కీలక ఇన్నింగ్స్‌తో మెరిసిన చందర్‌పాల్‌ కుమారుడు

Feb 05, 2023, 07:46 IST

జింబాబ్వే, వెస్టిండీస్‌ జట్ల మధ్య తొలి టెస్టు తొలి రోజు ఆటకు వర్షం దెబ్బ కొట్టింది. బులవాయోలో శనివారం మొదలైన ఈ మ్యాచ్‌లో తొలి రోజు వర్షం కారణంగా ఆట ముగిసే సమయానికి వెస్టిండీస్‌ తొలి ఇన్నింగ్స్‌లో 51 ఓవర్లలో వికెట్‌ నష్టపోకుండా 112 పరుగులు సాధించింది. విండీస్‌ దిగ్గజ క్రికెటర్‌ శివనారాయణ్‌ చందర్‌పాల్‌ కుమారుడు తేజ్‌నారాయణ్‌ చందర్‌పాల్‌ (170 బంతుల్లో 55 బ్యాటింగ్‌; 8 ఫోర్లు) కెరీర్‌లో రెండో అర్ధ సెంచరీ చేశాడు. కెప్టెన్‌ క్రెయిగ్‌ బ్రాత్‌వైట్‌ (138 బంతుల్లో 55 బ్యాటింగ్‌; 2 ఫోర్లు) కూడా క్రీజులో ఉన్నాడు.