డాక్టర్ దగ్గర రూ. 10 లక్షల కొత్త నోట్లు!

పెద్దనోట్ల రద్దు తర్వాత దేశమంతా ఒకవైపు నగదు లేక అల్లాడుతుంటే.. కోల్‌కతాలోని ఒక వైద్యుడి వద్ద ఏకంగా 10 లక్షల రూపాయల కొత్తనోట్లు దొరికాయి. దాంతోపాటు వివిధ దేశాలకు చెందిన రూ. 4 లక్షల విలువ చేసే కరెన్సీ కూడా దొరికింది. దీంతో అతడిపై ఫెమా, పీఎంఎల్ఏ చట్టాల కింద ఈడీ అధికారులు కేసులు పెట్టారు. దేశవ్యాప్తంగా కొత్త కరెన్సీ నోట్లకు తీవ్రంగా కొరత ఏర్పడటంతో ఈడీ అధికారులు దేశంలోని 40 ప్రాంతాల్లో సోదాలు చేశారు. ఎక్కడైనా అక్రమంగా పాత నోట్లను మార్చి కొత్తనోట్లు తీసుకుంటున్నారేమో చూశారు. ఇందుకోసం వివిధ నగరాల్లో ఎక్కడికక్కడ స్థానిక పోలీసులతో కలిసి బృందాలుగా ఏర్పడ్డారు.