ప్రముఖ బాలీవుడ్ నటుడు రామ్ కపూర్ ఖరీదైన కారును కొనుగోలు చేశారు. లగ్జరీ కార్ల బ్రాండ్లలో ఒకటైన లంబోర్గిని ఎస్‌ఈని తన సొంతం చేసుకున్నారు. ఈ ప్రత్యేక మోడల్‌ను కొనుగోలు చేసిన మొదటి భారతీయ నటుడిగా నిలిచారు. తన భార్య గౌతమి కపూర్‌తో కలిసి ఫోటోలకు పోజులిచ్చారు. ఈ కారు విలువ దాదాపు రూ.5.21 కోట్లకు పైగానే ఉంటుందని తెలుస్తోంది.ఈ లంబోర్గిని ఉరుస్ ఎస్‌ఈ మోడల్ కారును 2024లో అధికారికంగా భారతదేశంలో రిలీజ్ చేశారు. ఇప్పటి వరకు ఏ నటుడు ఈ కారును కొనలేదు. దీంతో మొదట ఈ లగ్జరీ కారు కొన్న నటుడిగా రామ్ కపూర్ నిలిచారు. రామ్ తన బ్రాండ్ న్యూ లంబోర్గిని కారుతో దిగిన ఫోటోలు సోషల్ మీడియాలో హల్‌చల్ చేస్తున్నాయి. దీంతో ఇప్పటికే అతని వద్ద రామ్ పోర్స్చే , పోర్సే, ఫెరారీ , రేంజ్ రోవర్, మెర్సిడెస్ బెంజ్‌ వంటి కార్లను కూడా కలిగి ఉన్నారు.ఇక సినిమాల విషయానికొస్తే రామ్ కపూర్ ప్రస్తుతం వెబ్ సిరీస్‌ మిస్త్రీలో కనిపిస్తాడు. ఇది అమెరికన్ సిరీస్ ఆధారంగా తెరెకెక్కించారు. ఇందులో అతను డిటెక్టివ్ పాత్రలో కనిపించనున్నారు. ఈ వెబ్ సిరీస్ జూన్ 27 నుంచి జియో హాట్‌ స్టార్‌లో స్ట్రీమింగ్ కానుంది. అంతేకాకుండా గతేడాది యుధ్రా మూవీలోనూ మెరిశారు. View this post on Instagram A post shared by Auto Journal India (@autojournal_india)

ప్రముఖ బుల్లి తెర నటుడు రామ్ కపూర్ 55 కిలోల బరువు తగ్గడం నెట్టింట విస్తృత చర్చకు, ఊహాగానాలకు దారితీసింది. ఓజెంపిక్ లేదా సర్జరీ వంటి షార్ట్‌కట్‌ల ద్వారా అంత బరువు తగ్గాడనే అరోపణలను తీవ్రంగా ఖండించిన నటుడు కష్టపడి , అంకితభావంతో 140 కిలోల బరువును 55 కిలోలు తగ్గి 85 కిలోలకు తగ్గించుకున్నట్టు వెల్లడించాడు. దీనిపై రామ్‌కు అనేక ప్రశంసలు లభించాయి కూడా. అయితే రామ్‌కు పేరు తీసుకొచ్చిన టీవీ షో ‘బడే అచ్చే లగ్తే హై’ నిర్మాత ఏక్తా కపూర్‌ మాత్రం సంచనల వ్యాఖ్యలు చేయడం వివాదానికి దారి తీసింది. తాజాగా ఏక్తాకు కౌంటర్‌గా రామ్‌ భార్య గౌతమి కపూర్‌ ఒక వీడియోను పో స్ట్‌ చేసింది. ప్రస్తుతం ఇది నెట్టింట వైరల్‌గా మారింది. యాంటీ ఇన్‌ఫ్లమేటరీ డైట్ ఎంచుకోవాలా లేదా మౌంజారో, ఓజెంపిక్ తీసుకోవాలా, లేదా మౌనంగా ఉండాలా.. బడేహీ అచ్చే లగ్తేహై అంటూ ఒక పోస్ట్‌ పెట్టింది. పరోక్షంగా రామ్ కపూర్ వెయిట్‌ లాస్‌ జర్నీని ఏక్తా కపూర్‌ ఎగతాళి చేసింది. దీనిపై స్పందించిన గౌతమి వీడియోను విడుదల చేసింది. ఏక్తా కపూర్ తరహాలోనే కౌంటర్‌ "నేను యాంటీ ఇన్‌ఫ్లమేటరీ డైట్ తీసుకోవాలా? నేను మౌంజారో తీసుకోవాలా?నేను ఓజెంపిక్ తీసుకోవాలా లేదా పైన పేర్కొన్నవన్నీ తీసుకోవాలా? లేదా నా నోరు మూసుకోవాలా? క్యుంకి హుమే బడే నహీ చోటే హే అచ్చే లగ్తే హై..' అంటూ వీడియో పోస్ట్‌ చేసింది. అలాగే ఎవరికి నచ్చినది వార్ని చేయనివ్వాలి. జీవించాలి, జీవించనివ్వాలి, ఎందుకంటే లైఫ్‌లో అతి ముఖ్యమైనవి ఆరోగ్యం, ఆనందం, శాంతి అంటూ గౌతమి స్ట్రాంగ్‌ కౌంటర్‌ ఇచ్చింది. చివరగా నీ జీవితం నువ్వు చూస్కో అంటూ చురకలంటించింది. దీంతో భర్తకు సపోర్ట్‌గా నిలిచిన గౌతమిని అభిమానులు ప్రశంసించారు. View this post on Instagram A post shared by Gautami Kapoor (@gautamikapoor) ఏక్తా టీవీ సీరియల్‌ షో, బడే అచ్చే లగ్తే హై సీరియల్‌లో లీడ్‌ రోల్‌లో నటించిన రామ్‌కు, ఏక్తాకపూర్‌కు మధ్య ఇటీవల పచ్చగడ్డి వేస్తే భగ్గు మంటోంది. బడే అచ్చే లగ్తే హై షోలో గురించి ఒక ఇంటర్వ్యూ లో రామ్‌ వ్యాఖ్యల నేపథ్యంలో వారువురి మధ్య ప్రచ్ఛన్న యుద్ధం కొనసాగుతోంది. ఈ సీరియల్‌లో సాక్షి తన్వర్ పాత్రకు మధ్య తనకు సన్నిహిత సన్నివేశాన్ని రాసినది ఏక్తా కపూర్ అని, టీఆర్‌పీ రేటింగ్‌ కోసం అలాంటి సీన్లు పెట్టడాన్ని తాను ముందుగానే వ్యతిరేకించానని రామ్ వెల్లడించాడు. ఈ వ్యాఖ్యలపై ఆగ్రహించిన ఏక్తా కపూర్ పరోక్షంగా 'నోరు మూసుకో’ రామ్‌పై అంటూ మండిపడింది. ప్రొఫెషనల్ యాక్టర్‌ కాదని, అతనివి 'తప్పుడు' వ్యాఖ్యలని, తాను నోరు విప్పితే అసలు నిజం బయటపడుతుందని, కాన మౌనమే బెటర్‌ అని సమాధానమిచ్చింది. ఆ తరువాత అతని వెయిట్‌లాస్‌ జర్నీపై కూడా ఏక్తా వ్యంగ్య బాణాలు విసిరిన సంగతి తెలిసిందే.

వెయిట్‌లాస్‌ జర్నీలో సక్సెస్‌ అవ్వడం అంత ఈజీ కాదు. కొందరు బరవు తగ్గినట్లు తగ్గి మళ్లీ యథావిధి బరువుకి వచ్చేస్తుంటారు. అందరి శరీరతత్వం ఒకలా ఉండదు. ఒకరికి సాధ్యమైనట్లు మరొకరి బాడీకి సాధ్యం కాకపోవచ్చు. అలానే ప్రయత్నం మానకుండా బరువు తగ్గాలని బలంగా అనుకున్నవారే విజయవంతమవుతారు. అలాంటి కోవకు చెందినవారే బాలీవుడ్‌ నటుడు రామ్‌ కపూర్‌. ఆయన 140 కిలోల బరువతో ఊబకాయంతో నానా ఇబ్బందులు పడ్డారు. తగ్గే ప్రయత్నం చేసిన ప్రతిసారి..తగ్గినట్లుగా అనిపించేలోపే మళ్లీ యథావిధిగా అదే బరువుకి వచ్చేసేవారు. అయినా విసుగు చెందకుండా విజయవంతంగా బరువు తగ్గి స్లమ్‌గా మారి ఎందరికో స్ఫూర్తిగా నిలిచారు. మరీ ఆయన ఫిట్‌నెస్‌ జర్నీ ఎలా సాగిందో తెలుసుకుందామా..!నటుడు రామ్‌ కపూర్‌(Ram Kapoor) తన అధిక బరువు గురించి తనభార్య గౌతమి(Gautami) ఎన్నడూ ఏమి అనలేదు గానీ తన ఆరోగ్యం గురించి కలత చెందేదని అన్నారు. ఎందుకంటే.. అధిక బరువు కారణంగా ఒబెసిటీ, టైప్‌2 డయాబెటిస్‌(type 2 diabetes) వంటి అనారోగ్య సమస్యలతో బాధపడేవాడినని చెప్పారు. వాటికి చెక్‌ పెట్టాలంటే బరువు తగ్గక తప్పదని స్ట్రాంగ్‌గా నిర్ణయించుకున్నాని ఓ ఇంటర్వ్యూలో వెల్లడించారు. అందుకు సంబంధించిన వీడియో సోషల్‌ మీడియాలో హాట్‌ టాపిక్‌గా మారింది. ఆ ఇంటర్వ్యూలో తన వెయిట్‌లాస్‌ జర్నీ గురించి చాలా ఆస్తికరమైన విషయాలు చెప్పుకొచ్చారు. గత 15 ఏళ్లుగా అధిక బరువుతో నిరాటంకంగా పనిచేశాను. కానీ కనీసం ఇప్పుడైనా ఆరోగ్యం కోసం తన ఒంటిపై దృష్టి పెట్టాలని గట్టిగా అనుకున్నట్లు తెలిపారు. అందుకోసం తాను రెండుసార్లు ప్రయత్నించి విఫలమయ్యానని అన్నారు. తాను రెండు సార్లు 30 కిలోలు వరకు తగ్గి మళ్లీ నార్మల్‌ బరువుకి తిరిగి వచ్చేసిట్లు చెప్పారు. అయితే ఎప్పుడు డైట్‌తో బరువు తగ్గుతారని అనుకోవడం సరైనది కాదని అంటున్నారు.ఇక్కడ కేవలం మన సంకల్ప శక్తి(willpower.), సానుకూల మనస్తత్వం వల్లే బరువు తగ్గడం అనేది సాధ్యమవుతుందని చెబుతున్నారు. తాను రోజుకు రెండు పూటలా భోజనం చేసేవాడినని అన్నారు. ఒకటి ఉదయం 10.30 గంటలకు, మరొకటి సాయంత్రం 6.30 గంటలకని చెప్పారు. మధ్యలో నీళ్లు, కాఫీ లేదా టీ తాగేవాడినని అన్నారు. అయితే సాయంత్రం మాత్రం 6.30 గంటల కల్లా భోజనం చేసేస్తానని చెప్పారు. అస్సలు అల్పాహారం తినని అన్నారు. సూర్యాస్తమయం తర్వాత అస్సలు తినని చెప్పారు. దీన్ని కరెక్ట్‌గా‌ చేసేలా మన మైండ్‌ సెట్‌ స్ట్రాంగ్‌ ఉండేలా చూడాలని చెప్పారు. డైట్‌లు, ఆహారపు అలవాట్ల కంటే..మనసుని నియంత్రించగలిగే శక్తే బరువు తగ్గడానికి అత్యంత కీలకమైనదని అన్నారు. వాటివల్ల తాను 55 కిలోల మేర బరువు తగ్గడమే కాకుండా ఆ బరువునే మెయింటైన్‌ చేయగలిగానని అన్నారు. నిపుణుల ఏమంటున్నారంటే..నిపుణులు సానుకూల మనస్తత్వంతోనే బరువు తగ్గడం అనేది సాధ్యమవుతుందని చెబుతున్నారు. ఆరోగ్యకరమైన శరీరాన్ని కాపడుకోవడానికి అంకితభావంతో కూడిన మనస్తత్వం అవసరమని చెప్పారు. శుద్ధి చేసిన కార్బోహైడ్రేట్లు తగ్గించి ట్రాన్స్‌ఫ్యాట్‌లను నివారించాలన్నారు. ఇక్కడ వ్యాయామాన్ని శిక్షగా కాకుండా ఇష్టంతో చేయాలని చెప్పారు. ఒక్కోసారి చీట్‌ మీల్స్‌ ఉండొచ్చు. అయినా దాన్ని బర్న్‌ చేసేలా శారీరక శ్రమ చేయడం ముఖ్యం అని చెబుతున్నారు. మనసు మన మాట వినేలా ఎంత బలంగా చేసుకోగలిగితే అంతలా డైట్‌ని నియమబద్ధంగా ఫాలో అవ్వడం సాధ్యమవుతుందని చెబుతున్నారు. దీంతోపాటు సరిగా నిద్రపోవడం, తగినంత నీరు తాగడం తదితర జీవనశైలి చర్యలు ఉంటే అనుకున్న రీతిలో బరువు తగ్గగలరని చెబుతున్నారు ఆరోగ్య నిపుణులు. (చదవండి: మానవ ఐవీఎఫ్‌ సాయంతో కంగారూ పిండాలు..!)

Ram Kapoor owns  Porsche 911 Turbo S (992): ప్రముఖ టెలివిజన్ నటుడు రామ్ కపూర్,  "బడే అచ్చే లాగ్తే హై" 'కసమ్ సే' లాంటి పాపులర్‌ టీవీ సీరియళ్లతోపాటు అనేక బాలీవుడ్ సినిమాలలో  నటనతో ‍ తనకంటూ ఫ్యాన్స్‌ను క్రియేట్‌ చేసుకున్నాడు.  రామ్‌కు లగ్జరీ  కార్లు అంటే పిచ్చి.  ముఖ్యంగా  పోర్షే  కార్లంటే  చాలా ఇష్టం. అందుకే ఇటీవల తన గ్యారేజ్‌లో మూడో కారును  జోడించాడు. టాప్‌   వేరియంట్‌  స్పోర్ట్స్ కారు 992 టర్బో S కారును కొనుగోలు చేశాడు. దీని ధర  సుమారు రూ. 3.6 కోట్లు. తాజాగా ముంబై రోడ్లపై కపూర్ తన కొత్త కారుతో షికారు చేయడం  మీడియా కంటపడింది.ఇప్పటికే  రెండు పోర్షే కార్లను సొంతం చేసుకున్న  రామ్‌, తాజాగా  మరో పోర్షే  కారును అదీ టాప్‌ఎండ్‌ వేరియంట్‌ను కొనుగోలు  చేయడం  విశేషం.  రామ్‌ కపూర్‌ భార్య గౌతమి కపూర్‌  కూడా నటి పోర్షే 911 టర్బో S (992) విశేషాలు  అత్యంత అధునాతన మోడల్‌ 911  టర్బో S వేరియంట్, 560 PS గరిష్ట పపవర్‌ ను, 700 Nm నుండి భారీ 750 Nm టార్క్ వస్తుంది. ఆటోమేటిక్ స్టార్ట్/స్టాప్ ఫీచర్‌తో 7-స్పీడ్ డ్యూయల్-క్లచ్ PDK ట్రాన్స్‌మిషన్ ఇందులో  ఉన్నాయి.  ఇది కేవలం 3.1 సెకన్లలో గంటకు 0 నుండి 100 కి.మీ వేగాన్ని అందుకుంటుంది. ఇవేకాదు 2021లో, రామ్ కపూర్ రూ. 2 కోట్ల విలువైన పోర్షే 911 కారెరా ఎస్‌ని కొనుగోలు చేశారు.  ఇంకా రూ. 4.5 కోట్ల విలువైన ఫెరారీ పోర్టోఫినో ఎం , పోర్టోఫినో M పవర్,మెర్సిడెస్-AMG G63 లాంటి లగ్జరీ  కార్లు  రామ్ కపూర్   సొంతం. వీటితోపాటు బీఎండబ్ల్యూ ఆర్‌ 18,   ఇండియన్ రోడ్‌మాస్టర్ డార్క్ హార్స్ ,  బీఎండబ్ల్యూ  K 1600 B  సూపర్‌ బైక్స్‌ కూడా ఉన్నాయి.

Ram Kapoor New Car: ప్రముఖ బుల్లితెర నటుడు రామ్‌ కపూర్‌ ఖరీదైన కారు కొనుగోలు చేశాడు. సుమారు 1.82 కోట్ల రూపాయలు వెచ్చించి ఖరీదైన పోర్షే 911 కరీరా ఎస్‌ మోడల్‌ను సొంతం చేసుకున్నాడు. ఇందుకు సంబంధించిన ఫొటోలను కార్ల సంస్థ తమ ఇన్‌స్టా అకౌంట్‌లో పోస్ట్‌ చేసింది. సెంట్రల్‌ ముంబైలోని రామ్‌ కపూర్‌ నివాసానికి కారును పంపించామని, పోర్షే ఫ్యామిలీలోకి అతడిని ఆహ్వానిస్తున్నామంటూ సంతోషం వ్యక్తం చేసింది.  ఇక ఇందుకు స్పందించిన నెటిజన్లు తమదైన శైలిలో సెటైర్లు వేస్తున్నారు. ‘‘అసలే వర్షాలు.. ముంబై రోడ్ల మీద ఈ కారు సాఫీగా సాగిపోతుందా? అయినా.. మన టీవీ ఆర్టిస్టులకు ఇంత పెద్ద మొత్తం పారితోషికంగా లభించడం నిజంగా పెద్ద విషయమే. అంతా ఏక్తా కపూర్‌ మహిమ’’ అంటూ వ్యంగ్యాస్త్రాలు సంధిస్తున్నారు. కాగా న్యాయ్‌ సీరియల్‌తో 1997లో హిందీ బుల్లితెరపై అడుగుపెట్టిన రామ్‌ కపూర్‌... హీనా, సంఘర్ష్‌, కవిత వంటి డ్రామాలతో గుర్తింపు దక్కించుకున్నాడు.  ఇక హిందీ టెలివిజన్‌ క్వీన్‌గా గుర్తింపు పొందిన ఏక్తా కపూర్‌ నిర్మించిన ఘర్‌ ఏక్‌ మందిర్‌తో అతడి కెరీర్‌ మలుపు తిరిగింది. ముఖ్యంగా కసం సే, బడే అచ్చే లగ్‌తే హై సీరియల్‌తో పెద్ద బ్రేక్‌ వచ్చింది. తన నటనకు గానూ పలు అవార్డులు కూడా పొందాడు. ఇక ఏజెంట్‌ వినోద్‌, స్టూడెంట్‌ ఆఫ్‌ ది ఇయర్‌, హమ్‌షకల్స్‌, ఉడాన్‌, థప్పడ్‌ వంటి సినిమాల్లో రామ్‌ కపూర్‌ నటించాడు.  కారు ధర, ముఖ్యమైన ఫీచర్లు: పోర్షే 911 కరీరా ఎస్‌ ధర- సుమారు 1.83 కోట్లు మైలేజ్‌- 11.24 కిలోమీటర్‌/లీటర్‌ ఇంజన్‌- 2981సీసీ ఆటోమేటిక్‌ డ్యుయల్‌ క్లచ్‌ పెట్రోల్‌ వర్షన్‌ 4 సీటర్‌ కెపాసిటీ

న్యూఢిల్లీ: ప్రముఖ నటుడు రామ్‌ కపూర్‌ తరచూ వివిధ విషయాలను నెటిజన్లతో పంచుకుంటుంటారు. అయితే ప్రస్తుతం ఆయన సోషల్‌ మీడియాలో షేర్‌ చేసిన ఓ వీడియో తెగ వైరల్‌ అవుతోంది. అతని పెంపుడు కుక్క పొపాయ్‌ చాలా విచారంగా ఉన్న ఓ వీడియోను "అతను పార్కుకు వెళ్లి తన ప్రేయసితో కలిసి ఉండలేకపోతున్నానని బాధపడుతున్నాడు" అనే క్యాప్సన్‌తో ఇన్‌స్టాగ్రామ్‌లో పోస్ట్‌ చేశారు. ఈ వీడియోలో పొపాయ్‌ ఏదో మిస్‌ అవుతున్నట్టు తన గడ్డాన్ని డ్రస్సర్‌పై ఉంచి విచారం వ్యక్తం చేస్తున్నట్టు కనిపిస్తుంది. కాగా ఈ వీడియోను ఇప్పటివరకు 65,000 మంది నెటిజన్లు వీక్షించగా.. వందల మంది లైక్‌ కొట్టారు. "కుక్క తన గడ్డం ఆ డ్రస్సర్‌పై ఎలా ఉంచిందో...కానీ నాకు చాలా నచ్చింది, అందంగా ప్రభావవంతంగా ఉంది." అంటూ నటుడు నికి వాలియా కామెంట్‌ చేశారు. ఇక కపూర్ భార్య గౌతమి కపూర్ కూడా స్పందిస్తూ.. "ఈ పేదవాడిని ఒంటరిగా వదిలేయండి" అని రాసుకొచ్చారు. కాగా ఈ వీడియోను చూసిన నెటిజన్లు కుక్క నటనకి ఫిదా అవుతున్నారు. View this post on Instagram A post shared by Ram Kapoor (@iamramkapoor) (చదవండి: ఎల్లలు దాటిన ఇండో-జర్మన్‌ ప్రేమ కథ)  

నేటి ఆధునిక జీవనశైలిలో దాదాపుగా ప్రతీ ఒక్కరిని వేధిస్తున్న ప్రధాన సమస్య స్థూలకాయం. అధిక బరువును తగ్గించుకునేందుకు ఒక్కొక్కరూ గంటల తరబడి వ్యాయామం చేస్తుంటారు. ఊబకాయం నుంచి విముక్తి పొందేందుకు విశ్వప్రయత్నాలు చేసి.. స్లిమ్‌గా తయారవుతారు. టీవీ నటుడు రామ్‌ కపూర్‌ కూడా ఈ కోవకు చెందిన వారే. స్క్రీన్‌పై భారీకాయంతో కనిపించే రామ్‌ ప్రస్తుతం సోషల్‌ మీడియాలో షేర్‌ చేసిన ఫొటో అభిమానులను ఆశ్చర్యానికి గురిచేస్తోంది. చాలా కాలం తర్వాత ఇన్‌స్టాగ్రామ్‌ ఫాలోవర్స్‌ను పలకరించిన రామ్‌ కపూర్‌... స్లిమ్‌గా ఉన్న తన ఫొటోను షేర్‌ చేసి అభిమానులకు స్వీట్‌ షాకిచ్చాడు. ఈ క్రమంలో రామ్‌ న్యూలుక్‌కు ఫ్యాన్స్‌ ఫిదా అవుతున్నారు. ‘ ఇంతలా మారిపోయారేంటి సార్‌. అస్సలు గుర్తుపట్టలేకపోతున్నాం. ఏమాటకి ఆ మాటే గానీ... నిజానికి మీరు బొద్దుగా ఉంటేనే బాగుంటారు. అయితే అందంతో పాటు ఆరోగ్యం కూడా ముఖ్యమే కదా. ఇలాంటి గొప్ప మార్పుతో ఎక్కువ మందిని ఇన్‌స్పైర్‌ చేయగలరు’ అంటూ అతడిని ప్రశంసిస్తున్నారు. మరికొంత మంది మాత్రం..‘  ఇది నిజమా. మొత్తంగా మారిపోయారే. అసలు ఈ అకౌంట్‌ ఎవరిదో ముందు చెక్‌చేయాలి’ అంటూ సరదాగా కామెంట్‌ చేస్తున్నారు. కాగా పలు హిట్‌ సీరియళ్లలో నటించిన రామ్‌ కపూర్‌ కార్తిక్‌ కాలింగ్‌ కార్తిక్‌, స్టూడెంట్‌ ఆఫ్‌ ద ఇయర్‌, లవ్‌యాత్రి, షాదీ కీ సైడ్‌ ఎఫెక్ట్ప్‌ వంటి బాలీవుడ్‌ సినిమాల్లో కనిపించాడు. View this post on Instagram Wassssup peeps!! Long time no see A post shared by Ram Kapoor (@iamramkapoor) on Jul 7, 2019 at 12:08am PDT


 ముంబయి: బాలీవుడ్ శృంగార తార సన్నీలీయోన్తో కలిసి పనిచేయడం తనకు చాలా హాయిగా ఉందని అంటున్నాడు రామ్ కపూర్. ఇప్పటికే ఆమెతో కలిసి కుచ్ కుచ్ లోచా హాయ్ అనే చిత్రంలో నటించిన ఆయన ఆ అనుభవం మరిచిపోలేనిదని, ఆరోజులు ఎంతో హాయిగా గడిపోయాయని చెప్తున్నాడు. తాను మరోసారి ఆమెతో జత కట్టబోతున్నానని, ఓ యాక్షన్ థ్రిల్లర్ మూవీలో సన్నీతో కలిసి నటిస్తున్నట్లు చెప్పారు.
 
 ' అది నిజంగా చెప్పలేని ఆనందం. మా మొదటి చిత్రానికి చాలా గొప్పగా కలిసి పనిచేశాం. సన్నీ చాలా కష్టపడి పనిచేస్తుంది. బాగా ఫన్నీ.. ప్రొఫెషనల్ కూడా.. త్వరలో మరో చిత్రంలో ఆమెతో కలిసి నటిస్తున్నాను. అయితే, కామెడీ చిత్రం కాదు. 2015 చివరికి ఆ చిత్రం పూర్తవుతుంది' అని ఆయన చెప్పారు.


 ముంబయి: రామ్ కపూర్తో కలిసి నటిస్తున్నంత సేపు చాలా ఆహ్లాదంగా గడిచిందని బాలీవుడ్ నటి, శృంగార తార సన్నీ లీయోన్ అంది. అతడు నిజమైన హాస్యనటుడు అని ఆమె పేర్కొంది. తొలిసారి రామ్ కపూర్తో కలిసి కుచ్ కుచ్ లోచా హాయ్ చిత్రంలో నటిస్తున్న ఆమె.. సెట్స్లో రామ్ తో ఉన్నంత సేపు చిత్ర బృందమంతా చాలా సంతోషంగా గడిపేవాళ్లమని ఆ అనుభూతిని చెప్పలేనని అన్నారు. అతడు చాలా ఫన్నీ గాయ్ అని, సో ఫన్నీ అని చెప్పింది. అతడు ఎవరినైనా ఇట్టే నవ్వించగలడని చెప్పింది.
 
 ఈ చిత్రంలో రామ్ కపూర్ 45 ఏళ్ల పెళ్లైన వ్యక్తిగా కనిపించనున్నాడు. ఈ చిత్రంలో బాలీవుడ్ స్టార్ షనయా(సన్నీ లియోన్)ను కలిసే అవకాశం పొందుతాడు. ఈ సందర్భంగా జరిగే సన్నివేశాలు చాలా ఆనందాన్నివ్వనున్నట్లు చిత్ర దర్శకుడు దేవంగ్ దలోకియా తెలిపారు. ఈ చిత్రం మే 8న వెండితెరను పలకరించనుంది.