తుగ్గలి: కర్నూలు జిల్లా తుగ్గలి మండలం దిగువచింతలకొండలో ఓ యువతి టమాటా పొలంలో కలుపు తీస్తుండగా వజ్రం లభించింది. దాన్ని ఓ వ్యాపారి కొనుగోలు చేశాడు. ఆదివారం రాత్రి పలువురు వ్యాపారులు వజ్రం కొనుగోలుకు ప్రయత్నించినా బేరం కుదరలేదు. ఎనిమిది క్యారెట్లు ఉన్న ఈ వజ్రాన్ని సోమవారం చెన్నంపల్లికి చెందిన వ్యాపారి రూ.13.50 లక్షలకు కొన్నాడు. 24 రోజుల క్రితం పెండేకల్లులో రూ.6.80లక్షలు, ఇప్పుడు డీసీకొండలో రూ.13.50లక్షల విలువ చేసే వజ్రాలు లభ్యమయ్యాయి. ఈ ప్రాంతాల్లో వజ్రాలు లభ్యమవడం చాలా అరుదు.

సాక్షి, అమరావతి: కళ్లెదుట వాస్తవాలు కన్పిస్తున్నా వాటికి ముసుగేసి తలతోక లేని రాతలు రాస్తూ.. నోటికొచ్చి న విమర్శలు చేసే వారిని ఏమనాలి.. రామోజీరావు అనాలి. ఎందుకంటే.. అన్నదాతలను అయోమయానికి గురిచేయడం.. సీఎం వైఎస్‌ జగన్‌ ప్రతిష్టను దిగజార్చడమే లక్ష్యంగా రోజుకో కథనాన్ని వండి వార్చడం ఆయన లక్ష్యం. టీడీపీ ప్రభుత్వ హయాంలో టమాటా రైతు కోసం చంద్రబాబు ఏనాడు పట్టించుకోకపోయినా పల్లెత్తు మాట అనని రామోజీ.. ఈ నాలుగేళ్లలో టమాటా రైతులకు అన్ని విధాలుగా బాసటగా నిలుస్తున్న రాష్ట్ర ప్రభుత్వంపై మాత్రం బురద జల్లడమే పనిగా పెట్టుకున్నారు. టమాటా, ఉల్లి ప్రాసెసింగ్‌ యూనిట్ల ఏర్పాటు విషయంలో ‘మాటలు సరే.. చేతలేవీ జగన్‌ సారూ? అంటూ గురువారం ఈనాడులో అచ్చోసిన కథనంలో వాస్తవాలివిగో..  ఈనాడు ఆరోపణ: ఉల్లి, టమాటా రైతులకు బాసట ఏది?  వాస్తవం: రాష్ట్రంలో 1.50 లక్షల ఎకరాల్లో టమాటా, లక్ష ఎకరాల్లో ఉల్లి సాగవుతోంది. ఒక్క కర్నూలు జిల్లాలోనే  62,500 ఎకరాల్లో ఉల్లి.. 11,250 ఎకరాల్లో టమాటా సాగవుతోంది. ఉల్లి, టమాటా రైతులను గతంలో ఏ ప్రభుత్వమూ ఆదుకోని రీతిలో ఈ ప్రభుత్వం ఆదుకుంటోంది. ధరలు పడిపోయినప్పుడు ధరల స్థిరీకరణ నిధి ద్వారా కనీస మద్దతు ధరలకు కొనుగోలు చేయడమే కాక.. కంపెనీలతో సరైన ధరలకు కొనుగోలు చేసేలా చర్యలు తీసుకున్నారు. ఇలా.. నాలు­గేళ్లలో రూ.10.26 కోట్ల విలువైన 3,193.53 టన్నులను ధరల స్థిరీకరణ కింద సేకరించి రాష్ట్ర ప్రభుత్వం రైతులకు  అండగా నిలిచింది. కానీ, ఈ విషయాన్ని చెప్పేందుకు ఈనాడుకు మనసు రాలేదు.   ఈనాడు ఆరోపణ: ప్రాసెసింగ్‌ యూనిట్లు ఎక్కడ?  వాస్తవం: రైతులకు గిట్టుబాటు ధర, మహిళలకు స్వయం ఉపాధి కలి్పంచేలా సోలార్‌ డ్రయ్యర్‌తో కూడిన డీహైడ్రేషన్‌ యూనిట్ల ఏర్పాటును పెద్దఎత్తున ప్రోత్సహిస్తున్నారు. తొలుత ఫార్మర్‌ ప్రొడ్యూసర్‌ ఆర్గనైజేషన్‌ (ఎఫ్‌పీఓ)ల వద్ద రెండు యూనిట్లను మే 2022నæ ఏర్పాటుచేశారు. ఆ తర్వాత.. పైలట్‌ ప్రాజెక్టు కింద కర్నూలు జిల్లా తడకనాపల్లిలో గత ఏడాది ఆగస్టులో 10 యూనిట్లు ఏర్పాటుచేశారు. మహిళల ఆసక్తి మేరకు 35 శాతం సబ్సిడీపై మరో 40 యూనిట్లు ఇచ్చారు. రైతులకు కనీస మద్దతు ధర చెల్లిస్తూ ఇప్పటివరకు 1,200 టన్నుల టమాటా, ఉల్లిని ప్రాసెస్‌ చేశారు. వీటికి కొనసాగింపుగా 2023 జూలైలో మరో వంద యూనిట్లను సీఎం వైఎస్‌ జగన్‌మోహన్‌రెడ్డి ప్రారంభించారు. ప్రతీరోజూ ఒక్కో యూనిట్‌ ద్వారా 200 కేజీల టమాటా, ఉల్లి ఫ్లేక్స్‌ను తయారుచేయడం ద్వారా ప్రతీ ఒక్కరూ నెలకు రూ.10వేల నుంచి రూ.12 వేలు వరకూ ఆదాయాన్ని ఆర్జిస్తున్నారు. ఈ నిజాల్ని దాచేస్తే ఎలా రామోజీ?  ఈనాడు ఆరోపణ: ప్రాసెసింగ్‌ విస్తరణ చర్యలేవి? వాస్తవం: పైలట్‌ ప్రాజెక్టు విజయవంతం కావడంతో సీఎం వైఎస్‌ జగన్‌ ఆదేశాలతో రాష్ట్రవ్యాప్తంగా రూ.84 కోట్లతో 5 వేల యూనిట్ల ఏర్పాటుకోసం ఇటీవలే బ్యాంక్‌ ఆఫ్‌ బరోడాతో ఏపీ ఫుడ్‌ ప్రాసెసింగ్‌ సొసైటీ అవగాహనా ఒప్పందం చేసుకుంది. వీటిలో 3,500 యూనిట్లను రాయలసీమ జిల్లాల్లోనే ఏర్పాటుచేస్తున్నారు. ప్రతి 100 సోలార్‌ యూనిట్లను ఒక క్లసర్‌ కిందకు తీసుకొస్తున్నారు. రైతుల నుంచి ప్రతిరోజూ 20 టన్నులు టమాటా, ఉల్లిని సేకరించి తద్వారా రెండు టన్నుల ఫ్లేక్స్‌ తయారుచేసేలా ఈ క్లస్టర్‌ను ఏర్పాటుచేస్తున్నారు. కర్నూలు జిల్లా ఆదోని ప్రాంతంలో ఇప్పటికే 900 మంది లబ్దిదారులను గుర్తించింది. సెప్టెంబరు నాటికి 500 యూనిట్ల ఏర్పాటు లక్ష్యంగా పెట్టుకుంది. అనంతపురం జిల్లాలోని తాడిపత్రి, కళ్యాణదుర్గం, సత్యసాయి జిల్లా తనకల్లు ప్రాంతాల్లో లబ్దిదారులను గుర్తిస్తున్నారు.   ఈనాడు ఆరోపణ: సెకండరీ ప్రాసెసింగ్‌యూనిట్ల పరిస్థితి? వాస్తవం: ఆపరేషన్‌ గ్రీన్స్‌ పథకం కింద రూ.110 కోట్లతో 100 శాతం సబ్సిడీపై ఎఫ్‌పీఓల కోసం 20 ప్రైమరీ ప్రాసెసింగ్‌ సెంటర్లు (పీపీసీ) 20 పాలీహౌస్‌లు, షేడ్‌నెట్లను ప్రభుత్వం ఏర్పాటుచేస్తోంది. ఇప్పటికే ఒక్కోటి రూ.3 కోట్ల వ్యయంతో.. 1.5 టన్నుల సామర్థ్యంతో రాయలసీమ జిల్లాల్లో గంగవరం, సోమాల, బైరెడ్డిపల్లి (చిత్తూరు), బి.కొత్తకోట (అన్నమయ్య)లో ఏర్పాటుచేసిన నాలుగు పీపీసీ సెంటర్లను జూలై 25న సీఎం జగన్‌ ప్రారంభించారు. వీటి వద్ద 1.5 టన్నులను సార్టింగ్, వాషింగ్, గ్రేడింగ్‌ వంటి వసతుల కల్పనతో పాటు 250 టన్నుల సామర్థ్యంతో కూడిన కోల్డ్‌ స్టోరేజీలనూ ఏర్పాటుచేశారు. మరో రెండు ప్రాసెసింగ్, ఒక పాలీహౌస్, షేడ్‌నెట్‌ నిర్మాణంలో ఉన్నాయి. కర్నూలు జిల్లా గూడూరు వద్ద ఉల్లి–టమాటాలను పౌడర్‌గా మార్చే సెకండరీ ప్రాసెసింగ్‌ యూనిట్లను ఏర్పాటుచేస్తున్నారు. వచ్చే అక్టోబరు నాటికి ఈ ప్లాంటును ఏర్పాటుచేసి ఎఫ్‌పీఓకు అప్పగించేందుకు సన్నాహాలు చేస్తున్నారు. ఈనాడు ఆరోపణ: సీఎం హామీ ఏమైంది?  వాస్తవం: సీఎం జగన్‌ ఇచ్చిన హామీ మేరకు పత్తికొండలో 3.5 ఎకరాల్లో ఏడాదికి 12వేల టన్నుల సామర్థ్యంతో రూ.10 కోట్లతో టమా­టా ప్రాసెసింగ్‌ యూనిట్‌ నిర్మాణ పనులకు సెపె్టంబర్‌ రెండో వారంలో భూమిపూజ చేసేందుకు ఏర్పాట్లుచేస్తున్నారు. ఈ యూనిట్‌లో స్టోరేజీ, సార్టింగ్, గ్రేడింగ్‌ సదుపాయాలు కల్పిస్తున్నారు. పల్పింగ్‌ లైన్, డీ హైడ్రేషన్‌ లైన్‌ ఉంటాయి. కెచప్, జామ్, గ్రేవీ లాంటి అదనపు విలు­వతో కూడిన ఉత్పత్తులు తయారవుతాయి. పార్లమెంటరీ నియోజకవర్గ స్థాయిలో రాజంపేటలో రూ.294.92 కోట్లతో, నంద్యాలలో రూ.165.32 కోట్లతో ఇంటిగ్రేటెడ్‌ గుజ్జు, ఐక్యూఎఫ్‌ (టమాటా) పరిశ్రమలు ఏర్పాటుచేస్తున్నారు. ఏటా 2.85 లక్షల టన్నులు ప్రాసెస్‌ చేసే సామర్థ్యంతో వీటిని ఏర్పాటుచేస్తున్నారు. రూ.8.03 లక్షల విలువైన ఉల్లి డీ–టాపింగ్‌ మిషన్లు, 20 వేల విలువైన సీడ్‌ డిబ్లర్స్‌ను 50 శాతం సబ్సిడీపై ఉల్లి రైతులకు అందిస్తున్నారు. ఉల్లిని కనీసం 3–4 నెలలపాటు నిల్వచేసుకునేందుకు వీలుగా 25 టన్నుల సామర్థ్యంతో రూ.1.75 లక్షల అంచనాతో మల్టీ యుటిలిటీ నిల్వ కేంద్రాలూ నిర్మిస్తున్నారు. ఒక్క కర్నూలు జిల్లాలోనే 600కు పైగా ఈ నిల్వ కేంద్రాలు నిర్మిచారు. ఉల్లి ఎఫ్‌పీఓలకు రూ.6.10 లక్షల విలువైన 15 సోలార్‌ పాలీ డ్రయ్యర్లను 75 శాతం సబ్సిడీపై సమకూరుస్తున్నారు. ఈనాడు ఆరోపణ: టమాటా, ఉల్లి రైతులకు చేయూత ఏదీ?  వాస్తవం: టమాటా, ఉల్లి రైతులకు ఓ వైపు శిక్షణనిస్తూనే మరోవైపు సబ్సిడీపై సూక్ష్మ సేద్యం పరికరాలు అందజేశారు. నాలుగేళ్లలో 30,838 మంది టమాటా రైతులకు 76,383 ఎకరాల్లో రూ.130 కోట్ల విలువైన తుంపర పరికరాలు అందించారు. అకాల వర్షాలవల్ల పంట దెబ్బతిన్న 1,577 మంది టమాటా రైతులకు రూ.102.76 లక్షల ఇన్‌పుట్‌ సబ్సిడీని అందించారు. అలాగే, పంటల బీమా కింద ఉల్లి రైతులకు రూ.86 కోట్లు, టమాటా రైతులకు రూ.4.20కోట్లు ఇచ్చారు. కానీ, బాబు హయాంలో ఏనాడు ౖపైసా పరిహారం విదిల్చిన పాపాన పోలేదు. ఇలా ఉల్లి, టమాటా రైతులకు మేలు చేసేలా ఈ ప్రభుత్వం ఇన్ని చర్యలు తీసుకుంటున్నప్పటికీ ఈనాడు పత్రికకు అవేమీ కనిపించడంలేదు. ఎందుకంటే దాని యజమాని ఉద్దేశం, లక్ష్యం కేవలం ప్రభుత్వం మీద అక్కసు వెళ్లగక్కడమే.  

చిక్కబళ్లాపురం(బెంగళూరు): ప్రస్తుతం భారత్‌లో గత కొన్ని రోజులుగా ట్రెండింగ్‌లో ఏదైనా ఉందా అంటే అది టమోటా అనే చెప్పాలి. కొనగోలుదారులకు చుక్కలు చూపిస్తూ, రైతులకు కనక వర్షం కురిపిస్తోంది. ఇక దొంగలు కూడా బంగారం, డబ్బులు వదిలేసి టమోటాలపై పడ్డారు.  కర్ణాటకలో ఓ రైతు  ఏళ్లుగా సాగు చేసినా ఏనాడు కాసింత లాభాలు కూడా మిగల్చని టమాట పంటనే ఈ పర్యాయం ఆయనపై ధనవర్షం కురిపించనుంది. కొన్ని రోజుల్లో లక్ష్మీదేవి అతని ఇంటి తలుపులు తట్టనుంది. అసలు కథ ఏంటంటే.. చిక్కబళ్లాపురం తాలూకా పట్రేనహళ్లికి చెందిన రైతు దేవరాజు ఐదేళ్లుగా టమాట పంట సాగు చేస్తున్నాడు. పంట కోతకు వచ్చినప్పుడల్లా ధరలు నేలచూపు చూశాయి. దీంతో పెట్టుబడులు కూడా దక్కేవి కాదు. అయినప్పటికీ దేవరాజు టమాట సాగు చేయడం మానలేదు. ఈ ఏడాది అర ఎకరాలో సాగు చేయగా ప్రస్తుతం నిండుపూతతో ఉంది. కొద్ది రోజుల్లో పంట కోతకు రానుంది. అర ఎకరాకు రూ.లక్షా50వేలు వ్యయం చేశాడు. ప్రస్తుతం కిలో టమాట ధర 120 పలుకుతోంది. పది రోజుల వరకు ఇవే ధరలు కొనసాగితే రూ.9 నుంచి రూ.10లక్షల వరకు ఆదాయం వస్తుందని దేవరాజు ధీమాతో ఉన్నాడు. పంటకు తెగుళ్లు, చీడ పీడలు ఆశించాయని, మందులు పిచికారీ చేసి జాగ్రత్తగా కాపాడుకుంటున్నట్లు రైతు దేవరాజు తెలిపాడు. చదవండి: అదే పనిగా భర్తకు నైట్‌ షిఫ్ట్‌.. కోపంతో భార్య.. రాత్రి మాస్క్‌ వేసుకుని ఇంట్లోకి దూరి

పుణే: విపరీతంగా పెరిగిపోయిన టమాటా ధరలతో సామాన్య వినియోగదారుల జేబులకు చిల్లు పడుతోంది. మహారాష్ట్రలో పుణే జిల్లాకు చెందిన ఓ రైతు మాత్రం టమాటాలతో కేవలం ఒక నెల వ్యవధిలో ఏకంగా రూ.3 కోట్లు ఆర్జించాడు. ఒక్కసారిగా ధనవంతుడైపోయాడు. పుణే జిల్లాలో జున్నార్‌ తహసీల్‌ పరిధిలోని పాచ్‌గఢ్‌ గ్రామంలో రైతు ఈశ్వర్‌ గాయ్‌కర్‌(36) చాలా ఏళ్లుగా టమాటా పంట సాగు చేస్తున్నాడు. ఇన్నాళ్లూ నష్టాలే చవిచూశాడు. ఈ ఏడాది మే నెలలో సరైన ధర లేక టమాటాలను వృధాగా పారబోశాడు. ఇప్పుడు ధరలు పెరగడంతో ఈశ్వర్‌ పంట పండింది. అతడి శ్రమ ఫలించింది. జూన్‌ 11 నుంచి జూలై 18 మధ్య 3,60,000 కిలోల టమాటాలను సమీపంలోని నారాయణగావ్‌ మార్కెట్‌లో విక్రయించాడు. రూ.3 కోట్ల ఆదాయం కళ్లజూశాడు. తన పొలంలో మరో 80,000 కిలోల పంట ఉత్పత్తి అయ్యే అవకాశం ఉందని, మరో రూ.50 లక్షల ఆదాయం వస్తుందని అంచనా వేస్తున్నట్లు ఈశ్వర్‌ చెప్పాడు. టమాటా పంట సాగు, రవాణాకు రూ.40 లక్షలు ఖర్చయినట్లు తెలిపాడు. తనకు 18 ఎకరాల భూమి ఉందని, అందులో 12 ఎకరాల్లో టమాటా సాగు చేస్తున్నానని వెల్లడించాడు. జూన్‌ 11న కిలోకు రూ.38 చొప్పున, జూలై 18న కిలోకు రూ.110 చొప్పున ధర పలికిందని ఆనందం వ్యక్తం చేశాడు. టమాటా సాగుదారులకు ఇది మంచి కాలమని, కానీ, ఒక రైతుగా ఎన్నో గడ్డు రోజులు కూడా చూశానని అన్నాడు. టమాటాలకు కిలోకు రూ.రెండున్నర సైతం రాని రోజులు ఉన్నాయని వివరించారు. టమాటాల సాగు వల్ల 2021లో తనకు దాదాపు రూ.16 లక్షల నష్టం వచ్చిందని, 2022లో మాత్రం స్వల్పంగా లాభపడ్డానని చెప్పాడు. ఇదిలా ఉండగా, మహారాష్ట్రకు చెందిన మరో రైతు రాజు మహాలే టమాటాల సాగుతో ఈ సీజన్‌లో రూ.20 లక్షలు సంపాదించాడు.    అలా అయితే కిలో టమాటాలు ఫ్రీ ఛండీగఢ్‌ ఆటోవాలా వినూత్న ఆఫర్‌ తన ఆటో ఎక్కితే కిలో టమాటాలు ఫ్రీగా ఇస్తానంటూ చండీగఢ్‌లో అరుణ్‌ అనే ఓ ఆటో డ్రైవర్‌ ఆఫర్‌ ప్రకటించాడు. అయితే కనీసం ఐదుసార్లు తన ఆటో ఎక్కిన వారికే ఆఫర్‌ వర్తిస్తుందంటూ తిరకాసు పెట్టాడు! మనవాడిది ముందునుంచీ సేవా గుణమే. 12 ఏళ్లుగా సైనికులను ఫ్రీగా ఆటో ఎక్కించుకుంటున్నాడు. అంతేకాదు, గర్భిణులను ఉచితంగా ఆస్పత్రికి కూడా చేరేస్తుంటాడు. ‘‘ఆటోయే నా జీవనాధారం. కాబట్టి టమాటాల హవాను ఇలా అదనపు ఆదాయ మార్గంగా మార్చుకోవాలని వినూత్న ఆలోచన చేశానంతే. అయితే మన సైనిక వీరులకు, కాబోయే తల్లులకు చేసే సేవలోనే నాకు అమితమైన తృప్తి దొరుకుతుంది’’ అని చెబుతాడు అరుణ్‌. అక్టోబర్లో పాకిస్తాన్‌తో చండీగఢ్‌లో జరగబోయే క్రికెట్‌ మ్యాచ్‌లో భారత్‌ గెలిస్తే వరుసగా ఐదు రోజుల పాటు అందరికీ తన ఆటోలో ఉచిత ప్రయాణమేనని ప్రకటించేశాడు అరుణ్‌!   కిలో.70కే సబ్సిడీ టమాటా: కేంద్రం టమాటాలను ఇప్పటికే కిలో కేవలం రూ.80కి విక్రయిస్తున్న కేంద్రం, తాజాగా సబ్సిడీని మరో 10 రూపాయలు తగ్గించింది. గురువారం నుంచి రూ.70కే కిలో టమాటాలు అందుబాటులోకి వస్తాయని ప్రకటించింది. టమాటాల రేటు కొంతకాలంగా చుక్కలనంటుతున్న నేపథ్యంలో ఢిల్లీలోనూ, దేశవ్యాప్తంగా పలు ఇతర కీలక నగరాల్లోనూ వాటిని సబ్సిడీపై కేంద్రం అందుబాటులోకి తేవడం తెలిసిందే. 


 నిలకడ లేని ధరలతో టమోటా రైతు చిత్తవుతున్నాడు. తెలుగు రాష్ట్రాల్లోని అన్ని జిల్లాల్లోనూ టమోటాల సాగు ఉన్నప్పటికీ అత్యధికంగా పండించేది రాయలసీమ జిల్లాల్లోనే. చిత్తూరు జిల్లా టమోటాల సాగుకు పెట్టింది పేరు. మదనపల్లి మార్కెట్లో ప్రస్తుతం మేలు రకం టమోటా పది కిలోల ధర రూ. 130 ఉంది. ఇది రూ. 100కి పడిపోయే సందర్భాల్లో రైతులు తీవ్రంగా నష్టపోతున్నారు. చేతిదాకా వచ్చిన విలువైన ఆహారం వృథా అవుతోంది. ఈ నేపథ్యంలో టమోటాలను ఒరుగులు(ఎండు ఒప్పులు)గా, పొడిగా మార్చి నిశ్చింతగా వాడుకోవచ్చని అనంతపురం జిల్లా రెడ్డిపల్లిలోని కృషి విజ్ఞాన కేంద్రం(08554 200418) సూచిస్తోంది. టమోటా ఒరుగులు, పొడులను నిల్వ ఉంచి వాడినా రుచిలో తేడా లేదని, పోషకాల నష్టం కూడా ఏమీ లేదని కేవీకే అధ్యయనంలో తేలింది.
  
 7-10 రోజులు ఎండబెడితే చాలు
 
 టమోటా ఒరుగులు, పొడి తయారీకి నాణ్యమైన కాయలను ఎన్నుకోవాలి. టమోటాలను శుభ్రంగా నీటిలో కడగాలి. నాలుగు నుంచి 8 ముక్కలుగా కోసి ప్లాస్టిక్ షీట్ మీద 34 డిగ్రీల సెల్షియస్ అంతకుమించిన ఉష్ణోగ్రత ఉన్నప్పుడు.. 7 నుంచి 10 రోజుల వరకూ ఎండబెట్టాలి. ఒరుగుల మీద మంచు పడకుండా జాగ్రత్తపడాలి. పూర్తిగా ఎండిన ఒరుగులను గాలి ప్రసరించే ప్లాస్టిక్ కవర్లలో నిల్వ చేసుకుంటే పాడైపోకుండా ఉంటాయి. కేజీ టమోటాల నుంచి 60 గ్రాముల ఒరుగులు తయారవుతాయి. ఒరుగులను పొడి చేయవచ్చు. కేజీ టమోటాలతో 50 గ్రాముల పొడి తయారవుతుంది.
 
 రుచికి, పోషకాలకూ ఢోకా లేదు
 
 నిల్వ చేసిన ఎండు వరుగులను 4 నుంచి 6 గంటల వరకూ నీటిలో నానబెట్టి కూరల్లో వేసుకోవచ్చు. టమోటా పొడిని నేరుగా కూరలోనూ, రసంలోనూ వేసుకోవచ్చు. సూప్ తయారు చేసుకోవచ్చు. రెడ్డిపల్లి కేవీకే ప్రయోగాత్మకంగా కొందరు మహిళలకు టమోటా ఒరుగులు, పొడిని ఇచ్చి వాడించి చూసింది. వీటితో చేసిన వంటకాల రుచి తాజా టమోటాలు వేసినప్పటి మాదిరిగానే ఉందన్న అభిప్రాయం వ్యక్తమైందని కేవీకే పోగ్రాం డెరైక్టర్ డాక్టర్ పీ లక్ష్మిరెడ్డి తెలిపారు. 45 రోజుల పాటు నిల్వ చేసిన టమోటా ఒరుగులు, పొడులపై వ్యవసాయ విశ్వవిద్యాలయ(రాజేంద్రనగర్) నాణ్యతా నియంత్రణ కేంద్రంలో పరీక్షలు జరిపారు. దాదాపుగా తాజా టమోటాల్లో మాదిరిగానే విటమిన్ సి, లైకోపెన్ తదితర పోషక విలువలుండడం విశేషం.
  - చుక్కులూరు రమణారెడ్డి, అనంతపురం
  
 తాజా టమోటాలు, టమోటా ఒరుగుల్లో పోషకాలు