TV
సీతాకోక.. రెక్కలు విచ్చుకునే వేళ..
అప్పుడే పట్టుగూడును బద్దలుకొట్టుకుని బయటి ప్రపంచంలోకి వచ్చిన అందాల సీతాకోక చిలుక.. రెక్కలు విప్పుకొని గాలిలోకి ఎగిరిపోయే సుందర దృశ్యాన్ని ఎప్పుడైనా చూశారా?
అప్పుడే పట్టుగూడును బద్దలుకొట్టుకుని బయటి ప్రపంచంలోకి వచ్చిన అందాల సీతాకోక చిలుక.. రెక్కలు విప్పుకొని గాలిలోకి ఎగిరిపోయే సుందర దృశ్యాన్ని ఎప్పుడైనా చూశారా? పోనీ రంగురంగుల బుల్లి సీతాకోకను స్వయంగా మీ చేతులతో గాలిలోకి వదిలిపెట్టారా? కోల్‌కతాలోని ఓ పార్కుకు వెళితే ఈ రెండూ అనుభవంలోకి వస్తాయి. జస్ట్ రూ.50 ఫీజు చెల్లిస్తే చాలు.. పట్టుగూడు(కకూన్)ను బద్దలుకొట్టుకుని సీతాకోక బయటికి రావడాన్ని చూడటమే కాదు.. అప్పుడే పుట్టిన ఆ బుల్లి సీతాకోకను గాలిలోకి విడిచిపెడుతూ ఫొటో కూడా తీసుకోవచ్చు. సీతాకోకల సంరక్షణ కోసమని ‘నేచర్ మేట్స్-నేచర్ క్లబ్’ అనే ఎన్‌జీవో వలంటీర్లు ఈ కొత్త కార్యక్రమం ప్రారంభించారు.
పట్టణాల్లో సీతాకోకల సంఖ్యను పెంచే లక్ష్యంతో ఈ కార్యక్రమాన్ని చేపట్టామని నేచర్ మేట్స్ కార్యదర్శి అర్జన్ బసు రాయ్ వెల్లడించారు. విద్యార్థులకు సీతాకోక జీవితచక్రంలోని దశల అభివృద్ధి గురించి కూడా తాము అవగాహన కల్పిస్తామన్నారు.
