శాంసంగ్‌ గెలాక్సీ ఫోన్ల ధరలు తగ్గాయి

దక్షిణ కొరియా స్మార్ట్‌ఫోన్ల దిగ్గజం శాంసంగ్‌, తన గెలాక్సీ స్మార్ట్‌ఫోన్‌ ధరలను తగ్గించింది. గెలాక్సీ ఏ7(2017), గెలాక్సీ ఏ5(2017) ధరలను భారత్‌లో శాశ్వతంగా తగ్గిస్తున్నట్టు శాంసంగ్‌ పేర్కొంది. ఏ-సిరీస్‌ స్మార్ట్‌ఫోన్‌ ధరలను శాంసంగ్‌ శుక్రవారం సవరించింది. ఈ సవరణలో శాంసంగ్‌ గెలాక్సీ ఏ5(2017) స్మార్ట్‌ఫోన్‌ ధర 26,900 రూపాయల నుంచి 22,900 రూపాయలకు తగ్గింది. ఇకనుంచి శాంసంగ్‌ ఏ7(2017) స్మార్ట్‌ఫోన్‌ను 25,900 రూపాయలకే విక్రయించనున్నట్టు తెలిపింది. దీని అసలు ధర 30,900 రూపాయలు. రాబోతున్న పండుగ సీజన్‌ను టార్గెట్‌గా తీసుకుని ఈ మేరకు ధరలు తగ్గించినట్టు కంపెనీ తెలిపింది.