TV
అప్పారావుకు ఆర్థికసాయం అందజేస్తున్న ఎస్పీ పాలరాజు
విజయనగరం టౌన్‌ : జిల్లా పోలీసు శాఖలో హోంగార్డుగా పనిచేసి ఉద్యోగ విరమణ చేసిన కోరాడ అప్పారావుకు ఎస్పీ జి. పాలరాజు రెండు లక్షల ముప్పై ఎనిమిది వేల నాలుగు వందల రూపాయల చెక్‌ను అందజేశారు. శుక్రవారం స్థానిక పోలీస్‌ కార్యాలయంలో జరిగిన ఈ కార్యక్రమంలో ఎస్పీ పాలరాజు మాట్లాడుతూ, హోంగార్డులు పదవీ విరమణ చేసినా, మరణించినా వారి కుటుంబానికి హోంగార్డుల ఒక్కరోజు అలవెన్స్‌ను అందజేస్తామని చెప్పారు. కార్యక్రమంలో హోమ్‌గార్డ్స్‌ ఇన్‌చార్జి ఆర్‌ఎస్సై మురళీధర్, ఆఫీస్‌ సూపరింటెండెంట్‌ బి.చంద్రశేఖర్, జూనియర్‌ సహాయకులు పాల్గొన్నారు.
