భారీ నష్టాలనే అంచనావేసిన శాంసంగ్

 

ఆపిల్ ఇంక్ తాజా ఐఫోన్లకు పోటీగా ముందుగానే గెలాక్సీ నోట్7 ఫోన్లను శాంసంగ్ లాంచ్ చేసింది. ఆవిష్కరణ అయిన కొద్ది రోజుల్లోనే విపరీతంగా అమ్ముడుపోయిన గెలాక్సీ నోట్ 7 ఫోన్లు, రెండు నెలలు తిరక్కుండానే తీవ్ర ఇరకాటంలో కూరుకుపోయాయి. పేలుళ్ల ప్రభావంతో అత్యంత ప్రమాదకరమైన ఫోన్గా పేరు తెచ్చుకున్నాయి. కోల్పోతున్న రెవెన్యూలను కాపాడుకోవడానికి గెలాక్సీ ఎస్7, ఎస్7 ఎడ్జ్ వంటి ఫోన్ల అమ్మకాలపై శాంసంగ్ దృష్టిసారించనుంది. నాణ్యత హామీ ప్రక్రియల్లో కూడా మార్పులు చేయనున్నట్టు తెలుస్తోంది. నోట్7 అమ్మకాలను, ఉత్పత్తిని ఆపివేయడంతో కంపెనీ షేర్లు అంతర్జాతీయంగా 8 శాతం మేర క్షీణించాయి.