business operations

న్యూఢిల్లీ: వ్యాపారాల నిర్వహణను సులభతరం చేసే దిశగా కేంద్రం మరిన్ని చర్యలపై ఫోకస్‌ చేస్తోంది. ఇందులో భాగంగా పలు రంగాలపై లైసెన్సింగ్‌ భారాన్ని తగ్గించడం మీద కసరత్తు చేస్తోంది. కీలక పర్మిట్ల కాలవ్యవధిని 15 ఏళ్ల వరకు పొడిగించాలని భావిస్తోంది. దీన్ని ఈ ఆర్థిక సంవత్సరంలోనే అమలు చేసే యోచన ఉన్నట్లు సంబంధిత వర్గాలు తెలిపాయి. ప్రధానంగా పర్యావరణం, ఔషధాలు, పేలుడు పదార్థాలు, బ్యూరో ఆఫ్‌ ఇండియన్‌ స్టాండర్డ్స్‌ మొదలైన వాటికి సంబంధించి ఈ సంస్కరణలను ప్రవేశపెట్టొచ్చని పేర్కొన్నాయి. ‘నిజానికి పలు లైసెన్సులను పూర్తిగా తీసివేయాలని కూడా అనుకున్నప్పటికీ, అది సరికాదనే అభిప్రాయం వ్యక్తమైంది. పోనీ వాటిని జీవితకాలానికి ఇవ్వడమనేది మరో ఆప్షనుగా తెరపైకి వచి్చంది. దాని మీద కూడా ఏకాభిప్రాయం కుదరలేదు. ఇలా జీవితకాల లైసెన్సులు ఇవ్వలేము కానీ, ఒక పది లేదా పదిహేనేళ్ల వరకు వ్యవధిని పొడిగించవచ్చని కొన్ని శాఖలు చెప్పాయి‘ అని సంబంధిత వర్గాలు తెలిపాయి. పర్మిట్ల కష్టాలు...టూరిజం, హాస్పిటాలిటీ రంగానికి సంబంధించి ఈ ఏడాది జూన్‌లో ప్రచురితమైన నీతి ఆయోగ్‌ రిపోర్టు ప్రకారం ఫుడ్, బెవరేజ్‌ వ్యాపారాల విషయంలో ప్రాజెక్టు జీవితకాలంలో దాదాపు 30 లైసెన్సులు అవసరమవుతున్నాయి. ఆతిథ్య రంగ వ్యాపారాలకు కేంద్రం, రాష్ట్ర ప్రభుత్వం, స్థానిక సంస్థల నుంచి 60 లైసెన్సుల వరకు అవసరమవుతోంది. పర్యావరణ అనుమతులు మొదలుకుని ఫుడ్‌ సేఫ్టీ పర్మిట్ల వరకు తీసుకోవాలి. వీటిలో కొన్నింటిని నిర్దిష్ట కాలవ్యవధి తర్వాత రెన్యువల్‌ చేసుకోవాలి. నీతి ఆయోగ్‌ నివేదిక ప్రకారం ఆహార భద్రత ప్రమాణాల ప్రాధికార సంస్థ ఎఫ్‌ఎస్‌ఎస్‌ఏఐ లైసెన్సులను 1 ఏడాది నుంచి 5 ఏళ్లకోసారి రెన్యువల్‌ చేసుకోవాల్సి ఉంటోంది. ఇదంతా వ్యాపారాలకు సవాలుగా ఉంటోంది. పరిశ్రమలకు కాలుష్య నియంత్రణ అనుమతులు, ఔషధాలకు తయారీ లైసెన్సులు, ఎక్స్‌ప్లోజివ్స్‌.. పెట్రోలియం సంబంధ కార్యకలాపాల కోసం పెట్రోలియం అండ్‌ ఎక్స్‌ప్లోజివ్స్‌ సేఫ్టీ ఆర్గనైజేషన్‌ నుంచి సేఫ్టీ లైసెన్సులు, నాణ్యతా ప్రమాణాలు తప్పనిసరిగా ఉండే ఉత్పత్తులకు బీఐఎస్‌ సర్టిఫికేషన్‌ మొదలైనవి కావాలి. ‘వివిధ రకాల లైసెన్సులన్నీ కలగలిపి ఒకే లైసెన్సు కింద మార్చే యోచన లేదు. తమ తమ వ్యాపార సంస్థలకు అవసరమయ్యే లైసెన్సులన్నింటినీ విడివిడిగా తీసుకోవాల్సిందే. అయితే ప్రస్తుతం డీరెగ్యులేషన్, నిబంధనల భారాన్ని తగ్గించడంపైనే దృష్టి పెడుతున్నాం‘ అని అధికారి వివరించారు. అత్యున్నత స్థాయి కమిటీ సిఫార్సులు..ఆర్థికయేతర నియంత్రణలకు సంబంధించిన సంస్కరణలపై ఏర్పాటైన అత్యున్నత స్థాయి కమిటీ ఈ మేరకు సిఫార్సులు చేసింది. నిబంధనల భారాన్ని తగ్గించే దిశగా కేంద్ర ప్రభుత్వ నియంత్రణలు, సరి్టఫికేషన్లు, లైసెన్సులు, పర్మిషన్లను సమీక్షించేందుకు 2025 ఆగస్టులో నీతి ఆయోగ్‌ సభ్యుడు, మాజీ క్యాబినెట్‌ కార్యదర్శి రాజీవ్‌ గౌబా సారథ్యంలో ఈ కమిటీ ఏర్పాటైంది. చాలా విషయాల్లో ప్రభుత్వ శాఖలన్నీ సుముఖంగానే ఉన్నందున డీరెగ్యులేషన్‌పై కమిటీ సిఫార్సులను ఈ ఆర్థిక సంవత్సరంలోనే అమల్లోకి తెచ్చే అవకాశం ఉందని సీనియర్‌ అధికారి ఒకరు తెలిపారు. ఈ విధానంలో ఫీజు చెల్లింపు, లైసెన్సు కాలపరిమితి వేర్వేరు అంశాలుగా ఉంటాయన్నారు. వ్యాపార సంస్థలు నిర్దేశిత ఫీజును ఏటా చెల్లించాల్సి ఉంటుంది. అయితే, లైసెన్సు కాలపరిమితి 10 లేదా 15 ఏళ్ల వరకు ఉంటుంది కాబట్టి పదే పదే రెన్యువల్‌ కోసం దరఖాస్తు చేసుకోవాల్సిన అవసరం ఉండదు.

 న్యూఢిల్లీ: కొత్త ఏడాదిలో తిరిగి కార్యకలాపాలు ప్రారంభించే అవకాశమున్నట్లు రుణ సంక్షోభంలో చిక్కుకున్న రెలిగేర్‌ ఫిన్‌వెస్ట్‌ లిమిటెడ్‌(ఆర్‌ఎఫ్‌ఎల్‌) భావిస్తోంది. రూ. 2,300 కోట్ల వన్‌టైమ్‌ సెటిల్‌మెంట్‌(ఓటీఎస్‌) ప్రతిపాదనకు రుణదాతలలో అత్యధిక శాతం సానుకూలంగా స్పందించడం ఇందుకు సహకరించనున్నట్లు అభిప్రాయపడుతోంది.  ఓటీఎస్‌ ప్రక్రియ పూర్తయితే ఆర్‌ఎఫ్‌ఎల్‌ దిద్దుబాటు చర్యల ప్రణాళిక(సీఏపీ) నుంచి బయటపడే వీలుంది. కంపెనీ ఆర్థిక పరిస్థితి క్షీణించిన నేపథ్యంలో ఆర్‌బీఐ 2018 జనవరిలో సీఏపీకి తెరతీసిన సంగతి తెలిసిందే. ఓటీఎస్‌ ఒప్పందంపై 16 రుణదాత సంస్థలలో 14 సంస్థలు సంతకాలు చేసినట్లు తెలుస్తోంది. ఒకటి రెండు రోజుల్లోగా మిగిలిన రెండు సంస్థలు సైతం అంగీకరించే అవకాశమున్నట్లు సంబంధిత వర్గాలు పేర్కొన్నాయి.  రెలిగేర్‌ ఎంటర్‌ప్రైజెస్‌కు చెందిన ఎన్‌బీఎఫ్‌సీ ఆర్‌ఎఫ్‌ఎల్‌.. ఎస్‌బీఐ అధ్యక్షతన ఏర్పాటైన రుణదాతల కన్సార్షియంకు రూ. 5,300 కోట్లు బకాయి పడింది. ప్రతిపాదిత ఓటీఎస్‌ ప్రకారం 2022 జూన్‌లో కంపెనీ సెక్యూరిటీగా రూ. 220 కోట్లు డిపాజిట్‌ చేసింది. ఈ బాటలో ఓటీఎస్‌ సొమ్ము చెల్లించేందుకు కంపెనీ సంసిద్ధంగా ఉన్నట్లు సంబంధిత వర్గాలు తెలియజేశాయి. వెరసి 2023లో కంపెనీ కార్యకలాపాలు తిరిగి ప్రారంభమయ్యే అవకాశమున్నట్లు అభిప్రాయపడ్డాయి. 


 ప్రపంచ నెంబర్ వన్ సర్చ్ ఇంజన్ గూగుల్ తన కార్యకలాపాలను గత రాత్రి నుంచి అర్ధాంతరంగా చైనాలో ఆపివేసింది. ఇటీవల కాలంలో హ్యాకర్ల దాడులు ఎక్కువ కావడం, అనేక నిబంధనలు వ్యాపార లావాదేవిలకు అడ్డుగా మారడంతో గూగుల్ ఈ నిర్ణయం తీసుకున్నట్టు తెలుస్తోంది. చైనా నుంచి హాంకాంగ్ కు తమ కార్యాలయాన్ని గూగుల్ బదిలీ చేసింది. ఈ పరిణామంపై చైనా ప్రభుత్వం గూగుల్ పై నిప్పులు చెరుగుతోంది. గూగుల్ సర్చ్ ఇంజిన్ పై సెన్సార్ విధించడం, కొన్ని సెన్సిటివ్ సర్చ్ ఆపరేషన్స్ ను ప్రభుత్వం ఫిల్టర్ చేయడం లాంటి అంశాలు గూగుల్ కు ఇబ్బందిగా మారాయి. 
  
 దాంతో చైనా నుంచి తమ కార్యకలాపాలను హాంకాంగ్ బదిలీ చేయాలని తీసుకున్న నిర్ణయం సాఫ్ట్ వేర్ ఇండస్ట్రీని షాక్ గురి చేసింది. ఈ వ్యవహరంపై ఆగ్రహం వ్యక్తం చేస్తూ బీజీంగ్ హెడ్ క్వార్టర్స్ లోని కార్యాలయం ఎదుట మద్దతుదారులు ఫ్లవర్ బోకేలు, చాకోలెట్, ఇతర బహుమతులతో నిరసన తెలిపారు. 400 మిలియన్ల యూజర్లు ఉన్న చైనా గూగుల్ కు అతిపెద్ద బిజినెస్ మార్కెట్ గా ఉంది. అయితే అధికారులు చైనా సర్చ్ సర్వీస్ లపై ఆంక్షలు విధించడం, నిబంధనలు అనుకూలంగా లేకపోవడంతో గూగుల్ ఈ విధంగా షాకిచ్చినట్టు తెలుస్తోంది. 


  దుబాయ్: భారత్‌లో హెచ్‌ఎస్‌బీసీ బ్యాంక్ ఒమన్ వ్యాపారాన్ని దోహా బ్యాంక్ సొంతం చేసుకోనుంది. దోహా బ్యాంక్ ఖతార్ కేంద్రంగా కార్యకలాపాలు నిర్వహిస్తోంది. భారత్‌లో హెచ్‌ఎస్‌బీసీ బ్యాంక్ ఒమన్ రుణాల (ఆస్తుల) విలువ 2013 డిసెంబరు 31 నాటికి దాదాపు రూ.350 కోట్లు.
  
 భారత్‌లో హెచ్‌ఎస్‌బీసీ బ్యాంక్  ఒమన్ రెండు బ్రాంచీల ద్వారా వ్యాపార కార్యకలాపాలు నిర్వహిస్తోంది. డీల్ వ్యవహారాన్ని దోహా బ్యాంక్ చైర్మన్ షేక్ ఫహాద్ బిన్ మహ్మద్ బిన్ జబార్ అల్ థానీ ఒక ప్రకటనలో తెలిపారు.
  
 ఈ ప్రకటన ప్రకారం, హెచ్‌ఎస్‌బీసీ బ్యాంక్ ఒమన్ సిబ్బంది మొత్తం ఇకపై దోహా బ్యాంక్ ఉద్యోగులుగా మారతారు. హెచ్‌ఎస్‌బీసీ (బ్యాంక్) ఒమన్‌లో దాదాపు 51 శాతం పరోక్ష వాటా కలిగిఉన్న హెచ్‌ఎస్‌బీసీ హోల్డింగ్స్ కూడా ఈ లావాదేవీని ధృవీకరించింది. కాగా ఈ లావాదేవీకి భారత్, ఖతార్, ఒమన్ రెగ్యులేటరీ అధికారుల ఆమోదముద్రలు పడాల్సి ఉంది.