మళ్లీ ఆస్పత్రిలో చేరిన సోనియా

న్యూఢిల్లీ: అనారోగ్యం, భుజానికి గాయం కారణంగా కొన్ని రోజులపాటు చికిత్స చేయించుకొని డిశ్చార్జి అయిన కాంగ్రెస్ అధ్యక్షురాలు సోనియా గాంధీ తిరిగి ఆస్పత్రిలో చేరారు. ఆమె మళ్లీ  గురువారం ఢిల్లీలోని సర్ గంగారాం ఆస్పత్రిలో చేరారని పార్టీ వర్గాలు తెలిపాయి. భుజానికి ఆపరేషన్ అనంతరం వేసిన కుట్లను తొలగించుకోవడానికి ఆస్పత్రికి వెళ్లారని చెప్పాయి.

డిశ్చార్జి అయ్యే సమయంలో సోనియా బాగా నీరసంగా ఉండడంతో మరోసారి పరీక్షలు చేయించుకోవడానికి రావాలని డాక్టర్లు ఆమెకు సూచించారు. మరో రెండు రోజులపాటు సోనియా ఆస్పత్రిలోనే ఉంటారు. ఉత్తరప్రదేశ్ నగరం వారణాసిలో ఈ నెల మూడు రోడ్‌షోలో పాల్గొనేందుకు వెళ్లినప్పుడు సోనియా గాంధీ అస్వస్థతకు గురయ్యారు.