TV
'సై రా' సునీల్..?
ఉంగరాల రాంబాబు సినిమాతో మరోసారి నిరాశపరిచిన హీరో సునీల్, ఇక క్యారెక్టర్ రోల్స్ లో నటించేందుకు రెడీ అని ప్రకటించేశాడు.
ఉంగరాల రాంబాబు సినిమాతో మరోసారి నిరాశపరిచిన హీరో సునీల్, ఇక క్యారెక్టర్ రోల్స్ లో నటించేందుకు రెడీ అని ప్రకటించేశాడు. త్వరలో కమెడియన్ గా రీ ఎంట్రీ ఇస్తానని తెలిపిన సునీల్ ఓ భారీ సినిమాతో హీరోగా ఎంట్రీ ఇచ్చేందుకు రెడీ అవుతున్నాడు. మెగాస్టార్ చిరంజీవి రీ ఎంట్రీ సినిమా 'ఖైదీ నంబర్ 150'లో నటించే అవకాశం మిస్ చేసుకున్న ఈ కామెడీ స్టార్ ఇప్పుడు చిరు 151వ సినిమా 'సై రా నరసింహారెడ్డి'లో నటించనున్నాడన్న ప్రచారం జరుగుతోంది.
అయితే పూర్తిగా సీరియస్ మోడ్ లో సాగే ఈ సినిమాలో సునీల్ ఏ తరహా పాత్రలో కనిపిస్తాడన్నది ఆసక్తికరంగా మారింది. ముందే చెప్పినట్టుగా కమెడియన్ రోల్ లో నటిస్తాడా..? లేక సీరియస్ పాత్రలోనే కనిపిస్తాడా చూడాలి. చిరంజీవితో పాటు అమితాబ్ బచ్చన్, జగపతి బాబు, విజయ్ సేతుపతి లాంటి హేమా హేమీలు నటిస్తున్న ఈ సినిమాకు సురేందర్ రెడ్డి దర్శకత్వం వహిస్తున్నాడు.
