TV
కోల్‌కతా: ఉత్తర కోల్‌కతాలోని ప్రసిద్ధ చోర్‌బాగన్ దుర్గాపూజా మండపం వద్ద శనివారం (అక్టోబర్ 17) రాత్రి పెను విషాదం చోటుచేసుకుంది. భారీ వర్షం కురుస్తున్న సమయంలో మండపం లోపలికి వచ్చే ఎంట్రీ, బయటకు వెళ్లే ఎగ్జిట్ మార్గాల్లో ఒకేసారి తీవ్ర రద్దీ ఏర్పడి, ఒక్కసారిగా తొక్కిసలాట చోటుచేసుకుంది. ఈ దుర్ఘటనలో ఇప్పటివరకూ 19 మంది మృతి చెందగా, మరో 25 మంది తీవ్రంగా గాయపడ్డారు. ప్రాణాలు కోల్పోయిన వారిలో అత్యధికులు మహిళలు, చిన్నారులే ఉన్నారు.
The Prime Minister has announced an ex-gratia of Rs. 2 lakh from PMNRF would be given to the next of kin of each of those who lost their lives. The injured would be given Rs. 50,000.
— PMO India (@PMOIndia) October 17, 2026
ఈ ఘోర ప్రమాదం జరిగిన వెంటనే క్షతగాత్రులను కోల్‌కతా మెడికల్ కాలేజ్ అండ్ హాస్పిటల్‌కు తరలించారు. ఆసుపత్రికి హుటాహుటిన చేరుకున్న పశ్చిమ బెంగాల్ ముఖ్యమంత్రి సువేందు అధికారి బాధితులను పరామర్శించారు. మృతుల కుటుంబాలకు రూ. 25 లక్షల చొప్పున ఎక్స్‌గ్రేషియాతో పాటు కుటుంబంలో ఒకరికి గ్రూప్-డి ప్రభుత్వ ఉద్యోగం కల్పిస్తామని సీఎం ప్రకటించారు. అలాగే బాధితుల కోసం మెడికల్ కాలేజీలో ప్రాథమిక అత్యవసర సదుపాయాలు సరిగ్గా లేకపోవడంతో క్షతగాత్రులను ప్రైవేట్ ఆసుపత్రులకు రెఫర్ చేయాల్సి వస్తోందని అక్కడి ఇంటర్న్ వైద్యులు తెలిపారు. కాగా, ఈ ఘటనపై పశ్చిమ బెంగాల్ ప్రభుత్వం, కోల్‌కతా పోలీసులు ప్రజల సహాయార్థం 8003455678, 03322141310 హెల్ప్‌లైన్ నంబర్లను విడుదల చేశారు.
VIDEO | Kolkata puja pandal stampede: "Congestion at entry and exit routes in pandal amid rainfall led to stampede", says West Bengal Minister Sharadwat Mukhopadhyay. (Full video available on PTI Videos - https://t.co/d8jp61yd2p) https://t.co/JHtwsYeHxY
— Press Trust of India (@PTI_News) October 18, 2026
ఈ విషాదంపై భారత ప్రధానమంత్రి నరేంద్ర మోదీ తీవ్ర దిగ్భ్రాంతి వ్యక్తం చేస్తూ, ఇది అత్యంత బాధాకరమైన ఘటనగా పేర్కొన్నారు. ప్రధానమంత్రి జాతీయ సహాయ నిధి నుంచి మృతుల కుటుంబాలకు రూ. 2 లక్షల చొప్పున, క్షతగాత్రులకు రూ. 50 వేల చొప్పున ఆర్థిక సహాయాన్ని ప్రకటించారు. బాధితులకు స్థానిక యంత్రాంగం అన్ని విధాలా అండగా నిలుస్తోందని వెల్లడించారు. అలాగే బీజేపీ నాయకురాలు లాకెట్ ఛటర్జీ మృతుల కుటుంబ సభ్యులను కలిసి పరామర్శించారు.
ఈ తొక్కిసలాటకు ప్రధాన కారణాలపై బెంగాల్ మంత్రి శరద్వత్ ముఖోపాధ్యాయ మాట్లాడుతూ, భారీ వర్షం కురుస్తున్న సమయంలో పండల్‌లోకి వచ్చే, వెళ్లే మార్గాల్లో తీవ్రమైన ట్రాఫిక్/రద్దీ ఏర్పడటమే ఈ ఘోరానికి దారితీసిందని పేర్కొన్నారు. మరోవైపు ప్రత్యక్ష సాక్షులు మాత్రం గుంపుల నియంత్రణలో తీవ్రమైన వైఫల్యాలు ఉన్నాయని ఆరోపించారు. రద్దీ ఎక్కువగా ఉండే సమయాల్లో ఎంట్రీ, ఎగ్జిట్ రూట్లు, జనం కదలికలపై మైకుల్లో సరైన అనౌన్స్‌మెంట్లు లేకపోవడంతో భక్తులు తీవ్ర గందరగోళానికి గురయ్యారని తెలిపారు. అలాగే పండల్ వద్ద పోలీసుల మోహరింపు చాలా తక్కువగా ఉందని, సిబ్బందిని కేవలం వీఐపీ ప్రవేశ ద్వారాల వద్దే ఎక్కువగా ఉంచారని స్థానికురాలు సంఘమిత్ర భౌమిక్ ఆరోపించారు.
మండపం నిర్మాణం సైతం చాలా ఇరుగ్గా ఉండటంతో తొక్కిసలాట సమయంలో జనం బయటపడలేక ఇరుక్కుపోయారు. ఈ ఘటనపై తీవ్ర ఆగ్రహం వ్యక్తం చేసిన ముఖ్యమంత్రి సువేందు అధికారి, విధుల నిర్వహణలో నిర్లక్ష్యం వహించిన వారిపై కఠిన చర్యలు తీసుకుంటామని హెచ్చరించారు. దాంతో రంగంలోకి దిగిన కోల్‌కతా పోలీసులు చోర్‌బాగన్ దుర్గాపూజ నిర్వాహకులు, వాలంటీర్లు, ఇతర బాధ్యులతో సహా మొత్తం 12 మందిని అదుపులోకి తీసుకుని విచారణ చేపట్టారు. ఈ దుర్ఘటన కారణంగా జరిగిన లోపాలపై చట్టప్రకారం కఠిన చర్యలు తీసుకుంటామని సీనియర్ పోలీస్ అధికారి వెల్లడించారు.
