారం సచివాల యంలో మీడియాతో మంత్రి కోమటిరెడ్డి మాట్లా డారు. కేటీఆర్‌కు క్యారెక్టర్‌ లేదని కానీ రూ. లక్షల కోట్లు ఉన్నాయని, తనకు క్యారెక్టర్‌ ఉందని కానీ డబ్బులు లేవన్నారు. కేటీఆర్‌ సిరిసిల్లలో రూ.200 కోట్లు ఖర్చు చేసి 30 వేల ఓట్లతో గెలిచాడని, తానై తే అలా గెలిస్తే రాజీనామా చేసేవాడినన్నారు. 

మాకు ప్రత్యర్థి బీజేపీనే...
లోక్‌సభ ఎన్నికల్లో మాకు ప్రత్యర్థి బీఆర్‌ఎస్‌ కాదని, బీజేపీనే అని  మంత్రులు ఉత్తమ్, కోమటిరెడ్డి స్పష్టం చేశారు. బీఆర్‌ఎస్‌ పోటీలో లేదని, బీజేపీకి రెండు, మూడు సీట్లు వస్తాయో లేదో తెలియదన్నా రు. బీజేపీ ఎంపీ డి.అర్వింద్‌ను ప్రజలు ఎప్పు డో మరిచిపోయారని కోమటిరెడ్డి చెప్పారు.  రాజకీ యాల వల్ల ఆస్తులు పోగొట్టుకున్నామని, తనతో పాటు ఉత్తమ్‌ ఆస్తులు తగ్గాయన్నారు. తన పేరు మీద ఆస్తులుంటే అర్వింద్‌కు ఇచ్చేస్తానని చెప్పారు. లోక్‌సభ ఎన్నికల్లో నల్లగొండ, భువనగిరిలలో ఎక్కడి నుంచైనా పోటీ చేయాలని రాహుల్‌ గాంధీకి ప్రతిపాదించామని తెలిపారు.

whatsapp channel

Read latest Politics News and Telugu News | Follow us on FaceBook, Twitter, Telegram


 

Read also in:
Back to Top