‘ఉబర్‌’ రైడ్‌కు కోట్లలో బిల్లు..! షాక్‌ అయిన కస్టమర్‌ | Uber Auto Ride Custormer Got 7.66 Crore Bill, Netizens Reactions Goes Viral - Sakshi
Sakshi News home page

‘ఉబర్‌’ రైడ్‌ బిల్లు కోట్లలో..! షాక్‌ అయిన కస్టమర్‌

Published Sun, Mar 31 2024 4:06 PM

Uber Auto Ride Custormer Got 7.66 Crore Bill - Sakshi

న్యూఢిల్లీ: దేశ రాజధాని ఢిల్లీ సమీపంలోని నోయిడాలో దీపక్‌ తెంగురియా అనే వ్యక్తి రొటీన్‌గా తాను వెళ్లే రూట్‌లో ఉబర్‌ ఆటో రైడ్‌ బుక్‌ చేశాడు. రైడ్‌ తక్కువ దూరమే  అయినందున రూ.62 బిల్లు చూపించింది. మామూలే కదా అని ఆటో ఎక్కి డెస్టినేషన్‌లో దిగి బిల్లు పే చేద్దామనుకునే సరికి దీపక్‌ అవాక్కయ్యాడు. ఏకంగా రూ.7.66 కోట్లు పే చేయాలని బిల్లు చూపించింది.

దీంతో ఆశ్చర్యపోవడం దీపక్‌ వంతైంది. దీపక్‌కు ఇంత భారీ బిల్లు రావడానికి సంబంధించిన వీడియోను ఆయన స్నేహితుడు ఆశిష్‌ ఎక్స్‌(ట్విటర్‌)లో షేర్‌ చేశాడు. దీనిపై వీడియోలో స్నేహితులిద్దరి మధ్య ఆసక్తికర సంభాషణ జరిగింది. చంద్రయాన్‌కు రైడ్‌ బుక్‌ చేసుకున్నా ఇంత బిల్లు రాదని ఇద్దరు స్నేహితులు జోకులు వేసుకున్నారు.

అయితే అతి తక్కువ దూరం ఆటో రైడ్‌కు కోట్లలో బిల్లు రావడంపై ఉబర్‌ స్పందించింది. ‘భారీ బిల్లు ఇచ్చి ఇబ్బంది పెట్టినందుకు క్షమాపణలు. మాకు కొంత సమయమిస్తే దీనిపై అప్‌డేట్‌ ఇస్తాం’అని ఉబర్‌ సందేశం పంపింది.

ఇదీ చదవండి.. వీల్‌ చైర్‌లో వచ్చాడు.. విల్‌ పవర్‌ చూపాడు 

Advertisement
 
Advertisement