వారసత్వ రాజకీయాలతో ఎంత ముప్పు?

Threat from dynasty polictics - Sakshi

సాక్షి, న్యూఢిల్లీ : దేశంలోని అనేక రాజకీయ పార్టీలకు ‘ఫ్యామిలీ ఈజ్‌ ది పార్టీ’  కానీ భారతీయ జనతా పార్టీకి మాత్రం ‘పార్టీ ఈజ్‌ ది ఫ్యామిలీ’  అంటూ ప్రధాని నరేంద్ర మోదీ ఇటీవల తనదైన శైలిలో ప్రతిపక్ష పార్టీల వారసత్వ రాజకీయాలను ఘాటుగా విమర్శించారు. ఆది నుంచి కాంగ్రెస్‌ పార్టీ వారసత్వ రాజకీయాలను ఎండగుడుతున్న ఆయన, రాహుల్‌ గాంధీ సోదరి ప్రియాంక గాంధీ క్రియాశీలక రాజకీయాల్లోకి రాగానే తన దాడిని ముమ్మరం చేశారు. అయితే ఈ వారసత్వ రాజకీయాలు ఒక్క కాంగ్రెస్‌ పార్టీకే పరిమితం కాలేదు. నరేంద్ర మోదీ ప్రాతినిధ్యం వహిస్తున్న బీజేపీ సహా అనేక పార్టీల్లో ఈ వారసత్వ రాజకీయాలు నేటికి కొనసాగుతున్నాయి. అలా అని ఈ రాజకీయాలు ఒక్క భారత దేశాన్ని మాత్రమే వేధిస్తోన్న సమస్య కాదు. 

జపాన్‌ నుంచి పిలిప్పీన్స్‌ వరకు ఈ వారసత్వ రాజకీయాల బెడద ఉంది. ఈ దేశాల్లో వారసత్వ రాజకీయాలపై 17వ శతాబ్దం నుంచే పోరాటం చేస్తున్నా ఏ ఒక్క దేశం కూడా ఇంతవరకు విజయం సాధించలేక పోయింది. అందుకు కారణం పలు రాజకీయ పార్టీలు కూడా వారసత్వ రాజకీయాల్లో కూరుకుపోవడమే. ఇంతకు ఎందుకు వారసత్వ రాజకీయాలను వ్యతిరేకించాలి? అన్న అంశంపై స్పష్టత ఉంటే ఎందుకు వారసత్వ రాజకీయాలను వదులుకోలేక పోతున్నామో సులభంగానే గ్రహించవచ్చు. వారసత్వ రాజకీయాల వల్ల అధికారం కొంతమంది వ్యక్తుల చేతుల్లోనే కేంద్రీకృతం అవుతుంది. అది ప్రజాస్వామిక మౌలిక సూత్రానికే విరుద్ధం. అందుకని వ్యతిరేకించాలి. 

మరి ఒక్క వారసత్వ రాజకీయాల వల్లనే దేశంలో ప్రజాస్వామ్య వ్యవస్థకు ముప్పు ఉంటుందా? ఓ వ్యక్తి వద్దనే అధికారం కేంద్రీకతమైనా, ఆ వ్యక్తి ప్రజాస్వామ్య సంస్థల ప్రతిపత్తిని లేదా స్వేచ్ఛను హరించినా, పాలకపక్షంపై రాజ్యాంగేతర శక్తుల ప్రాబల్యం కొనసాగినా ప్రజాస్వామ్య వ్యవస్థకు ముప్పు వాటిల్లినట్లే. రాజకీయ శాస్త్రవేత్త కాంచన్‌ ఛంద్రన్‌ అధ్యయనం ప్రకారం నేడు దేశంలోని 36 రాజకీయ పార్టీల్లో వారసత్వ రాజకీయాలు కొనసాగుతున్నాయి. వాటిల్లో 64 శాతం మంది వారసత్వ రాజకీయాల నుంచి వచ్చిన వారే. 2014లో ముఖ్యమంత్రులైన వారిలో 50 శాతం మంది వారసత్వ రాజకీయాల నుంచి వచ్చిన వారే. 2014లో 23 శాతం మంది ఎంపీలు వారసత్వ రాజకీయాల నుంచి వచ్చిన వారే.

బీజేపీలోనూ వారసత్వ రాజకీయాలు 
2009లో యూపీఏ ప్రభుత్వం అధికారంలో ఉన్నప్పుడు 36 శాతం కాంగ్రెస్‌ పార్టీ ఎంపీలు వారసత్వ రాజకీయాల కారణంగా వచ్చిన వారే. 39 మంది కేబినెట్‌ మంత్రులు అలా వచ్చిన వారే. ఇక 2014లో బీజేపీ అధికారంలోకి వచ్చినప్పుడు వారసత్వ రాజకీయాల నుంచి వచ్చిన ఎంపీల శాతం 15. 2009లో అలాంటి వారి శాతం 20 శాతం ఉండింది. నరేంద్ర మోదీ ప్రస్తుత కేబినెట్‌లో 24 శాతం మంది మంత్రులది వారసత్వ రాజకీయ చరిత్రే. ఎంపీలు, ఎమ్మెల్యేలకన్నా వారసత్వ రాజకీయాల కారణంగా ప్రధాన మంత్రులు, ముఖ్యమంత్రులు అయిన వారి వల్ల ప్రజాస్వామ్య వ్యవస్థకు ఎక్కువ నష్టం వాటిల్లుతుంది. వారసత్వ రాజకీయాలకన్నా అధికార కేంద్రీకృతం వల్ల ప్రజాస్వామ్యానికి ఎక్కువ నష్టం. నాడు వారసత్వ రాజకీయాల కారణంగానే ప్రధాని అయినప్పటికీ ఇందిరాగాంధీ వద్దనే అధికారం కేంద్రీకృతం అవడం ఎమర్జెన్సీకి దారితీసింది. 

మోదీ వద్దనే అధికార కేంద్రీకరణ
నరేంద్ర మోదీ బాధ్యతలు స్వీకరించిన కొత్తలో జరిగిన కేబినెట్‌ సమావేశంలో కేంద్ర మంత్రి హర్షవర్దన్‌ ఆయన ముందు ఓ స్కూలు విద్యార్థిలా అటెన్షన్‌లో నిలబడడం, ఫిబ్రవరి ఒకటవ తేదీన పార్లమెంట్‌లో జనర ల్‌ బడ్జెట్‌ను ప్రవేశపెట్టినప్పుడు ‘మోదీ మోదీ’ అంటూ పాలకపక్ష సభ్యులు ఆయన నామస్మరణతో బల్లలు చర్చడం అధికార కేంద్రం ఆయన్నే అనే విషయాన్ని ధ్రువీకరిస్తున్నాయి. కేంద్ర కేబినెట్‌తో సంబంధం లేకుండా ఆయన ఏకపక్షంగా ‘పెద్ద నోట్ల రద్దు’ నిర్ణయం తీసుకోవడం ఈ విషయాన్ని మరింత స్పష్టం చేస్తోంది. 

రాజ్యాంగేతర శక్తిగా ఆరెస్సెస్‌
ఇరాన్‌ ప్రభుత్వంలో ఉలేమాల (ఇస్లాం మతాధికారులు) పెత్తనం లాగా దేశంలోని బీజేపీ పాలకపక్షంపై ఆరెస్సెస్‌ పెత్తనం కొనసాగుతోంది. కాకపోతే ఇరాన్‌ ప్రభుత్వంలో ఉలేమాల ప్రస్థావన ఉండగా, మన రాజ్యాంగంలో ఆరెస్సెస్‌ ప్రస్థావన లేదు. కేంద్ర మంత్రుల నుంచి రాష్ట్ర మంత్రుల ఎంపిక వరకు, రాష్ట్రపతి నుంచి రాష్ట్ర గవర్నర్ల నియామకం వరకు ఆరెస్సెస్‌ ప్రభావం కనిపిస్తోంది. 2015లో కేంద్ర మంత్రులు ఆరెస్సెస్‌ అధిష్టానం ముందు ‘పవర్‌ పాయింట్‌ ప్రజెంటేషన్‌’ ద్వారా తమ పనితీరును నిరూపించుకున్న పరిస్థితి ఆరెస్సెస్‌ పెత్తనానికి పరాకాష్ట. ఇది ప్రజాస్వామ్యాన్ని ఖూనీ చేయడం కాదా?

డెమోక్రటిక్‌ సంస్థల నిర్వీర్యం
బీజేపీ అధికారంలోకి వచ్చిన నాటి నుంచి దేశంలో అనేక ప్రజాస్వామ్య వ్యవస్థలు నిర్వీర్యం అయ్యాయి. అర్బీఐ అభిప్రాయానికి భిన్నంగా పెద్ద నోట్లను రద్దు చేయడం, ప్రభుత్వం ఒత్తిడి తట్టుకోలేక ఆర్బీఐ చైర్మన్‌ పదవికి ఉర్జిత్‌ పటేల్‌ రాజీనామా చేయడం, ఏకపక్షంగా సీబీఐ డైరెక్టర్‌ అలోక్‌వర్మపై చర్యతీసుకోవడం, సుప్రీం కోర్టు తీర్పులను ఛాలెంజ్‌ చేయడం, ప్రజా కంఠాలను అణచివేయడం దేన్ని సూచిస్తున్నాయి ? దేశ ప్రజాస్వామ్య వ్యవస్థకు వారసత్వ రాజకీయాల వల్ల ఎక్కువ ముప్పు ఉందా ? నియంతత్వ లేదా అధికార కేంద్రీకత రాజకీయాల వల్ల ఎక్కువ ముప్పు ఉందా!?

మరిన్ని వార్తలు

25-04-2019
Apr 25, 2019, 04:53 IST
రాజధాని ఢిల్లీలో ఎన్నికలు రసకందాయంలో పడ్డాయి. ఆమ్‌ఆద్మీ పార్టీ (ఆప్‌), కాంగ్రెస్‌ మధ్య పొత్తు కుదరకపోవడంతో రాజకీయ సమీకరణలు మారిపోయాయి....
25-04-2019
Apr 25, 2019, 04:40 IST
ఆయన లోక్‌సభ బరిలో లేరు ఆయన పార్టీ కూడా ఎన్నికలకి దూరంగా ఉంది.  అయినా ఆయన ప్రచార సభలకి జనం...
25-04-2019
Apr 25, 2019, 04:25 IST
లోక్‌సభ ఎన్నికల నాలుగో దశలో పోలింగ్‌ జరిగే ఉత్తరప్రదేశ్‌లోని 13 నియోజకవర్గాల్లో ఆసక్తికర పోటీ జరుగుతోంది. అవధ్‌ ప్రాంతంలోని ఐదు...
25-04-2019
Apr 25, 2019, 03:59 IST
ఈ ఎన్నికల్లో ‘నామ్‌కే వాస్తే’ అభ్యర్థుల బెడద అసలు అభ్యర్థులకు తప్పడం లేదు. ఊరూ పేరూ లేకున్నా పాపులర్‌ రాజకీయ...
25-04-2019
Apr 25, 2019, 03:46 IST
లఖింపూర్‌ ఖేరి/ఉన్నావ్‌: ప్రధాని నరేంద్ర మోదీ 15 మంది ఎంపిక చేసిన వ్యక్తుల ప్రయోజనాలను మాత్రమే పరిరక్షించారని కాంగ్రెస్‌ అధ్యక్షుడు...
25-04-2019
Apr 25, 2019, 03:37 IST
సాక్షి, హైదరాబాద్‌: జిల్లా పరిషత్‌ చైర్మన్‌ పదవుల కోసం టీఆర్‌ఎస్‌లో పోటీ తీవ్రంగా ఉంది. పలువురు సీనియర్‌ నేతలు, మాజీ...
25-04-2019
Apr 25, 2019, 03:24 IST
న్యూఢిల్లీ: భారత ప్రధానిగా బాధ్యతలు చేపడతానని తాను కలలో కూడా అనుకోలేదని ప్రధాని మోదీ తెలిపారు. చిన్నప్పటి నుంచి తాను...
24-04-2019
Apr 24, 2019, 19:50 IST
ఎన్నికల తర్వాత పెట్రో షాక్‌లు..
24-04-2019
Apr 24, 2019, 19:02 IST
సాక్షి, న్యూఢిల్లీ : మూడవ విడత లోక్‌సభ ఎన్నికల్లో మొత్తం 1,612 మంది అభ్యర్థులు పోటీలో ఉండగా, వారిలో 21...
24-04-2019
Apr 24, 2019, 18:57 IST
అనంతపురం : టీడీపీ కన్ను ఇప్పుడు పోస్టల్‌ బ్యాలెట్‌ ఓట్లపై పడింది. పోస్టల్‌ బ్యాలెట్‌ ఓట్లే లక్ష్యంగా టీడీపీ కుట్రలకు...
24-04-2019
Apr 24, 2019, 17:56 IST
సాక్షి, న్యూఢిల్లీ : రాహుల్‌ గాంధీ కాంగ్రెస్‌ పార్టీకి ప్రస్తుత అధ్యక్షుడే కాకుండా భారత ప్రధాన మంత్రులకు కుమారుడు, మనవడు,...
24-04-2019
Apr 24, 2019, 17:50 IST
సాక్షి, న్యూఢిల్లీ : లోక్‌సభ ఎన్నికల్లో ఓటమి తప్పదని గ్రహించిన విపక్షాలు ఈవీఎంల్లో లోపాలు అంటూ సాకులు వెతుకుతున్నాయని ప్రధాని...
24-04-2019
Apr 24, 2019, 17:24 IST
సాక్షి, అమరావతి : రాష్ట్రంలోని 13 జిల్లాల ఐఏఎస్, ఐపీఎస్ అధికారులతో ప్రభుత్వ ప్రధాన కార్యదర్శి ఎల్వీ సుబ్రహ్మణ్యం ,సీఈఓ...
24-04-2019
Apr 24, 2019, 16:33 IST
అమరావతి: శ్రీకాకుళం మాజీ ఎస్పీ అడపా వెంకటరత్నంకు ఆంధ్రప్రదేశ్‌ ప్రభుత్వం మళ్లీ పోస్టింగ్‌ ఇచ్చింది. డెప్యూటేషన్‌పై ఏపీ ట్రాన్స్‌కోకు వెంకటరత్నంను...
24-04-2019
Apr 24, 2019, 16:12 IST
హైదరాబాద్‌: టీడీపీ అధినేత, ఏపీ సీఎం నారా చంద్రబాబు నాయుడిపై ఏపీ బీజేపీ నేత విష్ణువర్ధన్‌ రెడ్డి మరోసారి తీవ్రంగా మండిపడ్డారు....
24-04-2019
Apr 24, 2019, 15:58 IST
సాక్షి, న్యూఢిల్లీ : లోక్‌సభ ఎన్నికల అనంతరం కాంగ్రెస్‌ పార్టీ సారథ్యంలో కేంద్రంలో యూపీఏ -3 కొలువుతీరుతుందని ఆ పార్టీ...
24-04-2019
Apr 24, 2019, 15:29 IST
సాక్షి, అమరావతి: స్ట్రాంగ్‌ రూమ్‌ల భద్రతపై ఎలాంటి సందేహాలు వద్దని, ఈవీఎంలను భద్రపరిచిన గదుల్లోకి ఎవరికీ ప్రవేశం ఉండదని ఆంధ్రప్రదేశ్‌...
24-04-2019
Apr 24, 2019, 15:07 IST
మా నాన్న బస్‌ డ్రైవర్‌, తాతయ్య ఆర్మీలో పనిచేసేవారు.
24-04-2019
Apr 24, 2019, 15:03 IST
సాధ్వి ప్రజ్ఞా సింగ్‌కు రిలీఫ్‌
24-04-2019
Apr 24, 2019, 14:30 IST
‘బోర్డర్‌’ బాలివుడ్‌ చిత్రం ద్వారా ప్రేక్షకులకు కించిత్తు దేశభక్తి, కించిత్తు జాతీయవాదాన్ని పంచిన బాలివుడ్‌ నటుడు సన్నీ డియోల్‌ మంగళవారం...
Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top