లిప్‌లాక్‌కు ఓకే

ఆన్‌స్క్రీన్ హీరో హీరోయిన్ల మధ్య లిప్‌లాక్ సన్నివేశాలిప్పుడు సర్వసాధారణం. అయినా అలాంటి సన్నివేశాలుంటే యువతకు క్యూరియాసిటీ కూడా ఎక్కువే. అందుకే అలాంటి సన్నివేశాలు రిపీట్ అవుతుంటాయి. ఇంతకుముందు ఈ తరహా లిప్‌లాక్ సన్నివేశాలకు కమలహాసన్‌ను ప్రత్యేకంగా చెప్పుకునేవారు. ఇప్పుడు చాలామంది నటులు ఇలాంటి ముద్దు సన్నివేశాలకు ఆసక్తి చూపిస్తున్నారు. కథ డిమాండ్ పేరుతో సొమ్ము చేసుకునే ప్రయత్నంగా దీన్ని భావించక తప్పదు. ఇక అసలు విషయానికొస్తే ఇప్పటి వరకు పక్కింటి అమ్మాయిగా హోమ్లీ పాత్రల్లో నటించి మంచి పేరు తెచ్చుకున్న లక్ష్మీమీనన్ ఇప్పుడు పాశ్చాత్య సంస్కృతికి చిహ్నం అయిన లిప్‌లాక్ సన్నివేశంలో నటించడానికి ఓకే చెప్పడమే కాదు నటుడు విశాల్‌కు ఘాటుగా ముద్దు లిచ్చేసిందట.