అమెరికాలో గని ప్రమాదం.. ఇద్దరి మృతి

అమెరికాలోని కొలరాడో రాష్ట్రంలో జరిగిన గని ప్రమాదంలో ఇద్దరు కార్మికులు మరణించగా, 20 మంది గాయపడ్డారు. ప్రమాదం జరిగే సమయానికి కార్మికులంతా భూగర్భంలో ఉన్నట్లు ఔరే కౌంటీ ప్రతినిధి మార్టి విట్మోర్ తెలిపారు. ఇప్పటివరకు ఈ ప్రమాదం విషయంలో వస్తున్నవన్నీ ఊహాగానాలే తప్ప ప్రమాదం ఎలా జరిగింది, దానికి కారణం ఏంటన్నది ఇంతవరకు తెలియలేదన్నారు.

మొత్తం కార్మికులంతా ఆ సమయానికి ప్రమాదస్థలంలోనే ఉన్నారని యాజమాన్యం చెప్పిందన్నారు. క్షతగాత్రులలో 20 మందిని ఆస్పత్రులకు తీసుకెళ్లారు. ఇద్దరు తప్ప అందరికీ చికిత్సలు చేసి ఇళ్లకు పంపేసినట్లు ఆమె చెప్పారు. ఏదో పొగ రావడం వల్ల ఈ ప్రమాదం సంభవించినట్లు తెలుస్తోందని స్టార్ మైన్ ఆపరేషన్స్ ప్రాజెక్ట్ మేనేజర్ రోరీ విలియమ్స్ తెలిపారు. పొగలో రసాయనాలు కూడా ఉండటం వల్ల కార్మికులు గాయపడ్డారు.