హార్లే - హీరో సరికొత్త బైక్‌: త్వరలో..

మార్కెట్లో అప్డేటెడ్ బైకులు పెరుగుతున్న తరుణంలో.. కొత్త వెర్షన్స్‌ను పరిచయం చేసేందుకు అమెరికన్‌ బ్రాండ్‌ 'హార్లే డేవిడ్‌సన్‌'తో సహకారాన్ని విస్తరించినట్టు హీరో మోటోకార్ప్‌ (Hero MotoCorp) తెలిపింది.

హీరో మోటోకార్ప్‌ & హార్లే డేవిడ్‌సన్‌ మధ్య జరిగిన ఒప్పందంలో భాగంగానే.. కొత్త వెర్షన్ హార్లే డేవిడ్‌సన్‌ ఎక్స్‌440 (Harley Davidson X440) బైక్ రానుంది. ఈ రెండు కంపెనీల సహకారంతో తయారైన తొలి మోడల్‌ 'ఎక్స్‌ 440'. ఇది గతేడాది మార్కెట్లో అడుగుపెట్టింది. మంచి అమ్మకాలను కూడా పొందుతోంది.

హీరో మోటోకార్ప్‌.. హార్లే డేవిడ్‌సన్‌ మధ్య భాగస్వామ్యం 2020 అక్టోబరులో జరిగింది. ఆ తరువాత దేశంలో హార్లే డేవిడ్‌సన్‌ బ్రాండ్‌ ప్రీమియం మోటార్‌సైకిళ్లను అభివృద్ధి చేసి హీరో మోటోకార్ప్‌ విక్రయిస్తుంది. సర్వీస్, విడిభాగాల సరఫరా బాధ్యత కూడా హీరో మోటోకార్ప్‌ చేపట్టింది.