komati reddt venkatreddy

సాక్షి, న్యూఢిల్లీ: రాష్ట్ర మంత్రి కోమటి రెడ్డి వెంకట్ రెడ్డి ఈ రోజు మంగళవారం ఢిల్లీలో కేంద్ర మంత్రి నితిన్ గడ్కరీ తో ప్రత్యేక భేటీ నిర్వహించారు. తెలంగాణలో కీలక మౌలిక వసతుల ప్రాజెక్టులపై చర్చించారు. దీనిపై సానుకూలంగా స్పందించిన కేంద్రమంత్రి రాష్ట్ర ప్రతిపాదనలకు ఆమోదం తెలిపారు.ఎల్బీనగర్ - హయత్ నగర్ డబల్ డెక్కర్ ఎలివేటెడ్ కారిడార్ కు ,కృష్ణా నదిపై ఐకానిక్ కేబుల్ బ్రిడ్జి నిర్మాణానికి సంబంధించిన శంకుస్థాపన ప్రతిపాదనలకు ఆమోదం తెలిపారు. దానితో పాటు రాష్ట్రానికి 5 రోప్ వే లు, సేతు బంధన్ పథకం ద్వారా 3 ఆర్ఓబి లకుకు కేంద్రమంత్రి ఆమోదం తెలిపారు.ఐకానిక్ బ్రిడ్జి నిర్మాణం వల్ల NH 167k పై తెలంగాణ నుండి ఆంధ్రప్రదేశ్ అనుసంధానం జరిగి, రవాణా వ్యవస్థ,పర్యాటకం మెరుగుపడతుందని, హైదరాబాద్ - శ్రీశైలం NH 765పై ఎలివేటెడ్ కారిడార్ కి విజ్ఞప్తి పై నూతన డీపీఆర్ సిద్ధం చేయాలని అధికారులను నితిన్ గడ్కరీ ఆదేశించారు. హైద్రాబాద్ - అమరావతి గ్రీన్ ఫీల్డ్ హైవే పై సానుకూలంగా స్పందించారు.పుల్లూరు - అలంపూర్ - జట్రపోలు - పెంట్లవెల్లి - కొల్లాపూర్ - లింగాల - అచ్చంపేట - డిండి - దేవరకొండ - మల్లేపల్లి - నల్గొండ రాష్ట్ర హైవే లను జాతీయ హై వే లుగా మార్చాలని కోరడంతో సానుకూలంగా స్పందించిన కేంద్రమంత్రి హైదరాబాద్ లో నవంబర్ 19-22 వరకు జరగనున్న ఇండియన్ రోడ్ కాంగ్రెస్(IRC) కు మంత్రి ఆహ్వానించగా దీనిపై సానుకూలంగా స్పందించి కార్యాక్రమానికి హాజరవుతాన్నారు.ఇదీ చదవండి: బ్లాక్‌ టికెట్ల ముఠా అరెస్ట్

నల్లగొండ: తనకు సొంత ఇల్లు కూడా లేదని నల్లగొండ కాంగ్రెస్‌ అభ్యర్థి కోమటిరెడ్డి వెంకట్‌రెడ్డికి ఎన్నికల అఫిడవిట్‌లో పేర్కొన్నారు. మంగళవారం ఆయన నల్లగొండ ఆర్డీఓ కార్యాలయంలో నామినేషన్‌ దాఖలు చేశారు. ఈ సందర్భంగా అఫిడవిట్‌లో ఆయన ఆస్తుల వివరాలు వెల్లడించారు. గత ఎన్నికలతో పోలిస్తే ఈసారి ఆస్తులతో పాటు అప్పులు కూడా పెరిగాయి. 2018 ఎన్నికల్లో స్థిర, చరాస్తులు కలిపి మొత్తం రూ.68,37,727 ఉండగా.. ప్రస్తుతం స్థిర, చరాస్తులు కలిపి రూ.1,61,47,070గా పేర్కొన్నారు. గత ఎన్నికల్లో తన పేరిట అప్పు ఏమీ చూపని ఆయన ప్రస్తుతం రూ.1,70,00,000 అప్పు ఉన్నట్లు అఫిడవిట్‌లో చూపించారు. అదేవిధంగా 9.39 ఎకరాల భూమి ఆయన పేరు మీద ఉన్నట్లు చూపించారు. ఇదిలా ఉంటే కోమటిరెడ్డి వెంకటరెడ్డి సతీమణి సబిత పేరు మీద 2018 ఎన్నికల సందర్భంగా రూ.15,75,71,331 ఆస్తులు ఉండగా ప్రస్తుతం అవి రూ.37,62,25,329కు పెరిగాయని అఫిడవిట్‌లో పేర్కొన్నారు. గతంలో ఆమె పేరు మీద రూ.2,41,88,856 అప్పు ఉండగా ప్రస్తుతం రూ.4,74,77,630కి అప్పు పెరిగిందని అఫిడవిట్‌లో చూపించారు.

సాక్షి, యాదాద్రి : పూటకో పార్టీ మారడానికి  నేను గుత్తా సుఖేందర్ రెడ్డిని కాదని నల్లగొండ ఎమ్మెల్యే, సీఎల్పీ ఉపనేత కొమటిరెడ్డి వెంకట్ రెడ్డి అన్నారు. పీసీసీ అధ్యక్ష పదివి ఇచ్చినా..ఇవ్వకున్నా.. కాంగ్రెస్ పార్టీలోనే కొనసాగుతానని ఆయన స్పష్టం చేశారు. సోమవారం విలేకరులతో మాట్లాడుతూ.. నల్గగొండ పార్లమెంట్ స్థానానికి జరగనున్న ఉప ఎన్నికల్లో ప్రభుత్వానికి తగిన బుద్ధి చెబుతామన్నారు. ఉన్న ఏడాది కాలమైనా మంచి పాలన అందించాలని ప్రభుత్వానికి సూచించారు. ఆ తర్వాత ఎలాగో కాంగ్రెస్ అధికారంలోకి వస్తుందని కోమటి రెడ్డి జోస్యం చెప్పారు. స్వరాష్ట్రంగా ఏర్పడిన తెలంగాణలో ఇలాంటి పాలన ఉండటం దురదృష్టకరమన్నారు. కేసీఆర్ ప్రజావ్యతిరేక విధానాలను పాటిస్తున్నారని విమర్శించారు. వాటి గురించి ప్రజల్లోకి వెళ్లి వివరిస్తామని ఈ సందర్భంగా కోమటి రెడ్డి పేర్కొన్నారు. ఇక పీసీసీ అధ్యక్ష పదవి ఇవ్వకుంటే కోమటి రెడ్డి బ్రదర్స్ బీజేపీలోకి వెళ్తారనే ప్రచారం జరుగుతున్న  సమయంలో ఆయన వ్యాఖ్యలు చర్చనీయాంశమయ్యాయి.


 నిజాం, రజాకారుల పాలనను తలపిస్తోంది: సీఎల్‌పీ ఉపనేత కోమటిరెడ్డి
 తిప్పర్తి: రాష్ట్రంలో రౌడీరాజ్యం సాగుతోందని  సీఎల్‌పీ ఉపనేత కోమటిరెడ్డి వెంకట్‌రెడ్డి మరోమారు టీఆర్‌ఎస్‌ ప్రభుత్వంపై ఘాటైన వ్యాఖ్యలు చేశారు.   సీఎం కేసీఆర్‌ రైతులను మోసం చేస్తూ నిజాం, రజాకార్ల కాలంలో వలె పాలనను సాగిస్తున్నారని ధ్వజమెత్తారు. మంగళవారం నూతన మండలం మాడ్గులపల్లిలో కాంగ్రెస్‌ పార్టీ మండల కార్యాలయాన్ని ఆయన ప్రారంభించారు. ఈ సందర్భంగా జరిగిన సభలో మాట్లాడుతూ.. వారంలో ఐదు రోజులు ఫాంహౌస్‌లో ఉండే సీఎం ఏ పాలన కొనసాగిస్తాడని ప్రశ్నించారు.