నెక్ట్స్ సినిమాలో పూజా హెగ్డే..?

నెక్ట్స్ సినిమాలో పూజా హెగ్డే..?

అల్లుడు శీను లాంటి భారీ బడ్జెట్ సినిమాతో హీరోగా ఎంట్రీ ఇచ్చిన స్టార్ వారసుడు, బెల్లంకొండ సాయి శ్రీనివాస్.సాయి తొలి సినిమానే 40 కోట్లకు పైగా బడ్జెట్తో రూపొందించి రికార్డ్ సృష్టించాడు బెల్లంకొండ సురేష్. సమంత హీరోయిన్గా నటించటం, తమన్నా లాంటి స్టార్ హీరోయిన్తో స్పెషల్ సాంగ్ చేయించటంతో అల్లుడు శీను సినిమాపై మంచి హైప్ క్రియేట్ అయ్యింది. అయితే ఆ సినిమా ఆశించిన స్థాయిలో విజయం సాధించకపోవటంతో సాయి కెరీర్ ఊపందుకోలేదు.

తరువాత స్పీడున్నోడు సినిమాతో మరోసారి నిరాశపరిచిన బెల్లంకొండ సాయి శ్రీనివాస్.. ప్రస్తుతం స్టార్ డైరెక్టర్ బోయపాటి శ్రీను డైరెక్షన్లో నటిస్తున్నాడు. ఈ సినిమాలో స్టార్ హీరోయిన్ రకుల్ ప్రీత్ సింగ్ సాయి శ్రీనివాస్తో జోడి కడుతోంది. భారీ స్టార్ కాస్ట్తో రూపొందుతున్న ఈ సినిమా తరువాత శ్రీవాస్ దర్శకత్వంలో మరో సినిమాకు అంగీకరించాడు.ఈ సినిమాకు కూడా స్టార్ గ్లామర్ను యాడ్ చేసే పనిలో ఉన్నాడు బెల్లంకొండ సురేష్. అందుకే టాలీవుడ్లో క్రేజీ ప్రాజెక్ట్స్లో నటిస్తున్న పూజా హెగ్డేను ఈ సినిమాలో హీరోయిన్గా ఫైనల్ చేసేందుకు ప్రయత్నాలు ప్రారంభించాడు. పూజా ఓకే చెప్తే భారీ రెమ్యూనరేషన్ ఇచ్చేందుకు కూడా రెడీ అవుతున్నారు.