మహిళ స్నానం చేస్తుండగా వీడియో చిత్రీకరణ

మహిళ స్నానం చేస్తుండగా వీడియో చిత్రీకరణ

హైదరాబాద్: బాత్‌రూమ్‌లో స్నానం చేస్తున్న మహిళను వీడియో తీసిన ప్రబుద్ధుడ్ని బంజారాహిల్స్ పోలీసులు అరెస్టు చేసి రిమాండ్‌కు తరలించారు. ఎస్‌ఐ రవికుమార్ కథనం ప్రకారం... బంజారాహిల్స్ రోడ్ నెం.12లోని సయ్యద్‌నగర్‌లో నివసించే రవూఫ్ (31) ఎలక్ట్రీషియన్.  మంగళవారం అతను బంజారాహిల్స్ రోడ్ నెం.12లోని ఓ  అపార్ట్‌మెంట్‌లో పని చేసేందుకు వెళ్లాడు.

పని చేస్తూ అదే అపార్ట్‌మెంట్‌లోని బాత్‌రూంలో స్నానం చేస్తున్న మహిళ (24)ను దొంగచాటుగా తన సెల్‌ఫోన్‌లో వీడియో చిత్రీకరిస్తున్నాడు. అప్పుడే బయట నుంచి వచ్చిన మరో మహిళ ఈ విషయం గమనించి చుట్టపక్కల వారిని అప్రమత్తం చేయగా రవూఫ్ అక్కడి నుంచి పరారయ్యాడు. బాధితురాలి ఫిర్యాదుతో పోలీసులు గాలింపు చేపట్టి నిందితున్ని బుధవారం అరెస్టు చేశారు.  నిర్భయ చట్టం కింద కేసు నమోదు చేసి రిమాండ్‌కు తరలించారు.