దసరా కానుకగా ‘హలో గురు ప్రేమ కోసమే’

ఎనర్జిటిక్‌ స్టార్‌ రామ్‌ హీరోగా తెరకెక్కుతున్న తాజా చిత్రం ‘హలో గురు ప్రేమ కోసమే’. దిల్‌ రాజు నిర్మిస్తున్న ఈ సినిమాలో రామ్‌ కు జోడిగా అనుపమా పరమేశ్వరన్‌ నటిస్తుండగా దేవీ శ్రీ ప్రసాద్‌ సంగీతమందిస్తున్నారు. నాని హీరోగా నేను లోకల్‌ సినిమాతో మంచి సక్సెస్‌ సాధించిన త్రినాథ్‌ రావు నక్కిన ఈ సినిమాకు దర్శకుడు . ఇప్పటికే మేజర్‌ పార్ట్‌ షూటింగ్ పూర్తి చేసుకున్న ఈ సినిమా రిలీజ్‌ డేట్‌ను ప్రకటించారు చిత్రయూనిట్‌. రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమాను దసరా కానుకగా అక్టోబర్‌ 18న రిలీజ్‌ చేస్తున్నట్టుగా ప్రకటించారు.