Manchu Manoj Marriage: పెళ్లి వేదిక రెడీ.. దారి పొడవునా వెల్‌కమ్‌ చెప్తున్న మనోజ్‌, మౌనికల ఫ్లెక్సీలు

మంచు వారింట పెళ్లి పనులు షురూ అయ్యాయి. మంచు మనోజ్‌, భూమా మౌనిక మరికొద్ది గంటల్లో ఏడడుగులు వేయనున్నారు. మంచు లక్ష్మీ నివాసం ఈ శుభకార్యానికి వేదికగా మారింది. దగ్గరుండి మరీ తమ్ముడి పెళ్లి జరిపించనుంది మంచు లక్ష్మి. ఇక ఇప్పటికే హల్దీ, మెహందీ, సంగీత్‌ ఫంక్షన్‌ ఘనంగా జరిగినట్లు తెలుస్తోంది.

అందుకు సంబంధించిన ఫోటోలు సైతం సోషల్‌ మీడియాలో వైరల్‌ అయ్యాయి. ఈ క్రమంలో మనోజ్‌ తాను మూడు ముళ్ల వేయబోయే మౌనిక ఫోటోను ట్విటర్‌లో షేర్‌ చేస్తూ కొత్త పెళ్లికూతురు అని రాసుకురాగా అడ్వాన్స్‌గా శుభాకాంక్షలు తెలియజేస్తున్నారు అభిమానులు.

మరోవైపు ఈ పెళ్లి కోసం ఫిలిం నగర్‌లో ఉన్న మంచు లక్ష్మి నివాసాన్ని అందంగా ముస్తాబు చేశారు. రోడ్డు పొడవునా ఫ్లెక్సీలు ఏర్పాటు చేశారు. బంధుమిత్రులు, పలువురు సెలబ్రిటీలు మండపానికి చేరుకుంటున్నారు. ప్రస్తుతం ఇందుకు సంబంధించిన ఫోటోలు నెట్టింట చక్కర్లు కొడుతున్నాయి.

చదవండి: మంచు మనోజ్‌ పెళ్లి చేసుకోబోతున్న అమ్మాయి బ్యాక్‌గ్రౌండ్‌ ఇదే