TV
సమంత వ్యాఖ్యలపై 'ప్రిన్స్' ఫ్యాన్స్ ఫైర్
సోషల్ నెట్ వర్కింగ్ సైట్లలో అందాల భామ సమంత చేసిన వ్యాఖ్యలపై ట్విట్ల యుద్ధం జరుగుతోంది. రి
సోషల్ నెట్వర్కింగ్ సైట్లలో అందాల భామ సమంత చేసిన వ్యాఖ్యలపై ట్విట్ల యుద్ధం జరుగుతోంది. ట్విట్టర్లో ఆమె ఇటీవల చేసిన వ్యాఖ్యలు ప్రకంపనలు సృష్టిస్తున్నాయి. హీరో మహేష్బాబు అభిమానులు, సమంత అభిమానులు పోటా పోటీగా ట్విట్లతో తమ అభిమానం చాటుకుంటున్నారు. అసలు విషయంలోకి వెళితే 'విడుదలకు సిద్ధమవుతున్న ఓ సినిమా పోస్టర్ ఈ మధ్య చూశాను. ఆ పోస్టర్లో హీరో, హీరోయిన్ని చూస్తుంటే మహిళల గౌరవాన్ని దిగజార్చేలా ఉంది' అంటూ ట్వీట్ చేసింది. అయితే ఆ పోస్టర్ ఏ సినిమా అనేది మాత్రం ఆమె ప్రస్తావించలేదు.
Saw a poster of a yet to be released Telugu film.Not only is it deeply regressive,but it's point is actually that it is deeply regressive
— Samantha Ruth Prabhu (@Samanthaprabhu2) December 16, 2013
మహేష్ బాబు తాజా చిత్రం ‘1-నేనొక్కడినే' (మహేష్ బాబు బీచ్లో నడుస్తుంటే హీరోయిన్ కృతి సనన్ అతని కాలి అడుగులను మోకాళ్లు, చేతులతో పాకుతూ అనుసరిస్తూ ఉండటం)పోస్టర్పైనే సమంత పరోక్షంగా విమర్శలు చేసిందంటూ ప్రిన్స్ అభిమానులు ఆగ్రహం వ్యక్తం చేశారు. మరోవైపు సమంతను సంఘీభావంగా హీరో సిద్ధార్ధ చేసిన ట్వీట్లు కూడా అభిమానులకు తీవ్ర ఆగ్రహం తెప్పించాయి.
సమంత, సిద్దార్థ గెట్ లాస్ట్ అంటూ వారిపై ట్వీట్ల వర్షం కురిపించారు. వారిద్దరూ చిత్ర పరిశ్రమ నుంచి వెళ్లిపోవాలంటూ ట్విట్ చేశారు. అంతే కాకుండా గతంలో సమంత నటించిన సినిమాల్లో మగవారిని కించపరుస్తూ ఉండే సన్నివేశాలను ఫోటోలతో సహా ఘాటు కామెంట్లతో పోస్ట్ చేశారు. సోషల్ నెట్వర్కింగ్ సైట్లలో కొందరు మహేష్ బాబును, మరికొందరు సమంతను సపోర్ట్ చేస్తున్నారు. చివరికి ఈ ట్విట్ల యుద్ధం ఎలా ముగుస్తుందో చూడాలి మరి.
