కరీబియన్‌ ప్రీమియర్‌ లీగ్‌ 2025లో గయానా అమెజాన్‌ వారియర్స్‌కు ప్రాతినిథ్యం వహిస్తున్న ఆర్సీబీ బ్యాటర్‌ రొమారియో షెపర్డ్‌ చెలరేగిపోయాడు. సెయింట్స్‌ లూసియా కింగ్స్‌తో జరిగిన మ్యాచ్‌లో 34 బంతుల్లో 7 భారీ సిక్సర్లు, 5 ఫోర్ల సాయంతో అజేయమైన 73 పరుగులు చేసి విధ్వంసం సృష్టించాడు. షెపర్డ్‌ ఆకాశమే హద్దుగా చెలరేగినా ఈ మ్యాచ్‌లో వారియర్స్‌ ఓడిపోవడం కొసమెరుపు.బీభత్సం సృష్టించిన షెపర్డ్‌అయితే ఈ మ్యాచ్‌లో షెపర్డ్‌ ఓ అద్భుతమైన ఫీట్‌ సాధించాడు. ఒకే బంతికి 3 సిక్సర్లు సహా 22 పరుగులు రాబట్టాడు. ఒషేన్‌ థామస్‌ వేసిన ఇన్నింగ్స్‌ 15వ ఓవర్‌ మూడో బంతికి ఇది జరిగింది. After 12.1 overs - 78/5.After 20 overs - 202/6.ITS ROMARIO SHEPHERD SHOW IN CPL - 73*(34) - 5 FOURS & 7 SIXES 🥶🔥 pic.twitter.com/UI71kIkzX6— Johns. (@CricCrazyJohns) August 27, 2025తొలుత నో బాల్‌ (ఒక పరుగు), ఆతర్వాత వైడ్‌ (మరో పరుగు), మళ్లీ నో బాల్‌ (1+6), మళ్లీ నో బాల్‌ (1+6), ఆతర్వాత మరో సిక్సర్‌.. ఇలా ఓ లీగల్‌ బంతిని ఐదు సార్లు బౌల్‌ చేయగా మొత్తంగా 22 పరగులు వచ్చాయి. అంతర్జాతీయ క్రికెట్‌తో పాటు ఐపీఎల్‌ ఆడిన అనుభవం ఉన్న ఒషేన్‌ థామస్‌ లాంటి బౌలర్‌ ఇంత చెత్తగా బౌలింగ్‌ చేయడం చూసి అందరూ ఆశ్చర్యపోయారు. మొత్తంగా ఆ ఓవర్‌లో అతడు 10 బంతులు వేసి 33 పరుగులిచ్చాడు.మ్యాచ్‌ విషయానికొస్తే.. షెపర్డ్‌ బీభత్సం​ ధాటికి తొలుత బ్యాటింగ్‌ చేసిన వారియర్స్‌ నిర్ణీత 20 ఓవర్లలో 6 వికెట్ల నష్టానికి 202 పరుగుల భారీ స్కోర్‌ చేసింది. 12.1 ఓవర్ల తర్వాత 78/5గా ఉన్న వారియర్స్‌ స్కోర్‌ షెపర్డ్‌ విధ్వంసం ధాటికి ఆతర్వాతి 47 బంతుల్లో ఏకంగా 124 పరుగులు చేసింది. షెపర్డ్‌కు ఇఫ్తికార్‌ అహ్మద్‌ (27 బంతుల్లో 33; ఫోర్‌, 3 సిక్సర్లు), ప్రిటోరియస్‌ (6 బంతుల్లో 18 నాటౌట్‌; 2 ఫోర్లు, సిక్స్‌) సహకరించారు. అంతకుముందు బెన్‌ మెక్‌డెర్మాట్‌ (18 బంతుల్లో 30; 3 ఫోర్లు, 2 సిక్సర్లు), షాయ్‌ హోప్‌ (27 బంతుల్లో 23; 2 ఫోర్లు) ఓ మోస్తరు స్కోర్లు చేశారు. వారియర్స్‌ ఇన్నింగ్స్‌లో కెవ్లన్‌ ఆండర్సన్‌ 5, మొయిన్‌ అలీ 0, షిమ్రోన్‌ హెట్‌మైర్‌ 3 పరుగులు చేసి నిరాశపరిచారు. లూసియా కింగ్స్‌ బౌలర్లలో గాస్టన్‌ 2, పియెర్రీ, డేవిడ్‌ వీస్‌, ఒషేన్‌ థామస్‌ తలో వికెట్‌ తీశారు.అనంతరం​ 203 పరుగుల లక్ష్య ఛేదనకు దిగిన లూసియా కింగ్స్‌.. ప్లేయర్‌ ఆఫ్‌ ద మ్యాచ్‌ అఖీమ్‌ అగస్టీ (35 బంతుల్లో 73; 6 ఫోర్లు, 4 సిక్సర్లు) చెలరేగడంతో మరో 11 బంతులు మిగిలుండగానే విజయతీరాలకు చేరింది. లూసియా కింగ్స్‌ గెలుపులో టిమ్‌ సీఫర్ట్‌ (24 బంతుల్లో 37), టిమ్‌ డేవిడ్‌ (15 బంతుల్లో 25) తలో చేయి వేశారు. జాన్సన్‌ ఛార్లెస్‌ (13), రోస్టన్‌ ఛేజ్‌ (12), ఆరోన్‌ జోన్స్‌ (16) తక్కువ స్కోర్లకే ఔటైనా లూసియా కింగ్స్‌ సునాయాసంగా విజయం సాధించింది. వారియర్స్‌ బౌలర్లలో గుడకేశ్‌ మోటీ (4-0-32-2) ఒక్కడే కింగ్స్‌ బ్యాటర్లను కంట్రోల్‌ చేయగలిగాడు.

బంగ్లాదేశ్‌ ప్రీమియర్‌ లీగ్‌ 2024-25లో వెస్టిండీస్‌ బౌలర్‌ ఒషేన్‌ థామస్‌ చెత్త ప్రదర్శన చేశాడు. ఈ లీగ్‌లో ఖుల్నా టైగర్స్‌కు ప్రాతినిథ్యం వహిస్తున్న థామస్‌.. చిట్టగాంగ్‌ కింగ్స్‌తో ఇవాళ (డిసెంబర్‌ 31) జరిగిన మ్యాచ్‌లో ఒక్క బంతికి ఏకంగా 15 పరుగులు సమర్పించుకున్నాడు. 15 runs off 1 ball! 😵‍💫Talk about an eventful way to start the innings! #BPLonFanCode pic.twitter.com/lTZcyVEBpd— FanCode (@FanCode) December 31, 2024ఛేదనలో ఇన్నింగ్స్‌ తొలి ఓవర్‌ వేసిన థామస్‌ వరుసగా N 0 N6 Wd Wd N4 0 0 N 2 W 0 పరుగులు సమర్పించుకున్నాడు. టీ20 క్రికెట్‌లో ఇదో చెత్త ప్రదర్శన. మొత్తంగా ఈ మ్యాచ్‌లో ఒకే ఓవర్‌ వేసిన థామస్‌ 18 పరుగులిచ్చి ఓ వికెట్‌ తీసుకున్నాడు. థామస్‌ ఓవర్‌లో 4 నో బాల్స్‌, 2 వైడ్లు ఉన్నాయి.మ్యాచ్‌ విషయానికొస్తే.. తొలుత బ్యాటింగ్‌ చేసిన ఖుల్నా టైగర్స్‌ నిర్ణీత 20 ఓవర్లలో 4 వికెట్ల నష్టానికి 203 పరగుల భారీ స్కోర్‌ చేసింది. బొసిస్టో (50 బంతుల్లో 75 నాటౌట్‌; 8 ఫోర్లు, 3 సిక్సర్లు), మహిదుల్‌ ఇస్లాం అంకోన్‌ (22 బంతుల్లో 59 నాటౌట్‌; ఫోర్‌, 6 సిక్సర్లు) మెరుపు అర్ద సెంచరీలతో రాణించారు. ఖుల్నా టైగర్స్‌ ఇన్నింగ్స్‌లో మొహమ్మద్‌ నయీమ్‌ 26, కెప్టెన్‌ మెహిది హసన్‌ మిరాజ్‌ 18, ఇబ్రహీం జద్రాన్‌ 6, అఫీఫ్‌ హొసేన్‌ 8 పరుగులు చేశారు. చిట్టగాంగ్‌ బౌలర్లలో అలిస్‌ అల్‌ ఇస్లాం, ఖలీద్‌ అహ్మద్‌ తలో రెండు వికెట్లు పడగొట్టారు.204 పరుగుల భారీ లక్ష్యాన్ని ఛేదించేందుకు బరిలోకి దిగిన చిట్టగాంగ్‌ 18.5 ఓవర్లలో 166 పరుగులకే ఆలౌటైంది. ఫలితంగా 37 పరుగుల తేడాతో ఓటమిపాలైంది. అబూ హైదర్‌ (3.5-0-44-4), మొహమ్మద్‌ నవాజ్‌ (3-0-13-2) చిట్టగాంగ్‌ టైగర్స్‌ను దెబ్బకొట్టారు. ఒషేన్‌ థామస్‌, హసన్‌ మహమూద్‌, నసుమ్‌ అహ్మద్‌, మెహిది హసన్‌ మిరాజ్‌ తలో వికెట్‌ పడగొట్టారు. చిట్టగాంగ్‌ ఇన్నింగ్స్‌లో షమీమ్‌ హొసేన్‌ (38 బంతుల్లో 78; 7 ఫోర్లు, 5 సిక్సర్లు) టాప్‌ స్కోరర్‌గా నిలిచాడు. షమీమ్‌ ఒంటరిగా పోరాడి తన జట్టును గెలిపించేందుకు విఫలయత్నం చేశాడు. షమీమ్‌ మినహా చిట్టగాంగ్‌ ఇన్నింగ్స్‌లో నయీమ్‌ ఇస్లాం (12), పర్వేజ్‌ హొసేన్‌ ఎమోన్‌ (13), ఉస్మాన్‌ ఖాన్‌ (18), ఖలీద్‌ అహ్మద్‌ (14) మాత్రమే రెండంకెల స్కోర్లు చేశారు.

న్యూఢిల్లీ: సెప్టెంబరు 19 నుంచి యూఏఈ వేదికగా ప్రారంభం కానున్న ఐపీఎల్ పార్ట్-2 నుంచి పలువురు ఆటగాళ్లు వివిధ కారణాలు చేత తప్పుకోవడంతో ఆయా ఫ్రాంచైజీలు వారి స్థానాలను భర్తీ చేసే పనిలో బిజీగా ఉన్నాయి. ఈ క్రమంలో ఇదివరకే చాలా జట్లు రిప్లేస్‌మెంట్‌ ఆటగాళ్లును ఎంపిక చేసుకున్నాయి. తాజాగా, రాజస్తాన్‌ రాయల్స్‌ జట్టు వ్యక్తిగత కారణాల చేత లీగ్‌కు దూరంగా ఉన్న జోస్‌ బట్లర్‌ స్థానాన్ని విండీస్‌ విధ్వంసకర యోధుడు ఎవిన్‌ లూయిస్‌తో భర్తీ చేయాలని నిర్ణయించింది. అలాగే గాయం కారణంగా లీగ్‌ నుంచి అర్ధంతరంగా వైదొలిగిన స్టార్‌ ఆల్‌రౌండర్‌ బెన్‌ స్టోక్స్‌ ప్లేస్‌ను విండీస్‌కే చెందిన ఒషేన్‌ థోమాస్‌తో రీప్లేస్‌ చేయనున్నట్లు ప్రకటించింది. గతంలో ఒషేన్‌ థోమాస్‌కు ఐపీఎల్‌లో ఇదే జట్టుకు 4 మ్యాచ్‌లు ఆడిన అనుభవం ఉంది.   ఇక ఎవిన్‌ లూయిస్‌ విషయానికొస్తే.. ఈ పవర్‌ హిట్టర్‌ గతంలో ముంబై ఇండియన్స్‌ జట్టుకు 16 మ్యాచ్‌ల్లో ప్రాతినిధ్యం వహించాడు. ముంబై తరఫున అతను 131 స్ట్రయిక్‌ రేట్‌తో 430 పరుగులు చేశాడు. ఇందులో 2 హాఫ్‌ సెంచరీలు కూడా ఉన్నాయి. కాగా, ఎవిన్‌ లూయిస్‌కు అంతర్జాతీయ టీ20ల్లో హార్డ్‌ హిట్టర్‌గా మంచి గుర్తింపు ఉంది. అతను విండీస్‌ తరఫున 45 మ్యాచ్‌ల్లో 158 స్ట్రయిక్‌ రేట్‌తో 1318 పరుగులు చేశాడు. ఇందులో 2 శతకాలు, 9 అర్ధ శతకాలు ఉన్నాయి. ఇదిలా ఉంటే, సంజూ సామ్సన్‌ నేతృత్వంలోని ఆర్‌ఆర్‌ జట్టు ఐపీఎల్‌ సెకెండ్‌ లెగ్‌లో తమ తొలి మ్యాచ్‌ను సెప్టెంబర్‌ 21న ఆడనుంది. ఈ మ్యాచ్‌లో ఆర్‌ఆర్‌.. పంజాబ్‌ కింగ్స్‌ను ఢీకొంటుంది. ప్రస్తుత సీజన్‌లో ఆర్‌ఆర్‌ జట్టు ఇప్పటివరకు ఆడిన 7 మ్యాచ్‌ల్లో 3 విజయాలు, 4 పరాజయాలతో పాయింట్ల పట్టికలో ఐదో స్థానంలో ఉంది.  చదవండి: ఒళ్లు దగ్గర పెట్టుకుని ఆడండి.. టీమిండియా దెబ్బ తిన్న పులిలా గర్జిస్తుంది

సెయింట్‌ లూసియా: వన్డే సిరీస్‌లో ఆఖరి దెబ్బతో వెస్టిండీస్‌ ఆదరగొట్టింది. బౌలింగ్‌లో ఒషాన్‌ థామస్‌ (5/21) ఇంగ్లండ్‌ ఇన్నింగ్స్‌ను కూల్చేస్తే... వెటరన్‌ ఓపెనర్‌ క్రిస్‌ గేల్‌ (27 బంతుల్లోనే 77; 5 ఫోర్లు, 9 సిక్సర్లు) మళ్లీ చెలరేగాడు. దీంతో ఐదో వన్డేలో మరో 37.5 ఓవర్లు మిగిలుండగానే విండీస్‌ 7 వికెట్ల తేడాతో ఆలవోక విజయం సాధించింది. ఈ సిరీస్‌ ఆసాంతం సిక్సర్ల సునామీ సృష్టించిన గేల్‌కు ‘మ్యాన్‌ ఆఫ్‌ ద సిరీస్‌’ లభించింది. అతను నాలుగే మ్యాచ్‌ల్లో (మూడోది రద్దయింది) 424 పరుగులు చేయడం విశేషం. 39 సిక్సర్లు బాదిన ఈ డాషింగ్‌ ఓపెనర్‌ 106 సగటు నమోదు చేయడం మరో విశేషం. క్రికెట్‌ చిత్రమంటే ఇదేనేమో! నాలుగు రోజుల క్రితమే ఇంగ్లండ్‌ 418 పరుగుల (నాలుగో వన్డేలో) భారీస్కోరు చేసింది. శనివారం రాత్రి జరిగిన ఆఖరి వన్డేలో మాత్రం 28.1 ఓవర్లలో 113 పరుగులకే ఆలౌటైంది. కేవలం 9వ వన్డే ఆడుతున్న 22 ఏళ్ల పేసర్‌ ఒషాన్‌ థామస్‌ ఇంగ్లండ్‌ను చావుదెబ్బ తీశాడు. క్రీజులో నిలబడనీయకుండా, ఖాతా తెరవకుండా తన పేస్‌ బౌలింగ్‌తో ఇంగ్లండ్‌ను కూల్చేశాడు. అతని ధాటికి స్పెషలిస్ట్‌ బ్యాట్స్‌మెన్‌ మోర్గాన్‌ (18), బట్లర్‌ (23), మొయిన్‌ అలీ (12) నిలువలేదు. టెయిలెండర్లు వోక్స్‌ (0), కరన్‌ (0) పరుగైనా చేయలేకపోయారు. తర్వాత స్వల్ప లక్ష్యఛేదనను గేల్‌ వాయు వేగంతో çపూర్తిచేశాడు. విండీస్‌ 12.1 ఓవర్లలోనే 3 వికెట్లు కోల్పోయి 115 పరుగులు చేసి గెలిచింది. 8వ ఓవర్లో జట్టు స్కోరు 93 పరుగుల వద్ద గేల్‌ నిష్క్రమించాడు. ఇందులో గేల్‌ చేసినవే 77 పరుగులు. మిగతా లాంఛనాన్ని బ్రేవో (7 నాటౌట్‌), హెట్‌మైర్‌ (11 నాటౌట్‌) పూర్తి చేశారు. ఐదు వన్డేల సిరీస్‌ 2–2తో సమమైంది. మూడు టి20ల సిరీస్‌లో భాగంగా తొలి మ్యాచ్‌ బుధవారం గ్రాస్‌ ఐలెట్‌లో జరుగుతుంది.

గువాహటి: టీమిండియాతో జరిగిన తొలి వన్డే ద్వారా అంతర్జాతీయ అరంగేట‍్రం చేసిన వెస్టిండీస్‌ పేసర్‌ ఓషేన్‌ థామస్‌ చెత్త రికార్డును మూటగట్టుకున్నాడు. ఆదివారం  భారత్‌తో జరిగిన మ్యాచ్‌ థామస్‌ 83 పరుగుల్ని సమర్పించుకున్నాడు. తొమ్మిది ఓవర్లపాటు బౌలింగ్‌ వేసిన వికెట్ మాత్రమే సాధించి 80కి పైగా పరుగులిచ్చాడు. ఫలితంగా వెస్టిండీస్‌ తరపున అరంగేట్రం మ్యాచ్‌లోనే అత్యధిక పరుగులు సమర్పించుకున్న జాబితాలో తొలి స్థానంలో నిలిచాడు. అంతకుముందు విలియమ్స్‌ అరంగేట్రం మ్యాచ్‌లోనే 69 పరుగులు సమర్పించుకోగా, థామస్‌ దాన్ని తిరగరాసి చెత్త గణాంకాలను నమోదు చేశాడు. భారత్‌ ఇన్నింగ్స్‌లో భాగంగా రెండో ఓవర్‌లోనే శిఖర్‌ ధావన్‌ను బౌల్డ్‌ చేసిన థామస్‌.. ఆపై ఏ మాత్రం ఆకట్టుకోలేకపోయాడు. రోహిత్‌-కోహ్లిల జోరుకు భారీగా పరుగులు సమర్పించుకుని వికెట్‌ తీసిన ఆనందాన్ని ఎక్కువసేపు నిలుపుకోలేకపోయాడు. ఈ మ్యాచ్‌లో భారత్‌ ఎనిమిది వికెట్ల తేడాతో విజయం సాధించిన సంగతి తెలిసిందే. విండీస్‌ నిర్దేశించిన 323 పరుగుల లక్ష్యాన్ని భారత్‌ 42.1 ఓవర్లలోనే రెండు వికెట్లు కోల్పోయి ఛేదించింది. విరాట్‌ కోహ్లి (140), రోహిత్‌ శర్మ(152 నాటౌట్‌)లు భారీ ఇన్నింగ్స్‌లు ఆడి జట్టుకు ఘన విజయాన్ని అందించారు. మహ్మద్‌ షమీ చెత్త రికార్డు