నీకై ఎదురు చూస్తుంటాలే!

అంజలి, ఆండ్రియా, వసంత్‌ ముఖ్య తారలుగా రామ్‌ దర్శకత్వంలో రూపొంది, తమిళ్‌లో విజయవంతమైన చిత్రం ‘తారామణి’. జె.ఎస్‌.కె ఫిల్మ్‌ కార్పొరేషన్‌ సమర్పణలో డీవీ సినీ క్రియేషన్స్‌ పతాకంపై డి. వెంకటేశ్‌ అదే టైటిల్‌తో తెలుగులో విడుదల చేస్తున్నారు. ఈ చిత్రంలోని  ‘చేతులు చాచి.. యుగములు వేచి, నీకై ఎదురు చూస్తుంటాలే..’ అనే పాటను సంగీతదర్శకురాలు, గాయని  ఎం.ఎం. శ్రీలేఖ విడుదల చేశారు.

శ్రీలేఖ మాట్లాడుతూ– ‘‘తెలుగులో ఈ సినిమాను విడుదల చేయడం చాలా హ్యాపీగా ఉంది. డైరెక్టర్‌ రామ్‌ చాలా బాగా తీశారు. వెంకటేశ్‌గారు స్ట్రైట్‌ మూవీస్‌ తీసి, సక్సెస్‌ఫుల్‌ ప్రొడ్యూసర్‌గా పేరు తెచ్చుకోవాలని కోరుకుంటున్నాను’’ అన్నారు. ‘‘లేడీ ఆడియన్స్‌కు బాగా రీచ్‌ అవుతుందనే శ్రీలేఖగారితో ఈ పాటను రిలీజ్‌ చేయించాం. తమిళ్‌లో మంచి కలెక్షన్స్‌ను రాబట్టిన ఈ సినిమా తెలుగులో అంతకంటే పెద్ద హిట్‌ సాధించాలని కోరుకుంటున్నాను’’ అని అన్నారు డి. వెంకటేశ్‌.