‘అ..ఆ..’ తరువాత ‘ఇ..ఈ..’

నైరా షా, నీర‌జ్ శ్యామ్ ప్ర‌ధాన పాత్ర‌ల‌లో నటిస్తున్న సినిమా ‘ఇ..ఈ..’. ప్రస్తుతం షూటింగ్‌ జరుపుకుంటున్న ఈ సినిమాకు రామ్‌ గణపతిరావు దర్శకుడు. లక్ష్మణరావు నిర్మాణంలో తెరకెక్కుతున్న ఈ సినిమా ఫస్ట్‌లుక్‌ పోస్టర్‌ను దర్శకుడు మారుతి తన సోషల్‌ మీడియా పేజ్‌లో రిలీజ్‌ చేశారు. కృష్ణ చేతన్‌ సంగీతమందించిన ఈ చిత్ర ఆడియోను త్వరలో రిలీజ్‌ ​చేసేందుకు ప్లాన్‌ చేస్తున్నారు. మాటల మాంత్రికుడు త్రివిక్రమ్‌ శ్రీనివాస్‌ దర్శకత్వంలో తెరకెక్కిన ‘అ..ఆ..’ లాగే ఈ ‘ఇ..ఈ..’ కూడా ఘనవిజయం సాధిస్తుందన్న నమ్మకంతో ఉన్నారు ఫ్యాన్స్‌.